Yeremi 3:25 - NQAARIIT NE ROOG

²⁵ Fat i mbondoor gaci in, o niwaƭarel a hul a in, yaam kaa i tooñ o Yaal oxe Roog in, in fo daan in, no kaa xotitna no ndeƥandoong in boo no ñaal nene. I nan-giloox’ee o ñuxur no Yaal oxe Roog in!»

Yeremi 3:25 Referans Kwoze

Yeremi 22:21

Lay’aam fa wo yaaga dara jaaxɗandirang, ndaa o doonaam ee: ‹Nan-gilooxkiim.› Keene refu a pesoorooƭ of no kaa xotitna no ndeƥandoong of, yaam nan-gilooxiro o ñuxur es.

Yeremi 2:26

Ne o kuuɗ oxaa beteena a sedtaa, neene we na xeet fee Isra’el a seditkaa, den fo maad den, kelfa den, saasadax den fo duleer den.

O leetar ole Pool a bindna GIMU WE NGENNA ROM 6:21

Xar keene a rimu na nuun boog? Dara, a refangeerna gaci, yaam muj no keene fop fa nqon soom oo.

Dañel 12:2

Mayu no we na ƭaanaa kam lanq ke xan a yokoox, leng we a ndet no ñoow o fagkeer olaa, lakas we a ndet na gaci faa, a sibdel boo faw.

Heseki’el 36:32

Refee yee nuun taxu um fesoorkaa neene, andeenoo. Mi o Yaal oxe na refkaa boo faw layun. Sedyo too seeƈaar na pesoorooƭ nuun, nuun mbind Isra’el.

Heseki’el 7:18

Xan a nderoox xa saaku, soo diid a dam a den. Xan mukit ke fop a seeƈaar, a qoox ake den fop a ƥuurel.

A ƭomatax ake 5:16

O ndip onqe no xoox in a yena! Sabab took in, yaam i mbakaada!

A ƭomatax ake 5:7

Daan in mbakaadu, ndaa maadatee, soo i ngomaa coono ke no njofaƭar den.

Yeremi 6:26

O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Yeremi 2:2

«Reti o yegin a Yeerusaleem kene: O Yaal oxe kaa tee: Kaam wetandooxaa ne gore’it’oona na mi, ye o refaa o ndeɓandoong, ne bugit’axamoona ye o refaa o toog es, ne reeftoogaxamoona na koƥ-a-ƥor alaa, no jegel olaa dara a saxkeerna.

Esayi 50:11

Nuun fop koy we na oraa o dox ole fo nuun we ƥonooxna a kas fiɗel, keeke na cungaa a nuun: A aal ake na fiɗel le nuun fo a kas fiɗel ake nuun refu muj fee o Yaal oxe a geekanna a nuun. Xan nu ñaat took fa lanq.

Esayi 48:8

Kaa sax nu mosiran o nan, nu mosiran o and, too mosee o rok no yul nof nuun, yaam and’aam ee hoohod nu ndefu. Naa nu ndime, kaa nu nqoyeel gore’aƭaru we.

Xa peƭit axe 5:13

Xar taxu nan-gilooxiim o ñuxur no jaajangin es, fañ o rung nof es no we aqatinoogaxama?

A kim a tedu ke 109:29

We na njambaxam xan a neewandel, gaci a muur a den nen pay.

A kim a tedu ke 106:7

Ye daan in a ndeeƭna Misira, comlaand ke no Yaal oxe ngaal’ee a den, da mbeecit o mbeq um o njegee hap. A siiknoora fo ten paam a Kal alaa no xeet laa,

Haahate we 2:2

too nuun oo, nu ngiɓoorkee fo we ngenna no saax leene too xan nu luƈit xa sadaxand axe den.› Kaa koy, nu nan-gilooxee o ñuxur es! Xar taxu nu mbi keene?

A kim a tedu ke 106:6

I mbakaada nen daan in, mbesoor naa faaxeerna, too a qaw ale a hela a in.

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Yeremi 8:14

Xar taxu i moof a moof a ƥor? Mbokatooryo kañ, i ndet no teeru cegu saŋe ke, ndax i saŋkoor maaga! Yaam o Yaal oxe Roog in took o saŋik a in a jofu, a yernoor a in foofi laa jegna ndoxar, yaam i mbakaada no Yaal oxe.

Yeremi 14:7

Ke tooñ ke in a njambaa a in fop oo, fi’i tig yaam gon of, wo o Yaal oxe yaam ngore’aƭar ne in a maya lool, i mbakaada na wo.

Yeremi 14:20

O Yaal oxe, i anddilooxa kañaan in, tooñ ke no daan in, yaam i mbakaada na wo.

Yeremi 20:18

Xar taxu boog um sutoox no fud ya es, ndax um ñoowaa no coono fo na naqad soo xa yeng es a muukooraa gaci?

Yeremi 31:19

A cinj ye i mbesoonga a cinj, i ndicooxa, a cinj ye i anddilooxna tooñ in, i ndiqooxa no kang. Kaa i sed, seeƈaar yaam ke i mbi’na no ndeƥandoong in.»

Heseki’el 2:3

A layaxam ee: «Wo fee o ƥiy no kiin, mexe lulang me no Ii-isra’el we, xeet fa mbaafañ feene siiknoorna fa mi. Boo xaye, den fo daan den kaa ngodaam.

Xa peƭit axe 13:18

Ndool fa gaci ndefu a las no xe na fañaa yarel, oxe a ƭat um a yongna no soqanqol o mat kaa niweel.

Yeremi 7:19

Kaa koy, mi o Yaal oxe kaam laamtaa: Ndax mi a mbuuxnooraa? A qoox den kañ a mbi’aa, too gaci den a qicaa.»

Yeremi 9:18

Yaam o ñuxur ƭomatax a nannoorta Siyoŋ ee: «Cey, i ngefe tuƈ! I njega gaci fa ƭomu, yaam i mbara o nqaƴ saax le, kenand ke in a mbaytel.»

Yeremi 11:13

Yaam wo Yudaa, jegaa roog kaa mayitna nen teeru ke wo. Wo Yeerusaleem, xa sadaxand gaci xe sipoona kaa mayit nen ped ke wo, xa sadaxand axaa Baal a doxanteel cuuraay.

Yeremi 12:13

Bele a nduuf’u, ndaa takar-ñiig a saxadaa. A paanga doole den na xa koɓong. Njegyo gaci boog no ke nu saxadna, yaam fuux ɗomu le mi.»

Heseki’el 44:13

Matiidkiraam ndax da mbadnanaam calel no saasadax, kaam ee matiidkatee tig oo tig tedu ke mi, tig oo tig ke mi moƴna o ted. Xan a ngadoox gaci den fo cednooxu ke da mbi’na.

Hoose 9:10

O Yaal oxe kaa tee: «Ga’aam a Isra’el nen xa biiñ kam a koƥ-a-ƥor, ga daan we nuun nen xa tun xa peraand. Kaa koy, ye da mbadiidna Baal-Pe’oor rek, a soobooxa no mbaɗooxaa a Baal fa sednooxu feene, soo a ndefat cednooxu den fa qoox den nen o fes den oleene.

Sofoni 1:17

O Yaal oxe kaa tee: «Xam ɓek wiin we na naqad, soo da ñaaƴtaa nen fuul, yaam kaa mbakaad na mi, mi o Yaal oxe. Fo’oy den xan a ɓaxtel nen fo ut, xa tal den a luuñaa nen ndoƭ.»