Yeremi 32:7 - NQAARIIT NE ROOG

⁷ ‹Hanamel fee o ƥiy faap o ndeb of Saalum xan a gar me wo, a liiƥaa, ndax o jik o qol um olaa refna Anatot, yaam jegaa sañ-sañ o watin, jegkin.›

Yeremi 32:7 Referans Kwoze

Yeremi 1:1

Safe lene kaa fof ke Yeremi fee o ƥiy Hilkiya a layna fo ke ta fi’na. Yeremi kaa fog’u no ƥasil no saasadax waa ngenoogna Anatot, no fiisel ole na carind ale Bensame.

Yeremi 11:21

Ten taxu keeke o Yaal oxe a layu: «Wiin we Anatot kaa mbug o njang o ñis of too a layaa yee: ‹Ba o jo’tan o Yaal oxe, mbaat xan i mbartong xa ƥay in.›

A paɗax ale 25:25

A soƥangaa yee oxaa fogna na xeet of kaa roolat boo kaaga a tax, ta jikoox o ɗeg no lanq um, fat oxe moƴna o fog fo ten too a jeg sañ-sañ o watin a gar, a wat ke oxeene a jikooxna.

1 Maad we 14:5

O Yaal oxe a laya a Ahiya yee: «O tew oxe Yerobowam oxey a garaa, ndax ta laamtong kaa farna no ƥeem o ngoor, yaam kaa jir. Kene fo kene o laykan. A fadiidangaa koy, xan a juumaarooxong, a fi’oox o lakas.»

A lim ale 35:2

«Hebli Ii-isra’el we da coox Leelewi we no ke da lamkaa teeru kaa da mbaagna o ngen. Fat da coox a den itam xa saawit xa kayel me widna teeru keene.

A paɗax ale 25:49

Weene a mbaagangiran, faap maak um mbaat faap ndeɓ um mbaat o pog faap um mbaat o leng no kurcala um a waagaan o fi. A waaganangaan a xoox um, fat a watoox.

A paɗax ale 25:34

Xa saawit axe mbidna teeru ke no Leelewi we mbaagkaand o njikoox, yaam den na njegkaa a den boo faw.»

A paɗax ale 25:23

«Lanq mbaagkaand o njikoox boo xoo, yaam mi jegu lanq ke, mi o Yaal oxe, too kaa nu ndef nen genar fo xa kataakoon me mi.

Yeremi 32:6

Yeremi a laya yee: «O Yaal oxe a daawnaxam fa lay um na xa ƭelem axene:

Yeremi 32:8

Maaga, ne o Yaal oxe a layit’uuna, Hanamel fee o ƥiy faap o ndeɓ es a gara me mi no maax ole no yeeyetax we, a layaam ee: ‹Jiki o qol es olaa refna Anatot no saax laa Bensame, yaam jegaa sañ-sañ o jegin soo watin, jikaneen a xoox of.› Maaga, andataam ee fa lay no Yaal oxe a reeƭu.

A paɗax ale 25:24

Kam saax le nu njegkaa fop, fat nu ndalin bargal kaa simitna lanq no kiin a mbaagel o mbat.