Yeremi 32:21 - NQAARIIT NE ROOG

²¹ Suttaa a Isra’el fee xeet of no saax laa Misira na pexey xa anddiloor fo comlaand, o ɓay o jegu katil fo a naax a cegu doole boo fop a saɗarong.

Yeremi 32:21 Referans Kwoze

A cangatin ale 26:8

O Yaal oxe a sutta a in Misira fo o ɓay um o jegu doole fo a naax um ale letnooxna, na pexey a pi a saɗarnooxu fo xa anddiloor fo comlaand.

A sutax ale 6:6

Ten taxu, layi Ii-isra’el we yee: ‹Mi refu o Yaal oxe, too xam sut a nuun no calel ƭomu ke Miimisira we a ndoxondna a nuun. Xam wat a nuun no mbaƭ ne den, muclit a nuun o ɓay ole mi letnuuma soo xaw a den a qaw a ƭomu.

A kim a tedu ke 105:43

Xeet um kaa mbelakinoox’u, ye ta sutaa a den, we ta jilna a ƈeelaa.

A kim a tedu ke 105:37

A suta xeet um, da ƥisloox xaaliis fa wurus, too o leng tolofee na carind ake ten.

1 Caloori ke 17:21

Jegee took lanq ke xeet fa lakas faa nandna fa Isra’el fee xeet of. Ndax a jega xeet fa lakas faa watiidoona, fi’in xeet of, ndax gon of a joot? Fi’anaa a in a pi a maak a saɗarnooxu. Wattaa xeet of no saax laa Misira, soo rax a saax a can ake mbaambir um.

1 Maad we 8:42

yaam o mat, xan a nan gon maak le wo fo o ɓay o jegu doole le wo fo a naax of ale letnooxna a layteel. A faambrangaa no Mbind nene a xeɗ,

A cangatin ale 4:34

Ndax a jega a roog fa lakas faa mosna o jeem o suqit a xeet fa leng a ndeer xeet fa lakas, ne o Yaal oxe Roog nuun a fi’antuuna a nuun? Nu nga’ooda ne o Yaal oxe a sutitna a nuun Misira fo o ɓay um o jegu doole fo a naax um ale letnooxna na pexey a pi a saɗarnooxu kene: ƭeetlax fo xa anddiloor fo comlaand fa xire.

A sutax ale 13:14

Yaa xa ƥiy nuun a laamitkaa a nuun ee: ‹Xar kene a tektu?›, fat nu ndoon a den ee: ‹Na pexey katil fa maak fee ten, o Yaal oxe a suttu a in Misira, maa i ndeeƭna faɗ.

A sutax ale 13:9

Keene xan a ref na nuun nen o anddiloor na xa ƥay nuun, a ref nen betandoor na tagid nuun, ndax nu yegnitaa kebil ke no Yaal oxe, yaam na pexey katil fa maak fee ten o Yaal oxe a suttu a nuun Misira.

A sutax ale 6:1

O Yaal oxe a doona a Moyiis ee: «Ndiiki koy, xan o ga ke um fi’kaa a Firawon fee. Xan o ɓay o mayu katil a riñin bo ta xaƴ Ii-isra’el we da ndet. Kaam ee xan o ɓay o mayu katil a riñin bo ta rax a den saax um.»

A cangatin ale 7:19

Nu nga’ooda coono ƭomu ke fo xa anddiloor axe fo comlaand ke o Yaal oxe Roog nuun a doonna a den, ye ta sutitna a nuun Misira fo o ɓay o jegu doole le ten fo a naax ale ten letnooxna. Neene deŋ o Yaal oxe Roog nuun a fi’kaa qeet ke nu saɗaraa.

2 Sami’el 7:23

Jegee took lanq ke xeet fa lakas faa nandna fa Isra’el fee xeet of. Ndax a jega xeet fa lakas faa watiidoona, fi’in xeet of, ndax gon of a joot? Fi’anaa a in a pi a maak a saɗarnooxu. Watantaa a xoox of xeet of no saax laa Misira soo rax a saax a can ake fo roog ke den mbaambir um.

A sutax ale 3:20

Xam fi podu naa na doole es, too xam xawit a Misira comlaand ke um fi’kaa a ndeer den. Cinj kaaga, xan a xaƴ a nuun nu ndet.

A cangatin ale 11:3

xa anddiloor axe ten fo a pi ake ta fi’na kam Misira took Firawon fee o maad Misira fo took saax um fop.

Esayi 63:12

Na ñamaak Moyiis, o Yaal oxe a letna o ɓay o jegu katil ole ten, a xaaj poofi mbaambir den, ndax ta jeg o ndam o ñufkeer.