Yeremi 32:40 - NQAARIIT NE ROOG

⁴⁰ Xam dalin fa den ngiɓoor naa na refkaa boo faw, neene feskatiim a den a cinj, ndaa xam fi’an a den paax, ɓek na qeeñ den o saɗaraam, ndax saytoorkatee fa mi.

Yeremi 32:40 Referans Kwoze

Heseki’el 36:26

Xam ci a nuun xeeñ xas soo ɓek na nuun yiif xas. Xam watin no ngiin nuun xeeñ nuun le saƭkitna nen ɓil soo ci a nuun xeeñ hiihiin.

Yeremi 24:7

Xam ci a den yiif laa da anditna yee mi refu o Yaal oxe. Xan a ndef xeet es, soo um ref Roog den, yaam xan a nomtooxiid me mi fo a qeeñ den fop.

1 Piyeer 1:5

Yaam na pexey o ngim nuun, Roog kaa saytoortaa a nuun katil um boo yaa nu ndaawkaa a muc ale jagandeena, too a nar o feeñ na jamaane fa mbalakaand fee.

Saak 1:17

Paax mbaat ci’it mbadu nuu refna, took a ngatu, na Faap fee sakna njeeƈ ne fo o nqool onqe fa xa qoor axe. No ten, a suptax a leng naagee o jegaa, too a qoolaand um suptooxkee o niɓaan.

Heseki’el 39:29

Ɗasinkatiim a den mukit es, yaam ne ɓaxuuma Yiif es took mbind Isra’el. Mi o Yaal oxe na refkaa boo faw layun.»

Esayi 55:3

Ndungyo nof nuun too ngar me mi. Nan-gilooxyo, too xan xa laaw nuun a ñoow. Xam dalin fa nuun ngiɓoor naa na refkaa boo faw, ci a nuun yirmande es, ne regtit’anuuma a Dawid.

Yeremi 50:5

Xan a laamtaa a ƭat ale jofna Siyoŋ, a ngeleer a kid den farna fo maaga: ‹Ngaryo, i ndamoox no Yaal oxe no ngiɓoor naa na refkaa boo faw, too i mbeeckiran muk.›

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

2 Sami’el 23:4

kaa nand fo njeeƈ naa na wataa, a xool qac no nqes njegee eel leng. Meleƈ le ten na taxaa suuƴin a sutoor no lanq ke a cinj a teƥ ale.»

Hebre 7:24

Yeesu o mat kaa ñoowaa boo faw, too calel um nen o saasadax refee kaa na ɓoxotkeel o lakas.

Hebre 4:1

Roog a rega a in ee xan i ñootnoox fo ten. Fat i mbootoox a paax boog, yaam ndik o leng na nuun a ga ee rokee na ñootnax aleene.

Esayi 61:8

«Mi o Yaal oxe, a ƭat rek bugum soo sib ƭegax fo njofaƭar. Xam saɗig a nuun fo o cofel soo dalin fa nuun ngiɓoor naa na refkaa boo faw.

Esayi 24:5

We ngenna no lanq ke maasandu a den, yaam kaa niwaƭar’u kebil ke, a sufaalaa bargal ke, a ƭegaa ngiɓoor ne na refkaa boo faw.

A cangatin ale 31:6

Saƭakinooxyo too saq njambaar. Ba nu saɗar too ba nu send mbaambir den, yaam xan o Yaal oxe Roog nuun fa xoox um a ñaaƴ fa nuun. Xaƴkee a nuun muk too waaskee a nuun.»

A cangatin ale 31:8

O Yaal oxe fa xoox um sax xan a adooxanong too xan a ref fa wo. Xaƴkirang muk too deɓkirang. Ba o saɗar boog too ba o send.»

Yeremi 31:34

O leng na den soxla’katee o jangnaa gend um mbaat ta layaa fog um ee: ‹Andyo o Yaal oxe!›, yaam fop xan a andaam, no ke xotitna no xe moƴna o neew boo no xe moƴna o maak, yaam xam waasanit tooñ den too wetandooxkatiim pakaad den. Mi o Yaal oxe layun.»

Heseki’el 37:26

Xam dalin fa den ngiɓoor jam naa na refkaa boo faw. Xam dalin a den maaga, mayƭand a den soo sip mbind tedu es a ndeer den boo faw.

A kim a tedu ke 80:19

Maaga, i sambirkatee fa wo. Ñoowdandatini a in, too yaaga gon of soom i mbugko ƈufginoorataa.

Heseki’el 36:27

Xam ɓek Yiif es na nuun too xam fi boo nu ndeef kebil es, ngay bargal es.

Mise 4:5

Ke qeet ke fop a ñaaƴaa ñaaƴ no gon roog den fop oo, in o mat kaa i ñaaƴaa no gon no Yaal oxe Roog in ndiiki bo na moos boo moos.