Yeremi 30:3 - NQAARIIT NE ROOG

³ Ñaal key a ngaraa, kaa um nomtiidkaa we na xeet es, Isra’el fa Yudaa, ƥiseena gilaa saax took o hup doole, nomtiid a den no saax le ci’uuma daan den, too xan a njegkin. Mi o Yaal oxe layun.› »

Yeremi 30:3 Referans Kwoze

Yeremi 29:14

Xam ga’noox a nuun. Mi o Yaal oxe layun. Xam nomtiid we ƥiseena na nuun gilaa saax took o hup doole, fokatit a nuun ndeer qeet ke fop fo no fo mbiñ ne fop pasar’uuma a nuun. Cinj kaaga, xam nomtiid a nuun no mbiñ onqe ɓisit’uuma a nuun gilaa saax took o hup doole. Mi o Yaal oxe layun.›

Yeremi 16:15

Kaa koy, xan a daaɓoorteel ee: ‹Ne ta wooritna yee o Yaal oxe xe ñoowaa, ten oxe sutitna Ii-isra’el we no saax laa no ɓemb-roog o janoon fo na saax ake fop ta pasar’ina a den.› Xam nomtiid a den no lanq ke den ci’uuma daan den.»

Heseki’el 20:42

Xan nu and ee mi refu o Yaal oxe, yaa um nomtiidkaa a nuun no fiisel ole Isra’el, kam saax le daaɓoox’uuma fo o ɓay es took ee xam ci’in daan nuun.

Yeremi 30:18

Keeke o Yaal oxe a layu: «Xam xendandatin ƭiif ke Yakoob, yirim kenand ke ten, teeru fuu refna a maxatinel na pec um, mbind mosu nuu refna a daknel na seek a ndigil um.

Sofoni 3:20

Na jamaane faaga, xam fokat a nuun, nomtiid a nuun, fi nu njeg gon, simateel a ndeer qeet ke no lanq ke fop, yaa um supitkaa o roxanqol ole nuun na kid nuun. Mi o Yaal oxe layun.»

Yeremi 33:26

yaaga waagkoogaam o deɓ xa taan axe Yakoob fo axe Dawid fee o tag es, fañat o xotit na xa taan um waa na maadooxkaa took xa taan axe Abraham, Isaak fa Yakoob. Kaa koy, xam nomtiid we ƥiseena gilaa saax took o hup doole na den soo yirim a den.»

Yeremi 32:44

Xan xa qol a njikteel xaaliis, a kayit a cikir a mbindel, a mbegtel o ñaasir, seede a mbaaƭel kam saax le Bensame, me widna a Yeerusaleem, kam teeru ke Yudaa, kam teeru ke no jegel ole na xa coong axe, kam teeru ke no jegel ole na yulanq ake fo kam teeru ke no jegel ole no ɓemb-roog o ñamaak. Yaam xam nomtiid we ƥiseena gilaa saax took o hup doole.» O Yaal oxe layun.

Hebre 8:8

Kaa koy, Roog a jega tooñ kaa ta bugna o feedin xeet um, ne ta laytuuna na ƭelem akene yee: «Ñaal key a ngaraa, kaa um dalnatinkaa ngiɓoor nqas fa xeet fee Isra’el, dalnatinin fa fee Yudaa. Keene o mat o Yaal oxe a layu.

Yowel 3:1

«Cinj kaaga, xam fudniid Yiif le mi took no wiin we fop. Xa ƥiy xa koor axe fo xa tew axe nuun xan a njo’tanaxam, nogoy we nuun a ƭaaɗaa, soo xa pes axe nuun a nga’aa, a mbeeñooxeel.

Heseki’el 36:24

Xam suudit a nuun a ndeer qeet ke, fokatit a nuun na saax ake fop soo nomtiid a nuun no lanq nuun.

A kim a tedu ke 53:6

Xan a mos o send fo diid, too jegee kaa na diidlandaa, yaam xan Roog a pasar xa kiiƈ no we na tinqlang. Xan a sed, yaam xan Roog a filid a den.

YEGIL MBAAX NE YEESU ne Lik a bindtuuna 21:6

«No ke nu nga’aa ndiiki, xan a jeg a pe, yoqkee muul leng took muul gend um laa yenkeerna.»

YEGIL MBAAX NE YEESU ne Lik a bindtuuna 19:43

Xan a jeg a pe akaa andoona yee xan fañ we wo a mbidong o kurul-keƥ, a mbegong, soo a ƥiiklong o saax oo saax.

YEGIL MBAAX NE YEESU ne Lik a bindtuuna 17:22

Cinj kaaga, a laya daalbe waa yee: «Xan a jeg a pe akaa nu mbugkaa o nga ñaal leng no Ƥeenqe no kiin oxe, too nu mbaagkiran o nga.

Heseki’el 47:14

Xan nu lasrin ne daaɓoorit’anuuma o ɓay es took ee xam ci’in daan nuun. Xan nu njegik saax lene, oxuu refna fo a las um ta ref mbaafaap nuun.

Yeremi 32:37

‹Mi koy, xam fokatit a den na saax ake fop pasar’uuma a den kam fuux es, kam o say es fo no ngañak es. Xam nomtiid a den no mbiñ onqene, gennoor a den teen fo o woor.

Yeremi 31:38

O Yaal oxe kaa tee: «Ñaal key a ngaraa kaa um maxatinankeel a Yeerusaleem, a xotit no Taax-took ne Hananel boo no Ndokand naa no kooñ ne.

Yeremi 31:31

O Yaal oxe kaa tee: «Ñaal key a ngaraa, kaa um dalnatinkaa ngiɓoor nqas fa xeet fee Isra’el, dalnatinin fa fee Yudaa.

Yeremi 31:27

O Yaal oxe kaa tee: «Ñaal key a ngaraa kaa um mayƭandkaa kam maat ne Isra’el fo ne Yudaa wiin fo cegel, ne o qol a mayƭandteel fo ax.

Yeremi 30:10

O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

Yeremi 27:22

‹Xan a ƥisel Babilon, a yoq maaga boo a koom alaa um topatooxkaa a den, mi o Yaal oxe, yoɗatinit a den maaga soo nomtiid a den no mbiñ onqene.› »

Yeremi 27:11

Kaa koy, xeet fee na njaɓkaa o ngadoox a kadoor ale o maad oxe Babilon a seraa a den soo a ndagooxin, xam xaƴ a den fo njaambuur den no saax den, ndax da nqooxan soo a ngen teen. Mi o Yaal oxe layun.»

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

Esdaraas 3:12

Kaa koy, mayu no saasadax we, Leelewi we fo yaal ƥasil ke nogoyna too a nga’’u Mbind Roog eetaand ne kaa looloogu a maak, ye a per ake no Mbind neene a ndooneel na kid den. Lakas mayu koy, kaa njibnoogu xa soroxole,

Esdaraas 3:8

No hiid o ɗikandeer ole a cinj ye da mbadiidna no Mbind Roog ne kam Yeerusaleem, no nqool o ƭikandeer onqe, Serubabel fee o ƥiy Se’alti’el fa Yesuwa fee o ƥiy Yosadak, yoqatin we no fog den saasadax we, Leelewi we fo fop we nomtoortiid’ina no mbaƭ naa, a ngar Yeerusaleem, a ndefa no calel soo a ngadin Leelewi we njeg’ina xa kiid qarɓeen ƭik a jof took da yetooxaa maq ne no Mbind ne no Yaal oxe.

Esdaraas 3:1

Ye o nqool o ɓetuu ƭikandeer onqe a fadiidna, Ii-isra’el we ndal’ina no teeru ke den a mbokatoora Yeerusaleem nen o koor o leng.

A cangatin ale 30:3

yaaga, xan o Yaal oxe Roog nuun a yirim a nuun, a supit o roxanqol nuun soo a fokattiid a nuun ahin a ndeer qeet ke ta pasar’ina a nuun fop.

Yeremi 31:23

Keeke o Yaal oxe Roog fee Isra’el Hupna fop a layu: «Keeke na laykahineel kam saax le Yudaa fo kam teeru ke ten, yaa um nomtiidkaa we ƥiseena gilaa saax took o hup doole na den: ‹Yaasam o Yaal oxe a barke’ong, wo o joong o tedu le Siyoŋ, ngenand o cofel ne.›

A cangatin ale 30:5

Xan o Yaal oxe Roog nuun a nomtiid a nuun no saax le daan nuun a njeg’ina soo nu njegatin. Xan a fi’an a nuun paax, a mayƭand a nuun boo nu moƴ o may daan nuun.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»

Yeremi 29:10

Kaa koy, keeke o Yaal oxe a layu: ‹Yaa xa kiid qarɓeen ɓetuu ƭik axe a mbadnooxkaa na Babilon, xam topatooxahin a nuun, fadnan a nuun a tegit es, nomtiid a nuun no mbiñ onqene.

Yeremi 30:4

Keeke ndefu boog xa ƭelem axe o Yaal oxe a layna na Isra’el fo na Yudaa.

Yeremi 31:16

Keeke o Yaal oxe a layu: «Waasi xa lool axe, forit xa kooniit a kid of, yaam xan o rabdel calel of. Xa ƥeef xan a nomtoortiid no saax le no pañ oxe. Mi o Yaal oxe layun.

Yeremi 51:60

Yeremi kaa bind’u no safe taamaala ke na ndalkaa a Babilon fop, fa lay fene fop bindeena took Babilon.

A kim a tedu ke 126:4

O Yaal oxe, supti o roxanqol in, ne a qayaandiin a suptitaa a koƥ-a-ƥor ale no ɓemb-roog o ñamaak.

Heseki’el 34:13

Xam sutit a den a ndeer qeet ke, fokatit a den na saax a pogreer ake. Xam gay a den took xa coong axe Isra’el fo kam a nap ake na xa quluɓ axe fo no fo mbiñ ne na ngeneel no saax le fop.

Sofoni 2:7

A ƥeeraamb akeene xan a ndefan we yoqna no mbind Yudaa. Meene a mbugko ngayaa, soo no yeng ole, da mbondook kam pind ke Askalon. O Yaal oxe Roog den xan a topatoox a den, a supit o roxanqol ole den.