Ɓoxotaam a kayit a cikir ale a Baruk fee o ƥiy Neriya too a ref o ndaan Mahseya, na kid Hanamel fee o ƥiy faap o ndeɓ es fo na kid no seede we ñaas’ina a kayit a cikir ale fo na kid no goor Yuuyudaa we fop ndeeƭna no maax ole no yeeyetax we.
Keeke o Yaal oxe Roog fee Isra’el Hupna fop a layu: ‹Jangi a kayit akeene, a kayit a cikir alene wegteena o ñaasir fo a yiƥadax ale ten wegaandeena, ɓek a den no nqaw maxte ƭok, ndax da ngeekel boo a pe a miñu.
