Yeremi 32:10 - NQAARIIT NE ROOG

¹⁰ Bindaam a kayit a cikir, wegtin o ñaasir es, waaƭ seede soo peese’it xaaliis fee a poox.

Yeremi 32:10 Referans Kwoze

Yeremi 32:44

Xan xa qol a njikteel xaaliis, a kayit a cikir a mbindel, a mbegtel o ñaasir, seede a mbaaƭel kam saax le Bensame, me widna a Yeerusaleem, kam teeru ke Yudaa, kam teeru ke no jegel ole na xa coong axe, kam teeru ke no jegel ole na yulanq ake fo kam teeru ke no jegel ole no ɓemb-roog o ñamaak. Yaam xam nomtiid we ƥiseena gilaa saax took o hup doole.» O Yaal oxe layun.

Yeremi 32:12

Ɓoxotaam a kayit a cikir ale a Baruk fee o ƥiy Neriya too a ref o ndaan Mahseya, na kid Hanamel fee o ƥiy faap o ndeɓ es fo na kid no seede we ñaas’ina a kayit a cikir ale fo na kid no goor Yuuyudaa we fop ndeeƭna no maax ole no yeeyetax we.

Yeremi 32:25

Yaqanee toox de, wo o Yaal oxe na refkaa boo faw, o layaam um jikit o qol oleene xaaliis mbaambir no seede, ke teeru fee a ɓoxoteel na xa ƥay no Kaakalde we fop oo.› »

Esayi 44:5

Oxene xan a lay ee: ‹O Yaal oxe jegaxam›, oxaana a xoyooxaa gon le Yakoob, o lakas oxaana a bind no ɓay um ee: ‹O Yaal oxe refanum›, soo a fakooraa gon le Isra’el.»

Ke bindeena no xe ne’eena YOB 14:17

Njofaƭar es kaa wegkoogel rap kam nafa, tooñ es o sing a den.

A cangatin ale 32:34

Ndax keene ɗasee me mi, a wegel no geekand es?

Mbeeñil 9:4

Kaa lay’el ee ba nu ndaaɓ daaƭ le mbaat ke duufeena mbaat taxar ke took lanq ke. Toroxandyo rek wiin we njeg’eerna o ñaas ole Roog na tagid den.

Mbeeñil 7:2

Ga’aam itam malaaka fa lakas faa inoorna farna fo batand, a saq o ñaasir ole Roog fa ñoow jok fee. A falalooxa malaaka nahik ke ci’eena sañ-sañ faa da ndaaɓitna lanq ke fo o maag ole. Kaa layoogu yee:

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

Efees 1:13

Nuun we ndefeerna Yaawuur itam, boo nu nan-gilooxna fa lay fee no ndigil ne, refna Yegil mbaax ne ɓisiidna a nuun a muc ale, nu ngima na Kiristaa. Neene, Roog a fi’a na nuun o ñaas olaa lalitna yee no ten nu mbogu, ta ref Yiif Tedu le ta cooxna a nuun too ta regit’un.

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

YEGIL MBAAX NE YEESU ne Saŋ a bindtuuna 3:33

Oxe jaɓna seede um o mat, a lalta a qool qac ee Roog ndigil oo.

Dañel 8:26

Ke layee’oona no mbeeñil ne, ta jagin no sadax ke kirand fo nqes, ndigil kak oo. Kaa koy, tiimtafuleen, yaam bo ta fadnooxaa xan a miñ.›

Esayi 30:8

O Yaal oxe a laya a Esayi yee: «Ndiiki koy, bindi keene na alfa mbaambir den, bindin itam no safe, ndax ta ref seede faa na refkaa boo faw no camaane ke na ngaraa.

A kim ale na kim ake 8:6

Faƭaam no xeeñ of nen mandarga, nen o anddiloor olaa refna no ɓay of, yaam mbug kaa jeg doole lool nen fa nqon, a ɗom boo nen a jaaniif, a doxaa riw nen ƈulfaan sumu jip, nen fiɗel laa moƴna o saas.

Yosuwe 18:9

Goor waa a mbida saax laa fop, a nqaajin a qaaj ɓetaa ƭaq, a mbindin a ndeefandin na kon ake no teeru ke soo a nomtooxiid me Yosuwe no saŋe naa Silo.

Mace 27:66

A ndeta na mboy alaa, soo a ndoon o anddiloor took ɓil laa, a nqaƴ maaga yeeyetax.

Mberaand 23:16

Maaga, Abraham a anda ke Efron a layna, soo a eedanin xaaliis fee ta layna mbaambir xa taan axe Heet, xa monjong teemeed nahik xaaliis, ne jula we a mbi’tan.

Mberaand 23:20

O qol olaa fo luf naa refna taaga a refata o jeg Abraham maa ta fi’na poy, a xottin na xa taan axe Heet.

Ruut 4:1

Bowaas a reta no nqel naa na teeru faa, a moof maaga. Naaga, o koor oxe moƴ’ina o fog fa Elimelek, refna ref oxe Bowaas a ne’oogna a Ruut, a jooniida. Bowaas a xoyaan, a layin ee: «O koor o maak, garangi moof mene», ta gar a moof maaga.