Yeremi 32:18 - NQAARIIT NE ROOG

¹⁸ Kaa o yirmaa wiin cuni-cuni, ndaa kaa o rabdinooxaa njofaƭar ne no paap ke took xa ƥiy den. Wo refu Roog fa magnu fee, o Yaal katil oxe, gon um a refna o Yaal oxe Hupna fop.

Yeremi 32:18 Referans Kwoze

Yeremi 10:16

Roog fee Yakoob koy nandee fa den, yaam o ten saku fop, too Isra’el refu xeet fee ta jegoodna. Gon um refu: «O Yaal oxe Hupna fop.»

A sutax ale 34:7

Kaam yirmaa wiin cuni-cuni, waasantaa njofaƭar fo tooñ fo pakaad, ndaa faritkiim oxe tooñna, too kaam rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.»

Mace 27:25

Xeet faa fop a ndoona yee: «Fat fo’oy um a yen took in, in fo xa ƥiy in!»

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

Esayi 10:21

Yoqatin we xan a nomtooxiid. Kaam ee yoqatin we Yakoob xan a saktooxiid me na Roog o Cegu doole xe.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

A cangatin ale 10:17

O Yaal oxe Roog nuun refu Roog fee no roog ke, o Yaal oxe no yaal we, Roog fa maak fa njegu doole fa saɗarnooxu fee naageerna o samtirandaa wiin we too jaɓee gerel.

A lim ale 14:18

‹Mi refu o Yaal oxe na muñantaa soo may fo o paaxel. Kaam waasantaa njofaƭar fo tooñ, ndaa kaam xawaa oxe tooñna soo rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.›

Habakuk 1:12

O Yaal oxe Roog es, o Tedu xe mi, ndax refiro, yaa leng a andeerna, wo fee xonkeerna! Cey, o Yaal oxe, dalnaa Kaakalde we, ndax da mbadin kate of took in! Wo fee refna ɓil saƭku le, sutiidaa a den, ndax da nqaw a in.

Nehemi 1:5

soo lay ee: «Ey, o Yaal oxe Roog fee na asamaan, Roog fa maak fa saɗarnooxu fee, wo fee na geekaa ngiɓoor ne soo laltaa yirmande no we mbexoonga too a ngayaa kebil of,

2 Maad we 9:26

Kaa lay’u yee: ‹Ga’aam faak fo’oy le Naboot fo le na xa taan um ɓaxeena. Xam fi’ong leng kut ke no saawit olene sax. Mi o Yaal oxe layun.› » Yehu a ɓaata teen ee: «Ndiiki koy, ɗooqi o dal ole, o deɓin kam o saawit ole, ne o Yaal oxe a layit’uuna.»

Yeremi 31:35

Keeke o Yaal oxe a layu, ten oxe na ci’taa njeeƈ ne, ndax ta xoolandaa ñaal ne, a heblaa o nqool onqe fo xa qoor axe, ndax da nqoolandaa o yeng ole, a jumbandaa o maag ole boo a yag-ee-yag ake a ndititaa, ten oxe gon um a refna o Yaal oxe Hupna fop:

A kim a tedu ke 50:1

A kim a tedu laa fogna na ke Asaf oo. Roog o Yaal katil oxe refna o Yaal oxe xe layaa soo a xoyaa adna fa muum, a xotit no batand boo no mudand.

A cangatin ale 7:21

Ba nu send mbaambir den, yaam o Yaal oxe Roog nuun oxey a ndeer nuun, Roog fa maak fa saɗarnooxu fee.

Mberaand 49:24

Kaa koy, a qali le ten oxey koŋ, xa ƥay xa cegu doole xe ten kaa mbaane, yaam ƈufig ne no Cegu katil oxe Yakoob, refna o Kaynaak oxe fo Ɓil le andoona yee teen Isra’el a diƈooxu.

YEGIL MBAAX NE YEESU ne Lik a bindtuuna 6:38

Ci’ityo, too yaaga xan Roog a ci a nuun. Xan nu yiƥadooxanel eedir kaa soqeena, a yo’nel, soo a may boo a ɓaxooxaa. Xan nu eedantel eedir ke nu eedtaa.»

A sutax ale 34:6

Maaga, o Yaal oxe a joonaan, a falalooxahin ee: «Mi yoo, mi o Yaal oxe refna Roog fa mayu yirmande, laabiir, muñantaa, may fo o paaxel soo gore.

Yeremi 10:6

O Yaal oxe, dara nandee fa wo. Kaa o magin, too gon of kaa magin, a may katil.

Yeremi 20:11

Kaa koy, o Yaal oxe xey fa mi nen a salma-koor a cegu doole. Ten taxu we na ñagadilaxam xan a tolof too mbaagankiraam o sep. Xan a sed ɓot, yaam ne da njegeerna ne da mbugna, a ngaci boo faw, too o leng weeckiran.

Yeremi 50:34

Kaa koy, mi o baawat den, jegaam katil, mi fee gon es a refna o Yaal oxe Hupna fop. Xam farit a den, ndax um ci saax le o yaadax, soo jaaxland we ngenna Babilon.»

Dañel 2:45

ne ga’toona ɓil a waasloortiid no joong ole, too o ɓay no kiin duqiran, soo a duguñ njelem ne fa xanjar fee fo ƭok ke fa xaaliis fee fa wurus fee. Daali maad, Roog fa maak fee a andnooraang ke na xewkaa taa mbaambir. Keene deŋ ɗaaɗo, too a tekit ale layoonga a jare o ɓekit yiif.»

A kim a tedu ke 89:9

O Yaal oxe Roog fee Hupna fop, an fodu fa wo doole? O Yaal oxe, ngor of widong.

Yeremi 33:2

«Keeke o Yaal oxe a layu, ten oxe sakna lanq ke, a mool a den soo a sip a den, ten oxe gon um a refna o Yaal oxe: