Yeremi 32:8 - NQAARIIT NE ROOG

⁸ Maaga, ne o Yaal oxe a layit’uuna, Hanamel fee o ƥiy faap o ndeɓ es a gara me mi no maax ole no yeeyetax we, a layaam ee: ‹Jiki o qol es olaa refna Anatot no saax laa Bensame, yaam jegaa sañ-sañ o jegin soo watin, jikaneen a xoox of.› Maaga, andataam ee fa lay no Yaal oxe a reeƭu.

Yeremi 32:8 Referans Kwoze

Yeremi 32:7

‹Hanamel fee o ƥiy faap o ndeb of Saalum xan a gar me wo, a liiƥaa, ndax o jik o qol um olaa refna Anatot, yaam jegaa sañ-sañ o watin, jegkin.›

Yeremi 32:2

Kaa soƥ’u xiixire we no maad oxe Babilon a mbid a Yeerusaleem o kurul-keƥ. O tuleer Yeremi mat kaa weg’el no maax ole no yeeyetax we no mbind ne no maad oxe Yudaa.

Yeremi 33:1

Ye Yeremi a maadna o wegeel no maax ole no yeeyetax we, o Yaal oxe a daawnaan fa lay um jaf ɗikandeer ee:

1 Maad we 22:25

Mikaya a doonaan ee: «Xan o andin no ñaal naa o bugko ɗasaa ndeer a ndok fo a ndok.»

YEGIL MBAAX NE YEESU ne Saŋ a bindtuuna 4:53

Maaga, faap fee a wetandooxa yee na waxtu faaga deŋ Yeesu a lay’un ee: «O ƥeef oxaa ñoowaa.» A dalfooxa gim, ten fo mbind um fop.

Sakari 11:11

A koom ngiɓoor ne a ɗegu. Teefaŋke ke ngoroogaxama a and’ata yee o Yaal oxe hebil’axam ke fi’ooguuma.

1 Caloori ke 6:60

Hukok fa Rehob fo xa kayand axe mbidna a den,

1 Maad we 2:26

Cinj kaaga, o maad oxe a laya a Abiyataar fee o saasadax ee: «Aca xaadi Anatot, no lanq of, yaam fa nqon doŋ hel’ong. Kaa koy, warnoorkiroong xaye, yaam na jamaane Dawid fee faap es wo saqoogu arka ne no Yaal oxe na refkaa boo faw soo xaajir fo ten coono um fop.»

Yeremi 1:1

Safe lene kaa fof ke Yeremi fee o ƥiy Hilkiya a layna fo ke ta fi’na. Yeremi kaa fog’u no ƥasil no saasadax waa ngenoogna Anatot, no fiisel ole na carind ale Bensame.

Yeremi 32:25

Yaqanee toox de, wo o Yaal oxe na refkaa boo faw, o layaam um jikit o qol oleene xaaliis mbaambir no seede, ke teeru fee a ɓoxoteel na xa ƥay no Kaakalde we fop oo.› »

Yeremi 37:12

Yeremi a jeema o sutoox Yeerusaleem. Kaa bug’u o ret no fiisel olaa Bensame, ndax ta daaw o ɗeg lanq um a ndeer xeet fee maaga.

Heseki’el 12:7

Fi’aam ke hebil’eema: Sutaam njoloor o mbuc o fof es nen o fof o raayir. No kirand ne, yultaam saŋe ne o ɓay, sut o fof ole no niɓaan ole soo gadooxin na kid den.