Yeremi 30:10 - NQAARIIT NE ROOG

¹⁰ O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

Yeremi 30:10 Referans Kwoze

Hoose 2:18

«A koom, xan a xoyaam ee: ‹O kor es›, too xoykatiraam ee: ‹Baal fee mi.› Mi o Yaal oxe layun.

Yeremi 29:14

Xam ga’noox a nuun. Mi o Yaal oxe layun. Xam nomtiid we ƥiseena na nuun gilaa saax took o hup doole, fokatit a nuun ndeer qeet ke fop fo no fo mbiñ ne fop pasar’uuma a nuun. Cinj kaaga, xam nomtiid a nuun no mbiñ onqe ɓisit’uuma a nuun gilaa saax took o hup doole. Mi o Yaal oxe layun.›

Esayi 43:5

Ba o diid, yaam mexey fa wo. Xam nomtitiid xa taan of no batand, fokattiidong no mudand.

Esayi 44:2

Keeke o Yaal oxe sakoonga, a moolong no fud ya of too a dimle’ang, a layu: Ba o saɗar dara Yakoob, wo fee o tag es, wo Yesurun fee jiluuma,

Esayi 35:9

Jegkee njogoy na ƭat aleene, too muumeen fa soxodu fa leng reefkee teen. Leng na den xetitkaand teen. We o Yaal oxe a watna rek na mbugko nqotan.

YEGIL MBAAX NE YEESU ne Saŋ a bindtuuna 12:15

«Siyoŋ, o ndoog onqe, koo ba o diid, o maad of oxey a garaa, a ŋaay no mol o mbaam.»

Yeremi 33:16

No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »

Yeremi 23:8

Kaa koy, kaa laykateel ee: ‹O Yaal oxe xe ñoowaa, ten oxe nomtitiidna xa taan axe Isra’el no saax le no ɓemb-roog o janoon fo na saax a lakas ake ta rax’ina a den.› Maaga, xan a ngenatin no saax den.»

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»

Sakari 3:10

A koom, xan nu nqurraa ɗuga ndaxar biiñ ne fo ɗuga ndun ne. Mi o Yaal oxe Hupna fop layun.»

Heseki’el 38:11

ee: ‹Xam inooxan saax laa naagna faŋ, songik wiin yaadooxu waa ndefna no woor me da ngenna den fop kam teeru kaa njegeerna saŋe mbaat a kinglir mbaat begax.

Heseki’el 16:52

Ndiiki koy, roxondooxi gaci of, yaam pakaad ke wo moƴna o mbaaxaƭar ke den, kaa nand wee ndax ɓogaa xa teɓ of. Wo boog, seeƈaari soo roxondoox gaci of, yaam kaa nand wee ndax jofandaa xa teɓ of.

Yeremi 30:3

Ñaal key a ngaraa, kaa um nomtiidkaa we na xeet es, Isra’el fa Yudaa, ƥiseena gilaa saax took o hup doole, nomtiid a den no saax le ci’uuma daan den, too xan a njegkin. Mi o Yaal oxe layun.› »

Yeremi 23:6

Na jamaane um, xan Yudaa a muclel, Isra’el a gen no woor. Kene refu gon le ta ne’keel: ‹O Yaal oxe refu o cofel in.› »

Esayi 54:4

Ba o saɗar boog, yaam neewandkataandee. Ba o yogorloox, yaam niwaƭarkataandee. Xan o weecit gaci fee no ndeƥandoong of too wetandooxkatiro o niwaƭarel ole yegoogoona ye o refaa o ñaaw.

Esayi 46:13

Mexey matandiidaa o cofel es, goƭatee sax. A muc es ñaalkaand a kar. Mexe ɓisiidaa kam Siyoŋ a muc es. Kaam ee mexe ɓisiidaa a Isra’el tig mosu.»

Esayi 46:11

Xoytaam a canjiik no batand. Kaam ee xoytaam no saax goƭu leene o koor oxe na fadinkaa yuuƥ ke mi. Kuu layuuma xam fi’in, too kuu yuuɓuuma xam fadnin.

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

Esayi 49:25

O Yaal oxe kaa tee: «Aha kañ! Xam jaɓit na salma-koor ale oxe ta fi’na o paɗ soo suqtit na poŋkil fee kalal ke ta xotitna na xire. Wo Yeerusaleem, mi fa xoox es xam damir fo we na ndaawraa fa wo soo mucil xa ƥeef.

Esayi 14:3

Wo Isra’el, a koom alaa o Yaal oxe a dakinkang no yaadax of a cinj coono ke fo ñagadil ke wo fo mbaƭ ƭomu ne damee’oona,

Esayi 44:1

«Ndiiki koy, nan-gilooxi a paax, wo Yakoob fee o tag es, wo Isra’el fee jiluuma.

Yeremi 23:4

Xam sutan a den gaynaak waa na ngaykaa a den. Saɗarkatee, ndiidkatee muk. O leng na den yoqandkatee. Mi o Yaal oxe layun.»

Yeremi 29:11

Yaam mi o Yaal oxe andaam ke yuuɓanuuma a nuun. Jam yuuɓanum a nuun, yuuɓaniim a nuun paaxeer, ndax um ci a nuun muj fa mbaax fo yaakaar.

Yeremi 30:7

Ndaw naqad! Ñaal nene a jaaxɗandta, jegee lakas naa nandna fo ten. Jamaane naqad oo na Yakoob, ndaa xan a muc teen.»

Yowel 2:21

Lanq ke, ba nu saɗar dara. Ndefyo no ɗaay too mbelakinoox, yaam o Yaal oxe a fi’a tig magnu.

Esayi 49:12

Den oo weene na mbadiidaa, koƭu a nomtoortiidu, wene no ɓemb-roog o janoon, waana no mudand, weeke no saax laa Siniim.»

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

Hoose 2:20

A koom, xam dalnan a den ngiɓoor fo muumeen-a-koƥ ke fo tiiƭ ke fo ƥood ke no lanq ke. Xam ɓol kam saax le a qali le fo laƥ ne, ndax xire jibkatee, soo fi da ngen no yaadax.

Hoose 6:11

Wo Yudaa itam, waajanee a saxad. Yaa um supitkaa o roxanqol ole na xeet es,

Mise 4:9

Ndiiki koy, xar taxu o jibnaa xa paɗax? Xar taxu o ɗomeel nen o tew oxaa na gaajooxaa? Ndax ne jegateeroona o maad soo ñak aa-as we wo taxun?