Yeremi 30:16 - NQAARIIT NE ROOG

¹⁶ Kaa koy, fop we na listang xan a listel, too fop we na noonooraa fa wo xan a ƥisel den fop took o hup doole. We na yaqang, xan a yaqel, too we na njaɓaa o jeg of, xam xaƴ o jeg den a jaɓel

Yeremi 30:16 Referans Kwoze

Yeremi 10:25

Bilti fuux of took a saax ake andeeroonga fo took qeet ke ƈufginoorkeerna gon of, yaam a lista xeet fee Isra’el, a lista soo a saŋik a den, a mbayit kenand den.

Esayi 33:1

Sabab took of, wo xe na yaqaa, too yaq’aandee, hodaa, too mosaandee o hod. O yaqangaa boo ƴut, xan o yaqel, o hodangaa boo ƴut, xan o hodel.

A sutax ale 23:22

Mi o Yaal oxe, mexe layaa a nuun ee nu nananangaan fo ngor, mbi ke hebluuma a nuun, xam ref o pañ no fañ nuun soo ref o noon no noon nuun.

Sakari 2:8

A hebla faaga yee: «Ƴufi lay o koor oxe pokooxna o ƥaak o liiƥir ole yee: ‹Yeerusaleem, teeru fa njegee saŋe a refkaa, yaam wiin fagkatar we fo cegel cegee hap ke na ndefkaa a ndeer um.

Mbeeñil 13:10

Oxuu jagandaneena mbaƭ, xan a ref o paɗ. Oxuu jagandaneena o wartel laƥ, xan a wartel laƥ. Ten taxu we mbogna na Roog a mbara o lalit o saƭkel fo o ngim.»

Sakari 12:2

«Xam fi Yeerusaleem a ref o feeƭ ole no fuux le mi na waynooraa qeet ke mbiduuna fop. Yaa Yeerusaleem a widkeel o kurul-keƥ, xan Yudaa itam a daaw teen.

Esayi 14:2

Xan qeet mayu a ndimle Ii-isra’el we da nomtoox no saax le o Yaal oxe a ci’na a den, too xan qeet keene a njalantaa a den teen nen dag fo jeefeer. Xan Ii-isra’el we a ndam mbaƭ we ndam’ina a den mbaƭ, too xan a kelfa we ñaatlandoogna a den.

A kim a tedu ke 129:5

We sibna a Siyoŋ fop xan a sed, a ndiƈatoox den fop.

Sofoni 2:8

«Nanaam a kaañ ake Mowaab fo a ben ake no Aa-amon we, ye da mbenna xeet es soo a inooxanin, ndax da ƥaatoor o fiisel den.

Habakuk 2:16

Maykiro fo o ndam, ndaa xan o naag ɓot yaam gaci. Wo fa xoox of, xan o yer itam soo xeefnoorel yaam o yoq o ƥor! O feeƭ ole no fuux le no Yaal oxe refna na ñamaak um xan a geleeroox farna fa wo, soo o niwaƭarel a muur o ndam of.

Nahum 1:8

Kaa koy, xan a saŋkit we mbinqqoorna fo ten o jaɓ ole, a daab fañ we ten boo da nqaad jaaniif.

Mise 7:10

Xan fañ in a nga’in soo a may fa gaci, den we layoogna a in ee: «Taa o Yaal oxe Roog nuun?» Maaga, xan i mbuudaa a den, da nduuteel nen lopopooƈ le no ped ke.

Mise 4:11

Ndiiki sax qeet mayu a mbokatooranaang, a ndamtin ee: «Fat i ngef a Siyoŋ, a kid in a mbuudaa yaq fee ten!»

Heseki’el 35:5

Feek kaa o gen cay no fañraa fo Ii-isra’el we, soo maafit a den laƥ ye fa naqad den, ye tooñ den a hupna,

Heseki’el 29:6

Maaga, we ngenna Misira fop xan a and ee mi refu o Yaal oxe, yaam kaa ndeeƭu nen ndamlooxand xeet no mbind Isra’el.

A ƭomatax ake 1:21

Xa iin axe mi a nane, ndaa o leng yaaliraam. Fañ es fop a yega taamaala fee mi. A mbelakinooxa, yaam ne garoona fo ten. Fadnaa ñaal ne maƭooxoogoona a in. Yaasam muj den a nand fa fee mi!

Yeremi 2:3

Maaga, Isra’el kaa kesan’el o Yaal oxe nen taawlax ke no saxade le. Fop we nduqooguuna, a nqawooge, taamaala a sagoox a den.» O Yaal oxe layun.

Esayi 54:17

Ƥonax nuu xawneena ndax ta gaañong faaxkee. Oxuu jamboonga no pind layoor ke, xan o damnoorin. Keene refu a las ale geekanuuma dag es. Keene refu o cofel ole den inoorna na mi, mi o Yaal oxe.»

Esayi 54:15

O bugange o song, inoorkee na mi. Kaa sax oo, oxuu songoonga, xan a xon na caf of.

Sakari 14:2

O Yaal oxe xan a fokat qeet ke fop, da inooxan a Yeerusaleem. Teeru fee xan a jaɓel, pind ke a mbaltel, rew we a ngignel, genwal fee no wiin we a ƥisel gilaa saax took o hup doole, ndaa we na yoqkaa na den sutkaand teeru fee.

Sakari 1:14

Malaaka fee layoogna fa mi a layaxam ee: «Yegniti yee: Keeke o Yaal oxe Hupna fop a layu: ‹Kaam jeg na Yeerusaleem o mbeq o maak, naalaa a Siyoŋ,

Yeremi 50:28

Nan-gilooxyo! Xa buuq axe no ƴuuƴuf we, axe no we ndaɗitna no saax le Babilon, owe yegnitaa kam Siyoŋ ee: «O Yaal oxe Roog in a rabdinooxa, a rabdinooxana yaq fee no Mbind ne ten.»

Yeremi 25:12

Yaa xa kiid qarɓeen ɓetuu ƭik axe a mbadnooxkaa, xam dal took o maad oxe Babilon fa xeet um yaam tooñ den, dal took saax le den um taskaa boo kili. Mi o Yaal oxe layun.

Yeremi 12:14

Keeke o Yaal oxe a layu no gentand faaxeer we na xeet es: «A nduqa ke jeg’uuma, o fiisel ole lasrand’uuma a Isra’el fee xeet es. Xam fuurit a den no lanq den, fuur a ndeer den itam wiin we Yudaa.

Yeremi 8:16

Kang ke no pis ke no fañ we a nannoorta Dan, lanq ke fop a sendaa yaam fangax le no ŋexel le no naar-koor ke den. Owe ngaraa, a nduudniid saax le fo ke refna teen, teeru fee fo we ngenna teen.

Yeremi 30:15

Xar taxu o ɗomatooxaa yaam ngaañax ne wo fo o ƭomel ole wo waageerna o wod? Tooñ mayu ke wo fo pakaad magnu ke wo taxu um fi’ong keene.

A cangatin ale 30:7

too xan o Yaal oxe Roog nuun a maaf a salax akene fop took no fañ nuun fo we sibna a nuun, a ñagadilaa a nuun.

1 Sami’el 17:53

Ye Ii-isra’el we a mbadna maaga, a nqaƴa a taab ale da ndaaboogna Fiifilista we, a nomtooxiid soo a njangal saŋe ne den.

Xa peƭit axe 22:23

yaam o Yaal oxe xan a fartin soo a lukit we na luktan.

A ƭomatax ake 1:22

Yaasam kañaan den fop a feeñ mbaambir of, soo o fesoor fa den ne fesoortoona fa mi yaam tooñ ke mi fop! Xa iin axe mi a maya lool, too jegaam ɗom no xeeñ es.»

Sakari 1:15

too fuuxanaam tigi qeet ke njegna ne mbugna, yaam o ndik rek fuux’um, ndaa o hupal den taxu boo taamaala fee a fod neeke.

Sakari 2:12

O Yaal oxe Hupna fop lul’axama fa sañ-sañ me no qeet ke njangal’ina a nuun kaa tee: «Oxuu duqna a nuun, a duqa jooƴ a ngid es.»