Yeremi 32:5 - NQAARIIT NE ROOG

⁵ Cinj kaaga, xan Sedekiya a ɓisel Babilon, maa ta yoqkaa boo yaa um topatooxkan. Mi o Yaal oxe layun. Nu nqire’angaa fo Kaakalde we sax, nu njegkee ne nu mbugna.»

Yeremi 32:5 Referans Kwoze

Heseki’el 17:15

Kaa koy, a siiknoora fo o maad oxe Babilon, ye ta lulna wiin um Misira, ndax ta cooxin pis fo goor mayu. Ndax oxe fi’na keene xan a jeg ne ta bugna, ndax xan a daɗ? A ɗega ngiɓoor ne. Ndax xan a ɓostoox?

Yeremi 39:7

Cinj kaaga, a yulna a kid ake Sedekiya soo a diknoortin ceen xanjar, ndax ta ɓisin Babilon.

Yeremi 33:5

We ngenna na teeru fee xan a ñoxorik fo Kaakalde we, ndaa ɗaxkee dara. Kefatin ke no pind ke xan a may muut fo xa tal no wiin. Kam fuux es fo kam o say es, xam xaw we ngenna Yeerusaleem. Xam xuun teeru fene yaam kañaan den.

Yeremi 27:22

‹Xan a ƥisel Babilon, a yoq maaga boo a koom alaa um topatooxkaa a den, mi o Yaal oxe, yoɗatinit a den maaga soo nomtiid a den no mbiñ onqene.› »

Heseki’el 12:13

Xam letin mbaal ne mi took um, too xan a damel no mbog ne mi. Xam ɓisin Babilon, saax le no Kaakalde we, ndaa taxkee ta doonin a ngid, too xan a xonit maaga.

Yeremi 37:10

Nu nqawangaa sax xiixire we no Kaakalde we fop na nqire’aa fa nuun bo ta yoq na den goor waa ndibeena soom, xan a inooxatin, oxuu refna no ƭiif um, soo a ndaaɓ teeru fene.»

Yeremi 2:37

Xan o nomtoortiid me ten itam, roxondoox xa ƥay of, yaam mi o Yaal oxe deɓaam ke hoolooxoona. Xotitkiro ngoora leng na den.»

Xa peƭit axe 21:30

O jeg-yiif mbaat o ƴiƴ mbaat a kortax ƭaxee tus, yaa o Yaal oxe a fuuxanoonga.

2 Caloori ke 24:20

Maaga, Yiif le Roog a fudooxa took Sakari fee o ƥiy Yehoyada fee o saasadax. A inooxa, a faambir fa xeet faa, a lay a den ee: «Roog kaa tee: ‹Xar taxu nu mbañ o ndeef kebil es? Nu nqotitkee teen o ndam o leng toox de. Feek kaa nu nqaƴ o Yaal oxe, ten itam xan a xaƴ a nuun.› »

2 Caloori ke 13:12

Ndiiki koy, Roog o mat adooxanu a in too saasadax we ten owey meen, a njagandoox ndax da mbangin a luuƥ ake soo i njibin xa buuq xire. Yaaga boog, nuun Ii-isra’el we, ba nu nqire fo o Yaal oxe Roog fee no daan nuun, yaam nu nqotitkee teen o ndam o leng.»

A lim ale 14:41

Moyiis a laya a den ee: «Xar taxu nu nanaƭar ke o Yaal oxe a heblitna? Keene faaxkee na nuun.

Yeremi 32:6

Yeremi a laya yee: «O Yaal oxe a daawnaxam fa lay um na xa ƭelem axene:

Yeremi 32:24

Ga’angi, a uum lanq a songir a ndaawa teeru fee boo a ƈut. Kaakalde we xan a songin, a njaɓin ndiiki. Teeru fee xan a ɓoxotel na xa ƥay den na pexey xire fo biim fa piste. Ke yegnit’oona a fadnooxa, too ga’aano a paax.

Yeremi 39:5

Kaa koy, xiixire we no Kaakalde we a ndaaba a den, a ndamit a Sedekiya na xa saawit axaa Yeriko. A ndama a Sedekiya, a ƥisin maa Nebukadnesaar fee o maad oxe Babilon reeƭna Ribla no saax laa Hamat. Maaga o mat Nebukadnesaar a hate’it’u a Sedekiya.

A ƭomatax ake 1:14

O ɓay um a ŋaƭa kadoor ke no njofaƭar es. Kaa da laxasoor, a iroox no cok es. O Yaal oxe a leeƈa cer es fop, a ɓoxotaam na xa ƥay axaa waageeruuma o xuƈtoox.

Heseki’el 12:12

O kelwaar oxe refna a ndeer den xan a gadoox o fof kam o niɓaan ole soo a sutoox. Saŋe ne xan a fi’el o gur ndax ta suttel teen. Xan a sing mukit um ndax a kid um ƭeetkee saax le.

Yeremi 39:4

Yaa Sedekiya fee o maad Yudaa fo xiixire we ten fop a nga’na ke xew’ina, a ƈufa, a sutoox teeru fee no yeng ole, a ndeef na ƭat ale na ƭing ale no maad oxe, no ndokand ne refna a ndeer saŋe ƭik ke soo a nqot a ƭat ale jaginna no xuluɓ olaa Yordaan.