6 Laamityo boog too ƭeet: ndax o koor a naaga o ñootaa? Xar taxu um ga’aa o koor oo koor a dam ndet nen o tew oxaa na gaajooxaa? Xar taxu mukit ke fop a mbeƭar?
Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»
Wo fee ngenand of a nandna fa Libaŋ, ndut of o fi’in kam taxar seedar ke, xan o iin tigi yaa a ƭomaand ake a ndalkang, o lañtooxaa nen o tew oxaa na gaajooxaa.»
Njambaar ne Damaas a ɓuta, a yaj ake ten a mbes ndiiñ, ndax da ngod o joor, a sendaa ne mbodeena fop. Naqad fo xa ƭomel a ndala a den nen o tew oxaa na gaajooxaa.
O pañ oxe xey a ŋaayaa, a yetaa nen a canjiik, a letin a nafir um took Bosra. A koom, xeeñ le na salma-koor ake Edoom xan a nand fo le no tew oxaa na gaajooxaa.