Yeremi 32:19 - NQAARIIT NE ROOG

¹⁹ Yuuƥ ke wo kaa magin, a pi of a njeg katil. A kid of kaa ngaan na ƭat no wiin we fop, ndax o dakin oxuu refna a pesoorooƭ um, reefandin no ke a pi um a njagitna.

Yeremi 32:19 Referans Kwoze

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

Esayi 28:29

Keene itam no Yaal oxe Hupna fop a inooru. O as um kaa jom’andit, soo o and um a xooɗ.

A kim a tedu ke 62:12

Nanaam fa lay feeke na Roog kaa refeerna jaf leng: «Mi jegu katil.»

Mbeeñil 22:12

Yeesu a layahina yee: «Nan-gilooxi! Mexe garaa no miñeer! Xam ɓislooxiid tabid ke, o kiin oo kiin, um ɓoxotin ke ta fi’na.

Yeremi 16:17

Yaam a kid es kaa naang jak na pesoorooƭ den, laqooxiraam, too tooñ den kunpa’iraam.

Ke bindeena no xe ne’eena YOB 34:21

Roog kaa gayaa a pesoorooƭ no kiin, a doon a kid um muu ta dakaa.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

YEGIL MBAAX NE YEESU ne Saŋ a bindtuuna 5:29

soo a sutoox. We mbi’na paax xan a nqontoox, a ndok no ñoow, we mbi’na paaxeer a nqontoox, a ndet no nqeloor.»

Yeremi 23:24

Ndax o kiin a waaga o ɗas maa laqooxna boo ga’kinum? Ndax mayiim asamaan fee fo lanq ke?» O Yaal oxe layun.

Esayi 40:13

An andu ne Yiif le no Yaal oxe a fodna? An waagu o ref o aa-as um mbaat o caajangin um?

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

Xa peƭit axe 5:21

O Yaal oxe kaa ga’aa kuu o kiin a fi’aa, a horooxaa a pesoorooƭ um fop.

Efees 1:11

Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.

2 Korint 5:10

Yaam in fop, kaa i mbar o ngeennel no nqel ne Kiristaa, ndax ta ɓoxot oxuu refna a pi um ye ta ñoowaa no cer um, ta ref paax mbaat paaxeer.

O baawaare xe 12:14

No ndigil xan Roog a hate a pi aluu refna, boo no ke ɗasna sax, ta ref paax mbaat paaxeer.

A kim a tedu ke 34:15

Fat o goƭatir fo paaxeer soo fi’aa paax, waaƭ jam soo reefanin.

2 Caloori ke 16:9

O Yaal oxe kaa horooxaa we no lanq ke fop ndax ta saƭkand we a qeeñ den a ndamooxna no ten. Me ta refna koy, kaa o xalaatit nen o ƭof too meene o reefkaa xire’ataa.»

1 Maad we 8:32

nan-giloorti na asamaan soo hate dag of, ndax o xaw oxe tooñna, rabdin a pi um, o cofu xe mat, o nomtin o cofel um.

A sutax ale 15:11

O Yaal oxe, an nandu fa wo ndeer roog ke! Kaam ee an fodu fa wo o tedel, wo fee saɗarnooxna, jarel o tagas, fi’aa comlaand!

Ke bindeena no xe ne’eena YOB 34:11

Kaa rabdaa o kiin oo kiin a pi um, a ɓoxotaa oxuu refna a pesoorooƭ um.

Xa peƭit axe 8:14

Mi jegu o as ole fo o ƴiƴ ole, mi refu o and ole, doole fee a refanaam.

Yeremi 21:14

Xam xaw a nuun, reefandin no ke a pi nuun a njagitna. Xam heƥand fiɗel kam suungaan a toodook qool ake nuun, ta raaɓ ke widna a nuun fop. Mi o yaal oxe layun.»

Dañel 2:45

ne ga’toona ɓil a waasloortiid no joong ole, too o ɓay no kiin duqiran, soo a duguñ njelem ne fa xanjar fee fo ƭok ke fa xaaliis fee fa wurus fee. Daali maad, Roog fa maak fee a andnooraang ke na xewkaa taa mbaambir. Keene deŋ ɗaaɗo, too a tekit ale layoonga a jare o ɓekit yiif.»

A kim a tedu ke 92:6

O Yaal oxe, a pi ake wo a magna lool, soo a qalaat ake wo a nqooɗ bo!

A kim a tedu ke 111:2

A pi ake no Yaal oxe kaa magin lool, we mbexna a den kaa ƥaalaa a den.

Esayi 59:18

Xan a rabid pindeef ke a pi den, fuux um a yen no noon um, ta xaw fañ um soo a rabid we ngenna na pimb ake a pi den.

Yeremi 25:14

Yaam Kaakalde we fa qoox den itam xan a ndagoox qeet cegu doole fo maad maak, too xam rabid a den a pi den fo mbef den.› »

Sakari 9:1

Keeke refu fa lay fee no Yaal oxe: Fa lay fee no Yaal oxe a reta boo no saax le Hadrak, a fadik na teeru fee Damaas. Refee yee na carind ake Isra’el soom a kid no Yaal oxe a ngaanu, ndaa took no wiin we fop.