Yeremi 32:23 - NQAARIIT NE ROOG

²³ A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.

Yeremi 32:23 Referans Kwoze

Esdaraas 9:7

No kaa xotitna no camaane kaa no daan in boo xaye tooñ in a magna lool, too pakaad in taxu i ƥoxotel, in fo maad in fo saasadax in, na xa ƥay no maad jan, ndax i mbarel, ƥisel took o hup doole, ngefel soo neewandel, ne ta maadna o refaa boo xaye.

A ƭomatax ake 1:18

«O Yaal oxe ɓuru a xawaam, yaam kaam nanaƭaran’u kebil um. Nuun qeet ke fop, nan-gilooxyo too nga ɗom es. Mboƥ ndoog ne mi fo mbes ke mi a ƥise no mbaƭ.

Saak 2:10

A soƥangaa koy sax ee o kiin a fadna kebil ke Roog fop boo ta yoq leng, yaaga a ɗapa ke yoqna fop.

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

YEGIL MBAAX NE YEESU ne Saŋ a bindtuuna 15:14

Qaariit es nu ndefu, yaa nu ndeefaa ke hebluuma a nuun.

YEGIL MBAAX NE YEESU ne Lik a bindtuuna 17:10

Neene o mat a reftu na nuun. Nu mbi’angaa ke nu simeena boo ƈut, layyo yee: ‹Faɗ jegee njiriiñ i ndefu, ke i simeel soom i mbi’aa.› »

Heseki’el 20:21

Kaa koy, xa taan axe a siiknoora fa mi. Ndeefee bargal es, ngayee too mbadnee kebil es ke o kiin oxe a warna o fadin ndax ta ñoowit na den. A maasanda pes a ñootnax ke mi. Xalaataam o sayan a den, fagiɗ fuux es tak took den kam a koƥ-a-ƥor ale.

Heseki’el 20:18

«Layaam xa taan den kam a koƥ-a-ƥor ale yee: Ba nu ndeef bargal ke no daan nuun, ba nu ngay kebil den, too ba nu ndoɗgandit a qoox nuun pangool ke den.

Heseki’el 20:8

A siiknoora fa mi, a mbañ o nan-gilooxaam. O leng na den deɓee cakalaaru ke yul’ina a ngid um, too mbaasee pangool ke Misira. Maaga, xalaataam o sayan a den, fagiɗ fuux es tak took den a ndeer saax le Misira.

A ƭomatax ake 1:8

Yeerusaleem a bakaada ƭomu. Ten taxu ta refat sibdel. Fop we niw’uuna a nqeefataan, yaam ne da nga’na cer um ƥor. Ten fa xoox um kaa iinaa soo a xuun.

Nehemi 9:15

Fudnantiidaa a den mbuuru na asamaan, ye da nqeexeena, balnanit a den foofi no ɓil le, ye da ngoɗomeena. Heblaa a den da njaɓik saax le daaɓoox’oona o coox a den.

Yosuwe 23:16

yaa nu ƭegna ngiɓoor ne o Yaal oxe Roog nuun a dalinna fa nuun. Nu mbaɗooxangaa roog lakas ke mbaat nu ngung mbaambir den, xan fuux le no Yaal oxe Roog nuun a biltooxan a nuun, soo nu moocandel no ñofu no saax faaxaan leeke ta ci’na a nuun.»

A kim a tedu ke 78:10

Ngay’ee ngiɓoor ne Roog soo a mbañ o ndeef kebil um.

Yeremi 2:7

Ɓisiidaam a nuun no saax jaɓu taxar, ndax nu ñaam teen xa tim axe moƴna o mbel. Kaa koy, ye nu mbadiidna, nu nqoolaƭaranda saax es, o jeg es nu mbi’in sibdel.

Yeremi 26:4

Xan o lay a den boog ee: ‹Keeke o Yaal oxe a layu: Nan-gilooxaamoo, ndax nu ndeef kebil ke cooxuuma a nuun,

Yeremi 44:10

Boo xaye nu ndicooxee, nu saɗariraam, nu ndeefee kebil es fo bargal es ke cooxuuma a nuun, nuun fo daan nuun.

Yosuwe 21:43

Neene o Yaal oxe a ci’tu Ii-isra’el we saax le fop ta daaɓoox’ina fo daan den ee xan a ci’in a den. A njangaan soo a ngenin fop.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.