Yeremi 33:10 - NQAARIIT NE ROOG

^10-11 Keeke o Yaal oxe a layu: «Kaa nu layaa yee saax lene a raadne boo jegatee wiin mbaat muumeen. A woora kañ ee teeru ke Yudaa fo ped ke Yeerusaleem a mbootata, ngenataand, njegatee wiin mbaat muumeen. Kaa koy, xan xa soroxole fo xa ƈeel, o ñuxur no kor-no-kulook oxe fo ole no kulook oxe a nantahinel teen. A kim ale no we na ƥisiidaa no Mbind Roog ne sadax kidmir xan a nanahinel ee: ‹Simatyo o Yaal oxe Hupna fop, yaam a faaxa, too o mbeq um xan a maadaa boo faw!› Yaam xam nomtiid we no saax le ƥiseena gilaa saax took o hup doole, dalnatin a den nen yaaga. Mi o Yaal oxe layun.»

Yeremi 33:10 Referans Kwoze

Yeremi 32:43

Xan xa qol a njikeel no saax lene nu layaa yee: ‹A raadne boo jegatee wiin mbaat muumeen, a ɓoxotel na xa ƥay no Kaakalde we.›

Heseki’el 37:11

A layaxam ee: «Wo fee o ƥiy no kiin, xa kiiƈ axeene mbind Isra’el fop oo. Den oo weene a ndamtin ee: ‹Xa kiiƈ axe in a mbeera korong, yaakaar in a yaktoox, i mbagiɗ tak.›

Yeremi 32:36

Ndiiki koy, ten taxu mi o Yaal oxe Roog fee Isra’el keeke layum na teeru fene nu layaa yee xan a ɓoxotel na xa ƥay no maad oxe Babilon na pexey xire fo biim fa piste:

A paɗax ale 26:32

Xam gef saax le nuun boo fañ we nuun na njaɓkan sax, a njaaxiɗ.

Yeremi 26:9

Xar taxu o yegnitaa no gon no Yaal oxe yee Mbind neeke xan a nand nen a Silo, soo teeru feeke a tasel, a fes a pec?» Maaga, fop waa ndeeƭna no Mbind Roog ne a mbokatoorana a Yeremi.

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

Safe le no tuleer AGE 1:4

«Nam boog nu mbaagu o ngenit no pind kaa ñiingeena, too Mbind es neeke a yaqoox?

A kim a tedu ke 85:7

Ndax kaa nomtiidkiro a in no ñoow ole, ndax in we xeet of, i mbelakinoox na wo?

A kim a tedu ke 147:13

yaam kaa saƭkandaa a kinglir ake no begax ke wo soo a barke’aa xa ƥeef a ndeer of.