Yeremi 30:7 - NQAARIIT NE ROOG

⁷ Ndaw naqad! Ñaal nene a jaaxɗandta, jegee lakas naa nandna fo ten. Jamaane naqad oo na Yakoob, ndaa xan a muc teen.»

Yeremi 30:7 Referans Kwoze

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

Dañel 9:12

Fadnaa ke yegnit’oona took in fo took kelfa ke ƭoxoogna a in, ɓisiid a in taamaala fa maak kam Yeerusaleem, too fa nandu neene mosee jeg sen took lanq ke.

Yowel 2:11

O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?

O leetar ole Pool a bindna GIMU WE NGENNA ROM 11:26

Neene o mat Isra’el fop a muclitkeel, ne ta layteena kam a Pind a Tedu ke yee: «O Baawat oxe xan a inoor Siyoŋ, too xan a ñuf nanaƭar ne na xa taan axe Yakoob.

Mark 13:19

Yaam no ñaal kaaga, xan a jeg coono fa maak faa moseerna o jeg naa Roog a saku adna fee boo xaye, too jegkatee nandu neene boo muk.

A ƭomatax ake 1:12

«Nuun um laytaa, nuun fop we na njoonaa mene! Ƭeetyo too ngoroox a paax! Ndax a jega o ƭomel olaa nandna fo ole mi, fodna fo ole fadeema? O Yaal oxe a fi’axam ƭomu a koom alaa fo fuux ɗomu le ten.

Yeremi 30:10

O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

A kim a tedu ke 34:19

O Yaal oxe xe paam no we a qeeñ den a naqadilooxna, too kaa muclaa we a yiif den a njaqna.

Mbeeñil 6:17

yaam bes fa maak fee da nqawkaa a in a fadiida, too an na waagkan o haŋ?»

A pi ake 2:20

Boo ñaal maak mayu o ndam ne no Yaal oxe a helko fo garaa, xan njeeƈ ne a suptoox o niɓaan, soo o nqool onqe a suptoox fo’oy.

A ƭomatax ake 4:6

Tooñ ne na xeet es moƴu magin ne Sodoom, gef’eena ndeer ñaf fo ƭeet, too o ɓay no leng niinee teen.

A ƭomatax ake 2:13

Xar waroong o lay? Ndi xar um nandanditkang, wo Yeerusaleem, o ndoog onqe? An um ga’kaa ta nand fa wo, fo a yaal alum um cooxkang, wo Siyoŋ, o ndoog onqe? Yaam o njakad onqe wo kaa magnit nen o maag ole. An na waagkang o wodand?

A kim a tedu ke 25:22

Wo Roog, suti a Isra’el no naqad ke ten fop.

Mberaand 32:7

Duleer we a ndeta, soo a nomtooxiid me Yakoob, a layin ee: «I ndeta maa no maag of Esawu. Oxey a xetiidaa fa wo, a yoon fo goor teemeed nahik.»

Esayi 20:6

A koom we ngenna na xa cegel axeene, xan a lay ee: «Ke reeƭna yaakaar in de a sooƴa. Maaga i yaakaaroogu o njaɓnoox, ndax i ƈufgel soo mbatel no maad oxe Asuur. Ndiiki koy, nam i ndaɗitkaa?»

Yeremi 2:27

Kaa layaa a teex ale yee: ‹Wo refu faap es›, soo ɓil le da layin ee: ‹Wo rimaxam na adna fee!› Kaa mbesaam ndiiñ, a mbañ o ƭeetaam, mi o Yaal oxe. Kaa koy, taamaala a sagooxangaa a den, da ndamtaam ee: ‹Inooxi mucil a in!›

Yeremi 2:28

Taa roog ke jaloodoona boog? Fat da inoox, a mbaagangaang o mucil yaa fa taamaala of! Yaam wo Yudaa, jegaa roog kaa mayitna nen teeru ke wo.

Yeremi 14:8

Wo fee refna yaakaar Isra’el, o Muumucil um yaa fa naqad fee, xar taxu o ref nen o kenar kam saax le, nen o ñaañaaƴ oxaa ɗapiidna, ndax ta fe doŋ?

Yowel 1:2

Nuun maak we, nan-gilooxaamoo! Nuun fop we ngenna no saax le Yudaa, ndungyo nof nuun! Ndax keeke a mosa xew no ñoow nuun mbaat no ñoow no daan nuun?

Yowel 1:15

Cey, ndaw ñaal o njom’andaand! Ñaal ne no Yaal oxe a matiida, a ref yaq faa hatiidna no Cegu katil oxe.

Sakari 14:7

Bes faaga o Yaal oxe soom andun, too kaa taarkaa o marin. Ñaalkatee, yengkatee, too a yaarangaa sax oo, xan fop ee dañ.

Mise 4:9

Ndiiki koy, xar taxu o jibnaa xa paɗax? Xar taxu o ɗomeel nen o tew oxaa na gaajooxaa? Ndax ne jegateeroona o maad soo ñak aa-as we wo taxun?

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.