Yeremi 3:6 - NQAARIIT NE ROOG

⁶ Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Yeremi 3:6 Referans Kwoze

Heseki’el 23:11

«O ndeɓ um Oholiba a ga’a keene, soo a moƴin o samar na yuxum um. Njaga ne ten a hupa njaga ne no maag um.

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Heseki’el 16:31

Ye maxoona mbind njaga’ir no ƭat-sal nuu refna soo fi taalaand no paayo ke fop, reeƭiro sax nen a caga, yaam waaƭiro ndabid.

Yeremi 17:2

Neene, xa ƥiy den xan a mbetandoox xa sadaxand axe den fo xa taaƴ axe da lupanna a Asera paam taxar saqtu ke, took a ñaang a ciig ake

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Yeremi 3:8

Ke raxuuma rax a Isra’el fa ngore’aƭaru fee fop oo yaam ceeq ke ten soo cooxin a kayit a pinde laa lalitna yee waasaanum, ga’aam ee o pog um o tew Yudaa fa ngoohod fee saɗaree keene too a jaga’ka ten itam.

Esayi 57:7

Sipaa njong of took o joong o jiig, maaga o ŋaayaa, ndax o ɓoxot sadax.

1 Maad we 14:23

Den itam a maxana a qoox den a ñaang a sadaxand fo a ƥil a sexe fo xa taaƴ xa lupe xe Asera took ñaang jiig luu refna fo yoora ndaxar saqtu nuu refna.

2 Caloori ke 34:1

Yosiya xa kiid ɓetaa tadaq a jeg’u, ye ta sogna refaa o maad. A maadooxa xa kiid qarɓeen tadik fo o hiid o leng kam Yeerusaleem.

Yeremi 1:2

O Yaal oxe a daawnaan fa lay um na jamaane faa Yosiya fee o ƥiy Amon a refaa o maad Yudaa, no hiid xarɓaxay fo o hiid o dadkandeer ole no maat um.

Yeremi 5:11

Yaam mbind Isra’el fo mbind Yudaa a ngodaxam tigi.» O Yaal oxe layun.

Yeremi 11:10

A nomtooxa no tooñ ke no daan feraand we den mbañ’ina o nan-giloox fa lay es. Kaa ngiɓoor fo roog lakas, ndax da mbaɗoox a den. Wiin we Isra’el fo we Yudaa a ƭega ngiɓoor ne mi dalin’uuma fo daan den.»

Yeremi 31:22

Kaa o gapko wirlooxaa boo a mban, o ndoog o nanaƭaru nqe? Yaam o Yaal oxe xe sakaa qas took lanq ke: O tew oxe na waaƭataa o koor oxe.

Heseki’el 23:4

Taaw fee Ohola a ne’e, o ndeɓ um a ne’el Oholiba. Mi jeg’u a den. A ndima xa ƥiy xa koor fo xa tew. Ohola refu Samari, soo Oholiba a ref Yeerusaleem.

Hoose 4:13

Kaa sadaxtaa took xa cul axe na xa coong axe, a ndoxaa cuuraay took a ñaang ake, ɗuga ngariñ, poopilye fo mbudaay, yook den a ƥuuɓna yem. Ten taxu xa ƥiy xa tew axe nuun xan a njaga’ik, rew we na xa ƥiy nuun a seeqaa.

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

Haahate we 2:17

Kaa koy, Ii-isra’el we nan-gilooxee sax haahate we den, yaam a ngore’aƭar no Yaal oxe, a ngungaa mbaambir roog lakas. A ƭapa no ñofu a ƭat ale daan we den a ndeefoogna, too nananee kebil ke no Yaal oxe nen a den.

A kim a tedu ke 106:39

A pi den a nqoolaƭaranda a den, ye da ngore’aƭarna no Yaal oxe.

Esayi 57:3

«Matiidyo mene, nuun lakas we, xa ƥiy no tew o naq oxe nu ndefna, xeet fa mbeefes fee fo fa njaga’u fee.

Heseki’el 16:35

Ten taxu, wo Yeerusaleem, a caga le, nan-gilooxi fa lay fee no Yaal oxe!