Yeremi 32:43 - NQAARIIT NE ROOG

⁴³ Xan xa qol a njikeel no saax lene nu layaa yee: ‹A raadne boo jegatee wiin mbaat muumeen, a ɓoxotel na xa ƥay no Kaakalde we.›

Yeremi 32:43 Referans Kwoze

Yeremi 32:15

Yaam keeke o Yaal oxe Roog fee Isra’el Hupna fop a layu: Xan pind, xa qol fo a ƭing taxar biiñ a njikahineel no saax lene.› »

Yeremi 32:36

Ndiiki koy, ten taxu mi o Yaal oxe Roog fee Isra’el keeke layum na teeru fene nu layaa yee xan a ɓoxotel na xa ƥay no maad oxe Babilon na pexey xire fo biim fa piste:

Yeremi 33:10

Keeke o Yaal oxe a layu: «Kaa nu layaa yee saax lene a raadne boo jegatee wiin mbaat muumeen. A woora kañ ee teeru ke Yudaa fo ped ke Yeerusaleem a mbootata, ngenataand, njegatee wiin mbaat muumeen. Kaa koy, xan xa soroxole fo xa ƈeel, o ñuxur no kor-no-kulook oxe fo ole no kulook oxe a nantahinel teen. A kim ale no we na ƥisiidaa no Mbind Roog ne sadax kidmir xan a nanahinel ee: ‹Simatyo o Yaal oxe Hupna fop, yaam a faaxa, too o mbeq um xan a maadaa boo faw!› Yaam xam nomtiid we no saax le ƥiseena gilaa saax took o hup doole, dalnatin a den nen yaaga. Mi o Yaal oxe layun.»

Yeremi 32:25

Yaqanee toox de, wo o Yaal oxe na refkaa boo faw, o layaam um jikit o qol oleene xaaliis mbaambir no seede, ke teeru fee a ɓoxoteel na xa ƥay no Kaakalde we fop oo.› »

Yeremi 33:12

Keeke o Yaal oxe Hupna fop a layu: «Xan a jegahin no saax lene fesna a pec boo jegatee wiin mbaat muumeen sax fo kam teeru ke ten fop xa suufand axaa gaynaak we a koornaa xa siir den.

Heseki’el 28:26

Xan a ngen teen fo o woor, a max pind, a njimb a ƭing taxar biiñ. Xan a ngen teen fo o woor, yaa um fadinkaa kate es took no fop we mbidna a den, a nqeefaa a den. Maaga, xan da and ee mi refu o Yaal oxe Roog den.»