Yeremi 33:16 - NQAARIIT NE ROOG

¹⁶ No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »

Yeremi 33:16 Referans Kwoze

Yeremi 23:6

Na jamaane um, xan Yudaa a muclel, Isra’el a gen no woor. Kene refu gon le ta ne’keel: ‹O Yaal oxe refu o cofel in.› »

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Esayi 45:17

Kaa koy, o Yaal oxe xan a mucil xeet fee Isra’el. Xan a muclel boo faw. Nu sedkee muk mbaat nu niwaƭarel.

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

O leetar ole Pool a bindna GIMU WE NGENNA ROM 11:26

Neene o mat Isra’el fop a muclitkeel, ne ta layteena kam a Pind a Tedu ke yee: «O Baawat oxe xan a inoor Siyoŋ, too xan a ñuf nanaƭar ne na xa taan axe Yakoob.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

Esayi 45:22

Nuun we ngenna no cat adna, ngeleerooxyo me mi too njaɓ o muclel, yaam mi refu Roog, too jegee fa lakas.

Heseki’el 28:26

Xan a ngen teen fo o woor, a max pind, a njimb a ƭing taxar biiñ. Xan a ngen teen fo o woor, yaa um fadinkaa kate es took no fop we mbidna a den, a nqeefaa a den. Maaga, xan da and ee mi refu o Yaal oxe Roog den.»

Yeremi 32:37

‹Mi koy, xam fokatit a den na saax ake fop pasar’uuma a den kam fuux es, kam o say es fo no ngañak es. Xam nomtiid a den no mbiñ onqene, gennoor a den teen fo o woor.

A cangatin ale 33:28

Isra’el xan a gen no woor, we mbaqaqoorna na Yakoob a kesel kam saax le na bele fee fa biiñ fee, soo asamaan um a yuurnaa liim le.

A cangatin ale 33:12

Keeke a layu na carind ale Bensame: «Kaa ndef we o Yaal oxe a fexna fex, a ngen no woor paam um. Oxe Took-ee-took kaa saytooxaa a den kili, a gen a ndeer den.»

Heseki’el 38:8

A cinj a pe a mayu, xam xoyong. No camaane ke na ngaraa, xan o songik saax laa we ngenna teen a ƥostoor’ina no laƥ ne, soo a mbokattel a ndeer qeet mayu took xa coong axe Isra’el mbes’ina a pec. Kaa da sutit’el a ndeer qeet ke, too xan a ñoowaa no woor me da ngenna.

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

Yeremi 30:10

O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Dañel 9:7

Wo o Yaal oxe, kaa o jof. In o mat, seeƈaar in a jaga fa in, in goor we Yudaa, we ngenna Yeerusaleem fo Ii-isra’el lakas we fop, matu yoo goƭu yoo kam a saax ake rax’oona a in fop yaam ngore’aƭar in na wo.

Yeremi 50:7

Fop we nqetoogna fa den, a listooga a den, too fañ we den kaa layoogu yee: ‹I mbi’ee pariƴ leng, yaam kaa tooñ o Yaal oxe, ngenand ne no cofel ole, o Yaal oxe refna yaakaar no daan den.›