Yeremi 30:11 - NQAARIIT NE ROOG

¹¹ Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Yeremi 30:11 Referans Kwoze

Yeremi 10:24

O Yaal oxe, yaraam, ndaa fat a ref no cofel, too baa ref kam fuux of, ndik o yaqaam pic.

Yeremi 1:19

Xan a ñoxor fa wo, ndaa mbaagankirang o sep, yaam mexey fa wo, ndax um watong.» O Yaal oxe layun.

Yeremi 4:27

Keeke o Yaal oxe a layu: «Saax le fop xan a raad, ndaa koy gefkinum tuƈ.

Yeremi 1:8

Ba o saɗar a den, yaam mexey fa wo, ndax um watong.» O Yaal oxe layun.

Esayi 8:10

Nu mbaaga o yuuɓ kuu nu mbugna, ndaa kasaara doŋ a refkaa. Nu mbaaga o ngukir kuu refeerna, ndaa yaq a ƥay o don a refkaa, yaam Roog oxey fa in.

2 Timote 4:22

Yaasam o Yaal oxe a ref fo yiif of! Yaasam yirmande um a ref fa nuun!

A pi ake 18:10

yaam mexey fa wo. O leng doonkee o ɓay took of, ndax ta fi’ong paaxeer. Jegaam wiin mayu kam teeru feeke.»

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Yeremi 15:20

Xam fi’ong na xeet fene tabax nqanjar saƭku koŋ. Xan da ñoxor fa wo, ndaa mbaagankirang dara, yaam mexey fa wo, ndax um muclong soo watong. Mi o Yaal oxe layun.

Yeremi 5:18

Kaa koy, na pe akaaga sax, saŋikkiim a nuun fop. Mi o Yaal oxe layun.

Yeremi 5:10

Ŋaayyo saŋe ke ten, yaq a ƭing taxar biiñ ale mi, ndaa ba nu ngefin tuƈ. Mbaridyo xa par axe ten, jegeeruuma, mi o Yaal oxe.

A kim a tedu ke 6:1

O yaal a ƭat ale no jeejeek we a xoolne yee a kim alene kaa yoonandteel o nqilimb xa quusi ɓetaa tadaq. A kim a tedu laa fogna na ke Dawid oo.

Mace 1:23

«Xan o toog oxaa andeerna adna a ref fo fud, too xan a ñoot o ƥiy o ngoor onqaa na ne’keel Imanu’el», tekitna «Roog oxey fa in».

Heseki’el 11:13

Maaga, ye um jo’taa keene, Pelatiya fee o ƥiy Benaya a xona. Yenaam, gung a lanq soo falaloox ee: «Ey, o Yaal oxe na refkaa boo faw, ndax kaa o bug o saŋik yoqatin we Isra’el?»

Esayi 43:25

Yaqanee koy, mi na fortaa pakaad of yaam oxe refuuma, too wetandooxkatiim tooñ of.

A paɗax ale 26:44

Yaag oo toox de, deɓkiim a den, yaa da laqooxkaa no saax le no fañ den. Feskiim a den a cinj, mbaskiraam, warkiim a den too ɗegkiim ngiɓoor es fa den, yaam mi refu o Yaal oxe Roog den.

A cangatin ale 4:31

O Yaal oxe Roog nuun koy kaa may yirmande too xaƴkee a nuun, moocandkee a nuun, weecitkee ngiɓoor ne ta dalnitna a taaƥ fo daan nuun.»

A ƭomatax ake 3:22

O paaxel no Yaal oxe kaa maadaa boo ndiik, too yirmande um fagee.

Heseki’el 6:8

Kaa koy, yaa nu pasarkeel na saax a pogreer xam xaƴan a nuun yoqatin, waa mucitna na xire.

Hoose 11:9

Reefankiim fuux ɗomu le mi. Waasaam yaq fee fosooxan’oonga, wo Efrayim, yaam Roog refum, refiim o kiin. Kaam ref o Tedu xe a ndeer of, garitkiim fuux.»

A sutax ale 34:7

Kaam yirmaa wiin cuni-cuni, waasantaa njofaƭar fo tooñ fo pakaad, ndaa faritkiim oxe tooñna, too kaam rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.»

2 Sami’el 24:12

«Reti o lay a Dawid ee: O Yaal oxe kaa tee o jil leng no tadik ke ta laykang, too xan a doonong o ten.»