Yeremi 3:23 - NQAARIIT NE ROOG

²³ No ndigil, ke na hatiidaa na ñaang ake xa maaƥ xa ƥor oo, combol ɓor na fi’eel took xa coong axe. No ndigil, no Yaal oxe Roog in a muc ale Isra’el a refu.

Yeremi 3:23 Referans Kwoze

A kim a tedu ke 3:8

O Yaal oxe, inooxi! Roog es, muclaam, wo fee na faɗaa fañ we mi fop soo ɓolaa a ñiiñ no soxodu we.

Esayi 12:2

Roog fee muclaxama oxey. Hoolooxaanum, too diidkatiim dara. O Yaal oxe refu doole es, too ten soom um gimaa, ten fee o Muumucil es.»

YEGIL MBAAX NE YEESU ne Saŋ a bindtuuna 4:22

Kaa nu mbaɗooxaa kaa nu andeerna, in koy, ke i andna i mbaɗooxaa, yaam a muc ale no Yaawuur we a hatu.

Hoose 1:7

«Kaa koy, xam yirim mbind Yudaa, mucil a den, mi o Yaal oxe Roog den, ndaa muclitkatiim a den a qali mbaat laƥ mbaat xire mbaat pis ke mbaat ŋaaŋaay pis we.»

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Yeremi 17:14

Wodandaam, o Yaal oxe, too xam wod, muclaam, too xam muc, yaam wo soom um simataa.

Yeremi 14:8

Wo fee refna yaakaar Isra’el, o Muumucil um yaa fa naqad fee, xar taxu o ref nen o kenar kam saax le, nen o ñaañaaƴ oxaa ɗapiidna, ndax ta fe doŋ?

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Esayi 63:16

yaam wo refu Faap in. Abraham fee o taan in andee a in, too Isra’el andee dara na in, ndaa wo o Yaal oxe, wo refu Faap in, wo xe ne’eena yaaga boo fa ndiik «o Baawat in».

Esayi 63:1

Ndi an oo o ñaañaaƴ oxeene na inoortiidaa Edoom, a sutoortiidaa Bosra refna teeru fa maak fee, toki ke a yaxig coy? Kaa rokoox sabadoor um, a ñaaƴaa o cok um took soo a hooloox doole um. «Mi fee na layaa cofu yoo soo jeg sañ-sañ o mucil.»

Esayi 45:20

«Mbokatooryo too ngar. Matiidyo nuun fop, nuun we ƥostooxna ndeer a saax ake. Dara refee na qoox no we na ƥislooxaa pangool kaa ndefna a teex, a ƈufginooxaa a roog faa waageerna o mucil.

Esayi 45:17

Kaa koy, o Yaal oxe xan a mucil xeet fee Isra’el. Xan a muclel boo faw. Nu sedkee muk mbaat nu niwaƭarel.

Esayi 45:15

Wo Roog fee Isra’el na muclaa, no ndigil Roog fa kunpa’u refo.

Esayi 44:9

We na sexaa nitaal ndefee dara, too calel ke den a mos mos ƭaxee dara. Den ndefu seede den, seede waa mbaageerna a ka, too o and refee na den. Ten taxu yoo xan a sed ɓot.

Esayi 43:11

Mi doŋ, mi refu o Yaal oxe, too jegee o muumucil o lakas, a refangee mi.

A kim a tedu ke 62:7

Ten soom refu ɓil es fo a muc es fo saŋe es, naagiim o sendaa.

Xa peƭit axe 21:31

Pis kaa humneel yaa fa xire, ndaa o Yaal oxe na cooxtaa o ndam onqe.

Yeremi 17:2

Neene, xa ƥiy den xan a mbetandoox xa sadaxand axe den fo xa taaƴ axe da lupanna a Asera paam taxar saqtu ke, took a ñaang a ciig ake

Yeremi 31:7

Yaam keeke o Yaal oxe a layu: «Soroxole’anyo a Yakoob, ƈeelan oxe adooxanna qeet ke. Njibinyo xa ñuxur nuun, simat too lay ee: ‹O Yaal oxe a mucla xeet um, we yoqna na Isra’el!›

Esayi 10:20

A koom, yoqatin we Isra’el ndefna we mucna no mbind Yakoob sereƥooxkatee no xe ñaatlandoogna a den, ndaa xan a sereƥoox fo a koolax a teyu sik no Yaal oxe refna o Tedu xe Isra’el.