Yeremi 30:2 - NQAARIIT NE ROOG

² «Keeke layum, mi o Yaal oxe Roog fee Isra’el: ‹Bindi no safe fa lay fee layoonga fop.

Yeremi 30:2 Referans Kwoze

Yeremi 36:32

Cinj kaaga, Yeremi a waaƭa o laxas safe lakas, a cooxin a Baruk fee o piibind oxe, too a ref o ƥiy Neriya. Baruk a binda teen ne Yeremi a laytooguuna o ten fa lay fee no laxas safe le fop Yoyakim fee o maad Yudaa a dox’ina. Fa lay fa lakas fa mayu fa nandu neen a ɓaatahine teen.

Esayi 30:8

O Yaal oxe a laya a Esayi yee: «Ndiiki koy, bindi keene na alfa mbaambir den, bindin itam no safe, ndax ta ref seede faa na refkaa boo faw no camaane ke na ngaraa.

Mbeeñil 1:19

Bindi boog ke ga’oona, ta ref ke na xewaa ndiiki fo ke na xewkaa.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

2 Piyeer 1:21

A ƭelem ake no duleer we Roog mosee o ngat no bug no kiin. Yiif Tedu le reeƭu oxe ɗoxoogna a den boo da layaa a ƭelem akaa inoorna na Roog.

1 Korint 10:11

Refee nu nga’aan! Keene fop xewna kaa ref o ɗeendoor, a bindel ndax ta ref maƭax na in, in weeke ndefna no cat o ñoow adna.

O leetar ole Pool a bindna GIMU WE NGENNA ROM 15:4

Ke i soƥna kam a Pind a Tedu ke fop kaa mbind’el yaaga, ndax ta jangin a in o muñ, a ci a in a yaalax. Neene, xan i njeg yaakaar na pexey a Pind a Tedu ke.

Dañel 12:4

Wo Dañel, ɗasni yegnit neene, too wegit safe lene o ñaasir boo yaa jamaane fee no muukandoong ne a fadiidna. A koom, xan wiin mayu a njangin, too xan o and den a ɓaatoox.»

Esayi 8:1

O Yaal oxe a layaxam ee: «Jangi a alfa maak, o bind took fee a pind a qoolu yee: ‹Maheer saalaal haas bas› tekitna ‹Caɓe ke, ñofandooxi, yaq fee a matiida›.

A cangatin ale 31:19

Ndiiki koy, fat a kim alene a bindel, soo wo Moyiis, o aqatin Ii-isra’el we, fexey bo da moknin, too xan a kim alene a ref seede a ndeer es fo Ii-isra’el we.

A sutax ale 17:14

O Yaal oxe a laya a Moyiis ee: «Bindi keene no safe, ndax weeckaand. Layi a Yosuwe itam ee xam moocin Aa-amalek we, ndax mbetandooxkataand no lanq ke.»

Yeremi 25:13

Xam fudin took saax leene fop ke layuuma no ten, fop ke bindeena no safe lene, padafuleer ke Yeremi a yegnitna took qeet ke fop.

Yeremi 30:1

Yeremi a daawta no Yaal oxe fa lay fene:

Yeremi 36:28

«Dakooxi waaƭ o laxas safe lakas too bindahin teen fa lay fee fop reeƭna no laxas safe eetaand ole Yoyakim fee o maad Yudaa a doxna.