Yeremi 30:19 - NQAARIIT NE ROOG

¹⁹ Xan a simat a yoɗoor a ndeer den, xa ƈeel no we na mbelakinooxaa. Xam mayƭand xeet es, too mbañooxkatee. Xam ɓoxot a den o ndam, too nqeefkataand.

Yeremi 30:19 Referans Kwoze

Yeremi 33:22

Ne xa qoor axe na asamaan a mbaagaandeena o limit mbaat ne lanq ke no maag ole a mbaagaandeena o eedit, neene um mayƭanditkaa xa taan Dawid fee o tag es fo Leelewi we na ndagooxaxam.»

Esayi 51:11

Neene, we o Yaal oxe a watna, xan a nomtooxiid. Xan a mbadtiid a kim baneex kam Siyoŋ. O ɗaay o fagkeer xan a meleƈin mukit den, baneex fo o ɗaay a ndokiid, soo naqad fo xa iin a ndiƈatoox.

Esayi 60:22

A carind ale moƴna o neew xan a ax wiin cuni-cuni, ale moƴna o hees a refat xeet fa njegu doole. Keene um ñofkaa o fi, mi o Yaal oxe, yaa hap um a fadna.»

Esayi 35:10

Neene, we o Yaal oxe a wokitna xan a nomtooxiid, a mbadtiid a kim baneex kam Siyoŋ. O ɗaay o fagkeer xan a meleƈin mukit den, baneex fo o ɗaay a nqetiid fa den, soo naqad fo xa iin a ngoƭ a den.

Heseki’el 36:37

Keeke layum, mi o Yaal oxe na refkaa boo faw: Xam xaƴahin Ii-isra’el we da ƈufginooxaam too xam jaaɓ a den yaa um mayƭandkaa a den boo nen ged.

Sakari 10:8

Xam wuuƴ a den, fokat a den, yaam xam wat a den, too xan a siwit ne da siwtoogna yaaga.

Yeremi 31:4

Xam maxatinong, too xan o maxatinel, wo Isra’el o njaaƈ o ndoog o andee adna nqe. Xan o mosandooritahin a ñal ake wo, yoon fo feefec we na ƈeelaa.

Sakari 12:8

A koom, xan o Yaal oxe a saytoox we ngenna Yeerusaleem, too oxe moƴna neew doole na den xan a nand nen a Dawid, soo mbind Dawid a ref nen a Roog, nen malaaka fee no Yaal oxe mbaambir den.

Sakari 8:19

«Koor ne no nqool o nahkandeer onqe, ne no nqool o ƥetkandeer onqe, ne no nqool ɓetuu ƭikandeer onqe fo ne no nqool xarɓaxayandeer onqe xan a ndefat no mbind Yudaa ñaal o mbelakinax fo o ɗaay, a ndef toofeen pelu. Kaa koy, mbexyo ndigil fa jam! Mi o Yaal oxe Hupna fop layun.

Heseki’el 37:26

Xam dalin fa den ngiɓoor jam naa na refkaa boo faw. Xam dalin a den maaga, mayƭand a den soo sip mbind tedu es a ndeer den boo faw.

Esayi 12:1

A koom xan o lay ee: «O Yaal oxe, mexe simatang, yaam kaa o fuuxan’aam, ndaa fuux of a ɓoosa, too yaalaxamo.

Nehemi 8:12

Maaga, xeet fee fop a ndeta, ndax da ñaam, a yer, a naqan we njeg’eerna dara soo a mbelakinoox a paax, yaam a and’ata ke da lay’eena.

Esdaraas 6:22

A ndoofanda fo o ɗaay boo ñaal ɓetuu ƭik Xew fee no puuru canja’e ke, yaam o Yaal oxe kaa ɗaaynoor’u a den, ye ta fi’na boo o maad oxe Asuur a damit a den no calel ke no Mbind ne na Roog fee Isra’el.

1 Piyeer 1:7

Keene waru, yaam wurus fee nayneena na fiɗel sax, xan a sooƴ. O ngim onqe moƴu o jeg wurus fee o njiriiñ. Neene itam a ɗeetlooxe nen a wurus fee, ndax ta lalit ee ndigil oo. A reftangaa neene, xan o ngim nuun a tagasel, a fakel soo a niwel, yaa Yeesu Kiristaa a nomtooxiidkaa.

Esayi 60:19

Njeeƈ ne refkatee a qoolaand of no ñaal ne, too a qoor ale refkatiran no yeng ole, yaam mi o Yaal oxe Roog of, xam xoolandang kili soo fudin took of meleƈ es fop.

Esayi 52:9

Nuun yaqatin ke Yeerusaleem, ƈeelyo a maak nuun fop, yaam o Yaal oxe xe yaalaa xeet um, a wataa a Yeerusaleem.

Sakari 2:4

Laamtaam ee: «Xar a mbaaƭiidu?» Maaga, a doonaxam ee: «Feek xa can axe kaa pasar a Yudaa boo o leng yoɗatee xoox, faal tafax weeke koy kaa ngar, ndax da ndiidland a den soo a ngaak xa can axe na saax ake njaƭtanna saax le Yudaa boo a pasar we ngenna teen.»

Yeremi 31:27

O Yaal oxe kaa tee: «Ñaal key a ngaraa kaa um mayƭandkaa kam maat ne Isra’el fo ne Yudaa wiin fo cegel, ne o qol a mayƭandteel fo ax.

Esayi 51:3

O Yaal oxe xan a yaal a Siyoŋ, a yaal yaqatin ke ten fop. Xan a fi boo o mbiñ onqeene fesna a pec a nandat nen a Edeen, o tan oleene a nandat nen a ƭing ale no Yaal oxe. Baneex fo o ɗaay xan a ngen teen, a tagas fo fangax a kim a niwir a njibit teen.

Esayi 27:6

Na pe ake na ngaraa, xan xa taan axe Yakoob a yaadoox, Isra’el a neep bo soo a fiɗ, xa tim um ee gañ kam adna fee.

A kim a tedu ke 53:6

Xan a mos o send fo diid, too jegee kaa na diidlandaa, yaam xan Roog a pasar xa kiiƈ no we na tinqlang. Xan a sed, yaam xan Roog a filid a den.

Nehemi 8:17

Mbokatax ne no we nomtoortiid’ina no mbaƭ naa fop a mbi’a ƭiif soo a ngen teen. No kaa xotitna na jamaane Yosuwe fee o ƥiy Nun boo no ñaal naaga, Ii-isra’el we ndoofandoogatee xew feene. Ndiiki koy, o mbelekinax o maak a jega.

YEGIL MBAAX NE YEESU ne Saŋ a bindtuuna 17:22

Ci’aam a den o ndam onqe ci’axamoona, ndax da ndef o leng ne i ndefitna o leng,

Esayi 60:9

We ngenna na pimb ake, mi a yaakaaru, a kaal a maak a cula’ir ake na ndetaa Tarsis a adoox, a nomtitiidaa xa ƥeef na saax a koƭu ke, da saq wurus den fa xaaliis den. Kaa ƥoxotiidaa gon le no Yaal oxe Roog of o ndam, a simatiidaa o Tedu xe Isra’el ɓoxotoonga o niwel.

Esayi 55:5

Xan o xoy xeet faa andeeroona, too waa and’eeroonga xan a ƈufiid me wo yaam mi, mi o Yaal oxe Roog of, o Tedu xe Isra’el ci’oonga o ndam.»

Yeremi 17:26

Xan wiin a inoortiid no teeru ke Yudaa fo me widna a Yeerusaleem, no jegel ole Bensame, no le na yulanq ake, no le na xa coong axe fo no ɓemb-roog o ñamaak, a ƥisiid kam Mbind ne no Yaal oxe sadax toxel, sadax lakas, sadax tuufe-duufe fa cuuraay, a ƥisiid o Yaal oxe itam sadax fa ngidmir.

Heseki’el 37:10

Refaam no jo’tanan ne ta heblit’axama o ten. Maaga, Yiif le a gara na den, da ñoowatin soo a inoox a ngeenoox jing. A yaj a maak a maak no xiixire a reeƭu.

Esayi 26:15

Wo o Yaal oxe, mayƭandaa xeet fee. Kaam ee mayƭandaa xeet fee, lalit o ndam of soo ɗaay xa ŋat axe no saax le fop.

Yeremi 3:16

O Yaal oxe a layahina yee: «Yaa nu ndimatirkaa, mayat bo kam saax le, a koom arka ne no ngiɓoor ne no Yaal oxe layitkataand. Yiif gomkatiran, wetandooxkataand, xalatooxkataand, too lakas fi’atinkaand.