Yeremi 30:21 - NQAARIIT NE ROOG

²¹ Kelfa den xan a hat na den, o kelwaar den a sutoor teen. Xam ci’in ta matiidaam, too xan a ɓeriid farna fa mi. Ndi an waagkoogu fi keene too ɓoxotee o ñis um, a refangeerna mi xoyun? Mi o Yaal oxe layun.

Yeremi 30:21 Referans Kwoze

A lim ale 16:5

A laya a Koora fo a yaj um fop ee: «O feet o Yaal oxe a lay oxe ta jegna fo an tedu fo an waagun o matiid, ndax ta ɓoxotin sadax. Oxe ta jilkaa na waagkan o matiid.

Heseki’el 37:24

O tag es Dawid xan a ref o maad den, too xan a njegat o kaynaak o leng kut, ta ref o ten. Xan da nanan kebil es, a ngay ndax da ndeef bargal es.

A pi ake 5:31

Roog fa xoox um yoɗun itam, ta moofik na ñamaak um, a dodin o Maad fo o Muumucil, ndax ta ci xeet fee Isra’el da mbes pakaad den a cinj, too a ndaaw a baasan ale.

1Saŋ 2:2

Ten fa xoox um kaa ref sadax faa na ñufaa a qaw ale Roog yaam pakaad in. Refee koy sax ee yaam pakaad in soom, ndaa yaam pakaad ke na adna fee fop.

Yeremi 30:9

Xan Ii-isra’el we a ndagoox o Yaal oxe Roog den fa Dawid fee um dalnatinankaa a den nen o maad.»

2 Sami’el 7:13

Oxeene mat na maxankaxam Mbind, too xam saƭkand uum-maamaad um boo kili.

A cangatin ale 33:5

O Yaal oxe kaa reeƭu o maad Isra’el fee xeet um, ye aa-adax we na xeet fee a mbokatoorna, a carind ake Isra’el fop ne mbodeena.»

A cangatin ale 18:18

Xam sutan a den a ndeer no fog den o tuleer oxaa nandna fa wo. Xam daawnin nduleer es, soo ta andnoor a den fop ke um hebilkan.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Mbeeñil 19:16

No ndoki ne ten fo na ñaal ale ten gon lene a binde: «O Maad oxe no maad we fo o Yaal oxe no yaal we.»

Mace 27:37

Ndax da lalit ke tax’ina ta rengel na kurwaa, a mbind’a yee: «Oxene refu Yeesu, o maad oxe no Yaawuur we.» A pind akeene koy kaa yooroox’u xoox le Yeesu.

Mace 3:17

O ñuxur a nannoorta na asamaan ee: «Oxene refu o Ƥees onqe fexuuma fex, no ten felakinoortum.»

Mace 2:2

«Taa o maad oxe no Yaawuur we sogeena o rim? Kaa i nga o xoor um no batand boo ten taxu i ngar ndax i mbaɗooxin.»

Yeremi 50:44

Ga’angi, nen njogoy naa na sutoortiidaa no joc ole Yordaan, a jagin na xa suufand xa quƥu sap axaa, neene ndeer ñaf fo ƭeet xam rax Kaakalde we no saax le, dalin teen oxe um jilkaa. Ndi an nandu fa mi? An saɗu xeloor fa mi? O aa-adax oxum na xoxkaa mbaambir es?»

Yeremi 49:19

Ga’angi, nen njogoy naa na sutoortiidaa no joc ole Yordaan, a jagin na xa suufand xa quƥu sap axaa, neene, ndeer ñaf fo ƭeet, xam rax Ee-edoom we no saax le den, dalin teen oxe um jilkaa. Ndi an nandu fa mi? An saɗu xeloor fa mi? O aa-adax oxum na xoxkaa mbaambir es?»

Mberaand 18:27

Abraham a layaan ee: «Ga’angi, fo ut fo ndaw rek refum soo fi neeke layaa fo o Yaal oxe.

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

YEGIL MBAAX NE YEESU ne Lik a bindtuuna 24:26

Ndax Kiristaa fee war’ee o coono’it neene kañ, soo a rokkaa kam o ndam um?»

Yeremi 33:15

No ñaal kaaga fo no camaane kaaga, xam looƴin no kurcala le Dawid dugatin jofu laa na ñaaƴinkaa a ƭat fo o cofel kam saax le.

Esayi 63:1

Ndi an oo o ñaañaaƴ oxeene na inoortiidaa Edoom, a sutoortiidaa Bosra refna teeru fa maak fee, toki ke a yaxig coy? Kaa rokoox sabadoor um, a ñaaƴaa o cok um took soo a hooloox doole um. «Mi fee na layaa cofu yoo soo jeg sañ-sañ o mucil.»

A kim a tedu ke 89:29

Xam fexin boo kili, too ngiɓoor ne mi fo ten xan a saƭik koŋ.

Nehemi 7:2

Doonaam a Yeerusaleem na xa ƥay Hanani fee o pog es fo na xa ƥay Hananiya fee adooxanna saŋe ne. We nand’ina fa Hananiya no ngor fo no saɗar a Roog mayee.

Esdaraas 2:2

A yooniida fa Serubabel, Yesuwa, Nehemi, Seraya, Reelaya, Mordokay, Bilsan, Mispar, Bigway, Rehum fa Baana. Neeke Ii-isra’el we a mbodu:

Mberaand 18:32

Abraham a laya yee: «O Yaal oxe, ngela ba o fuux! Jaf leeke soom um laykataa. Xeƈa jofu xarɓaxay soom owaay maaga.» O Yaal oxe a doonaan ee: «Yaaga saŋikkinum yaam jofu xarɓaxay waaga.»

Mberaand 18:30

Abraham a layahina yee: «O Yaal oxe, ngela ba o fuux yaa ɓaatuuma o lay! A waaga o ref ee jofu qarɓeen tadik waay maaga.» O Yaal oxe doonaan ee: «Fi’kiim dara yaa soƥuuma maaga jofu qarɓeen tadik.»

A sutax ale 3:5

Roog a layaan ee: «Ba o matiid meeke de. Woli xa ñaaƭ of, yaam me o dakaa, lanq tedu yoo.»

A cangatin ale 17:15

Maaga, fat nu ndod o kiin oxe o Yaal oxe Roog nuun fa xoox um a jilankaa a nuun. O maad oxeene o Ii-isra’el a refkaa, too ba nu njaɓ muk oxaa fogeerna na nuun a maadooxan a nuun.

A kim a tedu ke 65:4

Ndoq ne no pakaad ke in kaa meɗ dis, ndaa kaa o dontan bo tee qac.