Yeremi 32:2 - NQAARIIT NE ROOG

² Kaa soƥ’u xiixire we no maad oxe Babilon a mbid a Yeerusaleem o kurul-keƥ. O tuleer Yeremi mat kaa weg’el no maax ole no yeeyetax we no mbind ne no maad oxe Yudaa.

Yeremi 32:2 Referans Kwoze

Yeremi 37:21

O maad Sedekiya a heblita yee Yeremi a sektel no maax ole no yeeyetax we, a cooxeel bes fuu refna mbuuru muum no mbed ne no Juujuɗ Puuru we feek puuru ke njegaa na teeru fee. Naaga, Yeremi a yoqa no maax ole no yeeyetax we.

Nehemi 3:25

Palal fee o ƥiy Usay a jalooga me jasnoorna fo Kooñ ne fo taax-took ne moƴna o jigid, sutooxna saŋe ne no ke xotitna no mbind ne no maad oxe, paam o maax ole na kaso fee. Kaltaa um, Pedaya fee o ƥiy Paros a jalooga.

Yeremi 38:6

Kelfa ke a njanga a Yeremi, ndax da ƥekin no mband mbaqe ne Malkiya fee o ƥiy no maad oxe reeƭna no maax ole no yeeyetax we. A yoornita teen a Yeremi xa ƥaak. Jeg’ee foofi kam mband mbaqe ne, ndaa a jeg’a no dung ole lopopooƈ, too Yeremi a loofa kam fee.

Yeremi 33:1

Ye Yeremi a maadna o wegeel no maax ole no yeeyetax we, o Yaal oxe a daawnaan fa lay um jaf ɗikandeer ee:

Yeremi 32:8

Maaga, ne o Yaal oxe a layit’uuna, Hanamel fee o ƥiy faap o ndeɓ es a gara me mi no maax ole no yeeyetax we, a layaam ee: ‹Jiki o qol es olaa refna Anatot no saax laa Bensame, yaam jegaa sañ-sañ o jegin soo watin, jikaneen a xoox of.› Maaga, andataam ee fa lay no Yaal oxe a reeƭu.

Mace 5:12

Mbelakinooxyo, too ndef kam o ɗaay, yaam ndabid nuun xan a magin na asamaan. Ba nu mbeecit itam ee neene duleer we adooxna a nuun a ñagadilit’e.»

Yeremi 36:5

Cinj kaaga, Yeremi a hebla a Baruk ee: «Kaam xañtel o rok kam Mbind ne no Yaal oxe, waagiim o ret maaga boog mi fa xoox es.

Yeremi 32:3

Sedekiya kaa wegin’u o tuleer oxe, a xasanan ke taxna ta yegnit fa lay feeke no Yaal oxe: «Nga’yo, xam ɓoxot teeru fene na xa ƥay no maad oxe Babilon, too xan a jangin.

A kim a tedu ke 88:8

Fuux le wo a yena took es, a yag-ee-yag ake wo fop a palaƈaa took es. A maaf

Yeremi 34:1

O Yaal oxe a daawna a Yeremi fa lay um na xa ƭelem axene ye Nebukadnesaar fee o maad oxe Babilon fo a yaj no xiixire um fop, maat ke no lanq ke fo qeet ke ta hame’na fop a nqire’aa fa Yeerusaleem fo teeru ke ta waxooxna fop:

Yeremi 37:4

Na jamaane faaga, Yeremi kaa widtoogu naa feltuuna a ndeer xeet fee, yaam ɓek’afulaand kaso.

Yeremi 38:13

A qicta a Yeremi xa ƥaak axe, a suttin no mband mbaqe ne. Cinj kaaga, Yeremi a yoqata no maax ole no yeeyetax we.

2 Maad we 25:1

Maaga, no hiid o ɓetuu nahkandeer olaa no maat Sedekiya, no ñaal xarɓaxayandeer ne no nqool xarɓaxayandeer onqe, Nebukadnesaar fee o maad oxe Babilon a garana a Yeerusaleem, ten fo xiixire um fop. A sipa saŋe um mbaambir teeru fee, soo da mbi a uum lanq a songir me widuuna fop.

Yeremi 37:15

Weene a mbuuxana a Yeremi, a nqawin soo a mbegin no mbind Yoonatan fee o piibind oxe no maad oxe, maa da mbi’atna kaso.