Yeremi 32:22 - NQAARIIT NE ROOG

²² Ci’aa a den saax lene, daaɓoox’oona fo daan in ee xan o ci’in a den, saax laa fo sis fo suum a ndaxritaa.

Yeremi 32:22 Referans Kwoze

A sutax ale 13:5

Yaa o Yaal oxe a rokinkaa a nuun kam saax le no Kaakanaan we, Heeheet we, Aa-amori we, Hiihiwi we fo Yeeyebus we, ta daaɓoox’ina fo daan nuun ee xan a cooxin a nuun, saax le fo sis fo suum a ndaxritaa, fat keene a ref o mbaax onqaa nu mbetandooraa o Yaal oxe kam o nqool onqeene.

A sutax ale 3:8

Kaam fudooxiid, ndax um wat a den na xa ƥay axe no Miimisira we, sut a den no saax leeke, ɓis a den no saax faax yaaju laa fo sis fo suum a ndaxritaa, me Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna.

Yeremi 11:5

Neene, xam dam ke daaɓooxuuma fo daan nuun ee xam ci a den saax laa fo sis fo suum a ndaxritaa, ne ta refitna xaye.» Maaga, doonaam ee: «Ndigil oo, o Yaal oxe!»

A cangatin ale 1:8

Keene refu saax le ci’uuma a nuun. Ndetyo njang saax le reg’uuma a Abraham fa Isaak fa Yakoob, mi o Yaal oxe, daaɓoox o ci’in a den, da njegkin, den fo xa taan den.› »

A sutax ale 3:17

Kaam ee xam sut a nuun Misira, me nu nqijtaa, soo ɓek a nuun kam saax le Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna, maa fo sis fo suum a ndaxritaa.›

Heseki’el 20:15

Kam a koƥ-a-ƥor ale, mi o mat daaɓoox’u fa den fo o ɓay es took ee ɗoxkiim a den no saax le ci’uuma a den, saax laa fo sis fo suum a ndaxritaa, le moƴna o mos na saax ake fop,

Heseki’el 20:6

A koom, daaɓooxaam fa den fo o ɓay es took ee xam sutit a den no saax laa Misira, ɓis a den no saax laa horooxan’uuma a den, saax laa fo sis fo suum a ndaxritaa, le moƴna o mos na saax ake fop.

Nehemi 9:15

Fudnantiidaa a den mbuuru na asamaan, ye da nqeexeena, balnanit a den foofi no ɓil le, ye da ngoɗomeena. Heblaa a den da njaɓik saax le daaɓoox’oona o coox a den.

Yosuwe 21:43

Neene o Yaal oxe a ci’tu Ii-isra’el we saax le fop ta daaɓoox’ina fo daan den ee xan a ci’in a den. A njangaan soo a ngenin fop.

Yosuwe 1:6

Saƭakinooxi too saq njambaar, yaam wo o mat na xaajrandkaa xeet fene saax le daaɓooxuuma fo daan den ee xam ci’in a den.

A cangatin ale 8:1

«Fat nu ngay ndax nu ndeef kebil ke um daawnaa a nuun fop xaye. Neene, xan nu ñoow, ndimatir soo njang saax le o Yaal oxe a daaɓoox’ina o ci daan nuun.

A cangatin ale 7:13

Xan o Yaal oxe a fex a nuun, a barke a nuun soo a mayƭand a nuun, xa ƥiy axe ngatna no laaw nuun a naang gañ. Xan a barke ke lanq ke nuun a mbatkaa, bele fee fa biiñ fa nqas fee fa diwliin fee. Xan a barke itam xa siir axe nuun, da may fo xa qeel fo a ked ake nuun, da may xa pote. Xan a ci a nuun barke feene fop kam saax le ta daaɓooxna yee xan a ci’in daan nuun.

A cangatin ale 6:23

Cinj kaaga, a suta a in maaga, a ɓisiid a in no saax le ta daaɓoox’ina fo daan in ee xan a ci’in a in.

A cangatin ale 6:18

Fat nu mbi’aa ke jofna fo ke faaxna na kid no Yaal oxe, ndax nu ƭaay too ndok no saax faaxaan le o Yaal oxe a daaɓooxna fo daan nuun ee xan a ci’in a nuun

A cangatin ale 6:10

«O Yaal oxe Roog nuun xan a rokin a nuun kam saax le ta daaɓoox’ina fo daan nuun Abraham fa Isaak fa Yakoob ee xan a ci’in a nuun. Xan nu njeg teen teeru maak mosu kaa nu maxeerna

A cangatin ale 1:35

‹O leng no wiin we no suk mbaaxaƭaru neeke ga’kee saax faax le daaɓoox’uuma fo daan den ee xam ci’in a den,

A lim ale 14:30

Nu ndokkee muk no saax le daaɓoox’uuma yee xan nu ngen teen, bo ta yoqaa Kaleb fee o ƥiy Yefune fa Yosuwe fee o ƥiy Nun.

A lim ale 14:16

‹O Yaal oxe waagee o ɗox xeet feene boo no saax laa ta daaɓoox’ina yee xan a cooxin a den. Keene o mat taxu ta saŋkit a den kam a koƥ-a-ƥor ale.›

Mberaand 50:24

Yoseef a laya fog faap we ten ee: «Andaam ee ndiiki um dab daan es. Kaa koy, a woora yee xan Roog a ƴufgiid a nuun, soo a sut a nuun no saax lene, a ɓis a nuun no saax le ta daaɓooxna yee xan a ci’in a Abraham fa Isaak fa Yakoob.»

Mberaand 24:7

O Yaal oxe Roog fee na asamaan suttaxama no mbind faap es fo no mbaafaap es, a layaam fo a taaƥ ee: ‹Saax lene xam ci’in xa taan of!› ten fa xoox um xan a heblanong malaaka um ta adooxanong. Maaga boog, o waaƭanitkaa o ƥees o tew.

Mberaand 13:15

Saax le o ga’aa, xam ci’ong o ten, wo fo xa taan of boo faw.