Yeremi 3:8 - NQAARIIT NE ROOG

⁸ Ke raxuuma rax a Isra’el fa ngore’aƭaru fee fop oo yaam ceeq ke ten soo cooxin a kayit a pinde laa lalitna yee waasaanum, ga’aam ee o pog um o tew Yudaa fa ngoohod fee saɗaree keene too a jaga’ka ten itam.

Yeremi 3:8 Referans Kwoze

A cangatin ale 24:1

«A soƥangaa yee kaa o koor a gilig o tew soo na bes fa leng ta ga no ten ndamooxaƭar boo o tew oxeene felatiran, a waaga o bind a kayit alaa lalitna yee a waasaan, a cooxin o tew oxe soo a ci’in o cok um.

Hoose 3:4

Ii-isra’el we xan a moof a pe a miñu kaa da njegkeerna o maad fo o aa-adax, sadax fo a ƥil akaa da mbaɗooxaa, o jamb fo nitaal pangool ke.

Esayi 50:1

O Yaal oxe kaa tee: «Taa a kayit a pinde le lalitna yee waasaam a ya nuun mbaat an jikooxum a nuun nen faɗ, ndax um rabditin o lad es? Nu njikooxange, paaxeer ke nu mbi’na taxun. Ya nuun a raxange, pakaad nuun taxun.

Heseki’el 23:9

Ten taxu ɓoxotaanum na xa ƥay na xa pes um, na xa ƥay no Aa-asuur we ta yuxum’ina.

Heseki’el 16:47

Ñaaƴiro na ƭat den day teen, fi cednooxu leng kut ke da mbi’na, kaa o xeef’u kaaga, moƴ o yaqoox a den na ƭat ake wo fop.

Yeremi 3:1

O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

A cangatin ale 24:3

soo o koor o ƭikandeer oxeene itam bugatiran, a bind a kayit alaa lalitna yee a waasaan, a cooxin o ten soo a ci’in o cok um, mbaat sax o kor oxeene a xon,

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 33:24

«Ndax kaa ɗeetlooxiro ke xeet fene a layaa? Kaa ndamtin ee: ‹Ƥasil ƭik ke o Yaal oxe a jil’ina, a deɓa a den.› Neene, kaa nqeefat xeet es, na den, refatee xeet.

Heseki’el 16:46

O maag of o tew oxe gartoonga no ɓemb-roog o janoon refu Samari fo xa ƥeem xa tew, soo o ndeɓ of o ndew onqe gartoonga no ɓemb-roog o ñamaak a ref a Sodoom fo xa ƥeem xa tew.

Heseki’el 16:51

Samari o mat fi’ee genwal no pakaad ke wo. Cednooxu ke wo moƴu o may fuuf ke ten, too cednooxu ke fi’oona fop kaa nand wee ndax xa teɓ of kaa njof.

2 Caloori ke 21:11

Yehoram a reta sax boo a fi a ñaang a sadaxand took xa coong axe Yudaa soo a ɓek wiin we Yeerusaleem no njaga, Yuuyudaa we ta ɓek a den no caasaay.

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Heseki’el 23:44

A soƥiide ne a caga a soƥtikeel. Neene mat Ohola fa Oholiba a soƥtiide, rew yaqooxu weene.