Yeremi 32:39 - NQAARIIT NE ROOG

³⁹ Xam coox a den yiif leng kut fo a ƭat a leng, ndax da saɗaraam kili, a njeg o ɗaay, den fo xa taan den.

Yeremi 32:39 Referans Kwoze

A pi ake 4:32

Mbokatax naa no waa ngim’ina fop kaa mbog’u xeeñ leng fo yiif leng. O leng layoogee yee kene mi jegun, mbaat kaana wo jegun, ndaa o jeg den fop kaa mbokatoogun.

YEGIL MBAAX NE YEESU ne Saŋ a bindtuuna 17:21

ndax den fop da ndef o leng. Faap, ne reftoona na mi, um ref na wo, kaam xeɗaa da ndefit neen na in itam, ndax adna fee a mbaag o ngim ee wo luliidaxam.

Heseki’el 37:25

Xan da ngen kam saax le ci’uuma a Yakoob fee o tag es, too daan den a ngen’un. Xan da ngen teen boo faw, den fo xa ƥiy den fo xa taan den. Dawid fee o tag es xan a ref o kelwaar den boo kili.

Heseki’el 36:26

Xam ci a nuun xeeñ xas soo ɓek na nuun yiif xas. Xam watin no ngiin nuun xeeñ nuun le saƭkitna nen ɓil soo ci a nuun xeeñ hiihiin.

Hebre 10:20

Yeesu a wetanta a in no mbaƴ maak naa a ƭat a qas alaa na ñoownaa, a reefandin no cer um.

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

Yeremi 32:40

Xam dalin fa den ngiɓoor naa na refkaa boo faw, neene feskatiim a den a cinj, ndaa xam fi’an a den paax, ɓek na qeeñ den o saɗaraam, ndax saytoorkatee fa mi.

Xa peƭit axe 23:17

Ba o yaaw baabakaad we, ndaa fat o saɗar o Yaal oxe kili.

2 Caloori ke 30:12

O Yaal oxe a duqa a qeeñ ake na xeet fee kam Yudaa itam soo da njaɓ ke o maad oxe fo kelfa ke a ngeblitna too ta inoor no Yaal oxe.

1 Korint 7:14

Yaam o kor o kimeer oxe, o teem oxe gimna a tedlandaan, ne o tew o kimeer oxe a teditna yaam o kor um oxe gimna. A refit’angee neene, xa ƥiy den a nqoolaƭar, ndaa feek neene yoo, xa ƥiy axe a tedata.

A pi ake 13:33

a fadnanaan a in, in we ndefna xa taan den. A fi’aan ye ta xontooxnoorna a Yeesu, ne ta bindteena na kim a tedu a ƭikandeer ale yee: ‹Wo refu o ƥees, xaye mi rimong.›

Esayi 35:8

Xan a jeg maaga a qal a podrande, a ƭat alaa na bugko xoyeel a ƭat a tedu le. Oxaa xoolaƭarna reefkee teen. We ndefanna o Yaal oxe soom na njegkan. Fop we na nqotkan mo’kee, boo no ɗof we sax.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

O leetar ole Pool a bindna GIMU WE NGENNA ROM 11:16

Boo andoona yee, o ɗeg o eetaand mbuuru a ɓoxote a Roog, ke na yoqaa no mbuuru ne fop, Roog jegun itam. Neene itam, a paƴ ndaxar a ƥoxotange a Roog, a naaq ake ndeyaand o ne.

A pi ake 9:31

O fog ole no gimu we a ref’ata na jam kam xa cegel axene fop: Yudee fa Galile fa Samari. Kaa jokooxoogu, a ñoowaa no saɗar o Yaal oxe, soo a xayaa no pexey o ndimle nqe no Yiif Tedu le.

A pi ake 3:26

Neene boog, nuun Roog a eetu o sutan o tag um Yeesu, a luliidin ndax ta barke a nuun, yaa o kiin oo kiin na nuun a fesna njofaƭar um a cinj.»

A pi ake 2:39

Yaam a tegit ale, nuun njegun, nuun fo xa ƥiy nuun. We o Yaal oxe Roog in a xoykaa fop itam too a ngoƭ, a mboga teen.»

Heseki’el 37:22

Maaga, xam fokat a den, too xan a ndefat xeet fa leng kut took xa coong axe Isra’el. O maad o leng kut na bugko maadooxanaa a den fop. Ndefkatee qeet ƭik, too nqaajoorkatee, a ndef maat ƭik.

Yeremi 6:16

Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

Esayi 52:8

Nan-gilooxyo o ñuxur no we na yetooxaa teeru fee. Owe mbalalooxaa. Den fop owe na xa ƈeel, yaam kaa nga’ood o Yaal oxe ta nomtooxiidaa Siyoŋ.

A kim a tedu ke 128:6

soo ga xa ƥiy na xa ƥeef. Yaasam Isra’el a ref na jam!

A kim a tedu ke 112:1

Haleluyaa! Ndaw o ɗaay no xe saɗarna o Yaal oxe too a fex kebil um.

A cangatin ale 5:29

Kaa rek, a njeg’angaa xeeñ leene boo kili, a niwaam soo a ngay kebil es fop, a ƭaaykooga boo faw, den fo xa taan den.

Mberaand 22:12

Malaaka fee a layaan ee: «Ba o ɓay of a fad no goor ole, too ba o fi’in dara! Ndiiki koy andaam tigi yee saɗaraa a Roog, too xañiraamo o ƥeef o leng kut onqe jegoona.»

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

Mberaand 17:7

Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

A cangatin ale 6:24

O Yaal oxe kaa hebil a in i ngay bargal keene fop too saɗar o Yaal oxe Roog in, ndax i ƭaayaa kili, soo ta xaƴ a in i ñoowaa, ne ta fi’tuuna boo no ñaal roog ne xaye.

A kim a tedu ke 86:11

O Yaal oxe, andnooraam a ƭat of, ndax um ñaaƴaa no ndigil of. Ci’aam xeeñ damooxu, ndax um saɗar gon of.

Esayi 65:23

Nqijkatee na kasaara too ndimkatee xa ƥiy da nqonaa na kid den, yaam kaa ndef ƥasil naa barke’uuma, den fo xa ƥiy den.

Yeremi 31:33

Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.

A cangatin ale 6:2

Neene, no ñoow o ñis nuun fop, fat nu saɗar o Yaal oxe Roog nuun soo nanan bargal ke fo kebil ke daawnuuma a nuun, nuun fo xa ƥiy nuun fo xa taan nuun, ndax nu nquuɗ.

Yeremi 24:7

Xam ci a den yiif laa da anditna yee mi refu o Yaal oxe. Xan a ndef xeet es, soo um ref Roog den, yaam xan a nomtooxiid me mi fo a qeeñ den fop.

Heseki’el 37:24

O tag es Dawid xan a ref o maad den, too xan a njegat o kaynaak o leng kut, ta ref o ten. Xan da nanan kebil es, a ngay ndax da ndeef bargal es.