Yeremi 3:22 - NQAARIIT NE ROOG

²² Nomtooxiidyo me mi, nuun xa ƥiy xa kore’aƭaru xe, too xam wodand a nuun no ngore’aƭar nuun.» Xeet fee a doona yee: «In wey ngaraa me wo, yaam wo refu o Yaal oxe Roog in.

Yeremi 3:22 Referans Kwoze

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Hoose 14:4

Asuur mucilkee a in, i ngoolooxkatee pis too i laykatee ke xa ƥay in a njalna yee: ‹Roog in!›, yaam me wo soom o waan ole a daawtaa o mbeq.»

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Hoose 13:4

O Yaal oxe kaa tee: «Mi refu o Yaal oxe Roog nuun sutitna a nuun Misira. Nu andee a roog fa lakas faa jolna mi, too jegee o Muumucil oxaa refeerna mi.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Yeremi 30:17

yaam xam nomtong no wod-fo-ɓaal, wodand a uut ake wo, wo Siyoŋ, wo fee na xoyeel ‹o tew o buuse xe›, a ƭat no leng a yongeerna. Mi o Yaal oxe layun.»

Yeremi 31:18

Nanaam a paax we Efrayim da ƭomatooxaa yee: «Yaraa a in, too i yarte nen o xeel o sufaru. Nomtiidi a in me wo, too xan i nomtooxiid me wo, yaam wo refu o Yaal oxe Roog in.

A kim ale na kim ake 1:4

Damaam o ɓay, i ƈufloox! Wo o maad es, ɓekaam na ndok of. Xam ref no ɗaay, felakinoox yaam wo, kañ mbug of ne moƴna biiñ, yaam o bugong a ƭat oo.

Hoose 14:8

We moofoogna no yook um xan a nomtooxiid. Xan a ñoowdandatin bele fee, a mbiɗit nen ndaxar biiñ soo a njeg gon nen biiñ fee Libaŋ.

Yeremi 33:6

Ga’angi, xam dakin a Yeerusaleem no wod-fo-ɓaal um, ci’in cer ƥutu um, kaam ee xam wodand we ngenna teen ceŋ. Xam feeñil a den jam fo o woor boo ta dey sik.

Esayi 27:8

Ha’aa, ndaa a raxa a den, a sut a den saax le. Neene a xawtu a den. A koom alaa fo a und ale no batand, a raxta a den haaƭ jegu doole le ten.

Esayi 1:2

Asamaan, nan-gilooxi, lanq ke, mbetyo nof nuun, yaam o Yaal oxe na layaa: «Yaraam xa teɓandoong, fi a den maak, ndaa a siiknoora fa mi.

Esayi 57:17

Fuuxan’aam a Isra’el yaam tooñ ke ten fo a yuxum um. Xawaanum kam fuux es, ɗasnin mukit es, ndaa ta maad no ngore’aƭar rek, a reefan a yuxum xeeñ um.

Yeremi 3:12

Reti falaloox farna fo ɓemb-roog o janoon ee: ‹Nomtooxiidi, wo Isra’el fa ngore’aƭaru fee! Fuuxankiroong, yaam kaam may yirmande. Naagiim o geekaa fuux es boo cay. Mi o Yaal oxe layun.

Yeremi 4:1

O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Esayi 31:6

Nuun Ii-isra’el we, nomtooxiidyo me no xe nu mbes’ina a cinj tigi.

Heseki’el 18:30

Ten taxu xam hate a nuun, nuun mbind Isra’el, oxuu refna na pi um. Mi o Yaal oxe na refkaa boo faw layun. Nomtooxiidyo too mbes a cinj a pi a paaxeer ake nuun, ndax a panq akaa na mbakaadnooraa a nuun njegkatee.

Hoose 14:5

O Yaal oxe kaa tee: «Maaga, xam supit o ñak o damax den. Xam jegood na den o mbeq o saƭku, yaam fuux es na den a ɓoosa.

Yowel 2:12

O Yaal oxe kaa tee: «Nomtooxiidyo me mi na qeeñ nuun fop, yaam a waagooxa boo fa ndiik. Ngooryo, lool soo ƭomatoox.»