Yeremi 30:12 - NQAARIIT NE ROOG

¹² Keeke o Yaal oxe a layu: «Ngaañax ne wo waagee o wod, too uut le wo a ɗoma lool.

Yeremi 30:12 Referans Kwoze

Yeremi 15:18

Xar taxu coono es a gen kili? Xar taxu boo uut le mi waagee o wod, a fañ faƥit ee fi’kee aak? No ndigil kaa o ref na mi nen a ƈufnand alaa na ŋiisaa, nen poofi kaa na naxaa oxe hoɗomeena.

Yeremi 30:15

Xar taxu o ɗomatooxaa yaam ngaañax ne wo fo o ƭomel ole wo waageerna o wod? Tooñ mayu ke wo fo pakaad magnu ke wo taxu um fi’ong keene.

Yeremi 14:17

Wo Yeremi fat o lay a den kene: A kid es kaa ngen no nqaaraa fo xa kooniit ñaal fo o yeng, yaam o njakad o maak onqe dalna o njaaƈ o ndoog onqe refna xeet es, ngaañax naa ɗomna tigi.

2 Caloori ke 36:16

Kaa koy, Ii-isra’el we kaa nqaadnooxoogu duleer we Roog, a nqeefaa fa lay um, a njalaa a den boo neen fuux ɗomu le no Yaal oxe a biltooxanu xeet um too mbaag’atiran o ndaɗ.

Heseki’el 37:11

A layaxam ee: «Wo fee o ƥiy no kiin, xa kiiƈ axeene mbind Isra’el fop oo. Den oo weene a ndamtin ee: ‹Xa kiiƈ axe in a mbeera korong, yaakaar in a yaktoox, i mbagiɗ tak.›

Yeremi 6:7

Ne a cur a balnitaa foofi um, neene a balnitaa kañaan um. Combol fo yaq rek na naneel teen, um gen no ga’aa teen cay xa ƭomel fo kaañax.

A ƭomatax ake 2:13

Xar waroong o lay? Ndi xar um nandanditkang, wo Yeerusaleem, o ndoog onqe? An um ga’kaa ta nand fa wo, fo a yaal alum um cooxkang, wo Siyoŋ, o ndoog onqe? Yaam o njakad onqe wo kaa magnit nen o maag ole. An na waagkang o wodand?

Hoose 5:13

Efrayim a ga’a jir um, Yudaa a ga uut um. Efrayim a reta Asuur soo a lul wiin maa no maad o maak oxaaga, ndaa o maad oxeene waagkee o wodand a nuun mbaat ta jeg teex naa malna uut le nuun.

Mise 1:9

Uut le ten waagee wod. Kaa xay boo Yudaa, a daaw tokand ke Yeerusaleem, me xeet es a genna.

Nahum 3:19

Yaq fee wo waagaand tig, uut le wo waagee o wod. Fop we na nankaa ke daloonga xan a mboxanaa o njakad onqe wo, yaam an daaweeru no kañaan ne wo jegeerna ngakand?

Yeremi 8:22

Ndax kaa jegatee teex ƭuumooxel kam Galaad, ndax kaa o baawaadin jegatee teen? Xar taxu boog xeet es waagee o moƴan?

Yeremi 14:19

O Yaal oxe, ndax kaa o deɓ a Yudaa wol? Ndax kaa Siyoŋ a maasong ƴam? Xar taxu o gaañ a in boo i mbaagatee o mbod? Jam i yaakaaroogu, ndaa jegee dara kaa faaxna. Kaa i cungoogu mbodandel, ndaa diid soom refu meen.