Yeremi 32:9 - NQAARIIT NE ROOG

⁹ Jiktaam na Hanamel fee o ƥiy faap o ndeɓ es o qol ole reeƭna Anatot soo peese’anin xaaliis fee no ndabid ne: Xa monjong xarɓaxay fo xa monjong ɓetaa ƭaq xaaliis fa nqoolu.

Yeremi 32:9 Referans Kwoze

Esteer 3:9

A soƥangaa too a refanaang, cooxti kebil mbinde, ndax da saŋkel. Maaga, xam coox jaajal we no maat ne parig cuni nahik xaaliis fa nqoolu, ndax da ngeekin no jeg ole no maad oxe.»

1 Maad we 20:39

Ye o maad oxe a joonaa, o tuleer oxe a falalooxaan ee: «Daali maad de, kaam inoor na diix-diix fee na ñoq ale. Kaa jeg’u oxaa garna a doxnaam o paɗ-o-ƥaak soo a layaam ee: ‹Yetooxanaam o koor oxene! A daɗangaa koy, o ñis of oley no xoƥ nquƭ mbaat o rabdaam xa monjong cuni tadik xaaliis.›

Hoose 3:2

Wattaanum boog xa monjong xarɓaxay fo xa monjong xa ƥetaq xaaliis fa nqoolu fo kilo teemeed ɓetuu fa leng lorso.

Esayi 55:2

Xar a ɗaxu nu ñakaa xaaliis no kaa naangeerna o ñoownaa, nqijaa no ke waageerna o giñ a nuun? Nan-gilooxaamoo boog, too yaaga xan nu ñaam ke faaxna, sawar yaam ñaamel pelu.

Mberaand 37:28

Yaa jula Maamajan we a njooniidaa, fog faap we Yoseef a sutta a Yoseef no gamb laa, a njikoortin Ii-isma’el we xa monjong qarɓeen ƭik xaaliis, soo weene a ƥisin Misira.

Mberaand 24:22

Ye keeleemb ke a yerna boo a ƈut, o koor oxe a janga o heɗ wurus olaa o meɗel um a fi’na genwal o sekel fo xa ƈang wurus xa ƭaq axaa o meɗel den a fi’na xa sekel xarɓaxay, a rokan a den o toog oxe.

A sutax ale 21:32

Boo ta soƥna koy ee nqoox ne o paɗ o koor mbaat o tew a waru, fat o yaal njegel ne a rabid o yaal o dal ole xa monjong qarɓeen tadik xaaliis fa nqoolu, soo nqoox ne a wartel a kac.

Nehemi 5:15

Gofornoor ke adooxaxama kaa ñaatlandoogu xeet fee, a seraa a den ñaamel fa biiñ, kaa jolna xa monjong qarɓeen nahik xaaliis fa nqoolu xe. Dag we den sax kaa toroxandoogu xeet fee. Mi o mat, fesooriim neene, yaam o saɗar a Roog.

Heseki’el 4:10

Ke heloona o ñaamaa ñaal oo ñaal xan a ref ngap genwal liibar. Ten refu ke o ñaamkaa no ngap onqeene fop.