Yeremi 32:41 - NQAARIIT NE ROOG

⁴¹ Xam felakinoox no fi’an a den paax. Xam jimb a den da saƭik koŋ no saax lene, fi’in fo xeeñ es fop fo o laaw es fop.› »

Yeremi 32:41 Referans Kwoze

Yeremi 24:6

Xan a kid es a ngaan took den, too xam nomtiid a den no saax lene. Xam sinjatin a den too taskatiim a den, xam jimbatin a den too fuurkatiim a den.

Sofoni 3:17

O Yaal oxe Roog of oxey fa wo, a ref nen a salma-koor alaa na muclaa. Xan o ref o ɗaay um ole moƴna magin. No mbeq um xan a fi’ong qas, o ɗaay um na wo a hitatir.»

Amos 9:15

Xam dalnatin a den no saax le lasuuma a den, too sutooxkatiran. O Yaal oxe Roog of layun.»

Esayi 62:5

Iyo, ne o fes a gilgitaa o njaaƈ o ndoog, neene mboƥ ne wo a njegitkang. Ne o kulook a ɗaaynoortaa o kor um itam, neene o refitkaa o ɗaay no Yaal oxe.

Esayi 65:19

Xam felakinoox na Yeerusaleem soo ɗaay na xeet es. O lool nanitkataand teen, too xa iin ne’aand.

Yeremi 31:28

Ne fexeyantuuma a den, ndax um fuur, jiƭit, yaq, saŋik soo fi paaxeer, neene um fexeyanitkaa a den, ndax um max soo jimb.» O Yaal oxe layun.

Yeremi 18:9

Leek-leek itam kaam fosooxanaa xeet mbaat maat ee xam maxin, sinjin.

A cangatin ale 30:9

Xan o Yaal oxe Roog nuun a mayƭand a nuun fo paax, a faaxin jale nuun fop, a fi bo nu ƥasil, a salin xa siir nuun, a barke ke lanq ke nuun a mbatkaa, yaam xan o Yaal oxe a sawarahin no ɗaaynoor a nuun, ne ta sawarit’ina no ɗaaynoor daan nuun.

A cangatin ale 28:63

Ne o Yaal oxe a sawaritna no fi’an a nuun paax soo a mayƭand a nuun, neene a sawaritkaa no saŋik a nuun, a moocand a nuun. Saax le nu ndokkaa ndax nu njegkin, xan nu mbuurtel teen,

A kim a tedu ke 80:8

Wo Roog fee Hupna fop, nomti a in ne i ndeeƭna, lal a in a tagid of, too yaaga xan i muc.

Esayi 62:4

Xoykataandee «o baase xe», too saax of ne’kataand «o qatu xe». Ndaa kañ xan o xoyeel «oxe um xonwanaa», soo lanq of a ne’el «o yaal a tolax a pelu», yaam no ndigil, xan o ref oxe o Yaal oxe a bugna, soo lanq of a ndoloox.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

Esayi 60:21

Xeet of fop xan a ndef jofu, a njeg saax le boo kili, den we ndefna tuufe-duufe kaa na saxaa kam a ƭing es, a ndef we saktuuma xa ƥay es ndax da lalit o ndam es.

Heseki’el 36:36

Maaga, qeet ke yoqna me widna a nuun xan a and ee mi o Yaal oxe maxatinaam ke gefeena soo jimbatin lanq ke ndaadna. Mi o Yaal oxe layun too xam fadnin.

Hoose 14:5

O Yaal oxe kaa tee: «Maaga, xam supit o ñak o damax den. Xam jegood na den o mbeq o saƭku, yaam fuux es na den a ɓoosa.