Yeremi 3:21 - NQAARIIT NE ROOG

²¹ O ñuxur ole nannooxaa took xa coong axe naangna halit: Ii-isra’el we yoo, na loolaa soo a ƈufginooxaa, yaam kaa ƭap a ƭat den, a mbeecit o Yaal oxe Roog den.

Yeremi 3:21 Referans Kwoze

2 Korint 7:10

Yaam naqad fee inoorna na Roog kaa gartaa o fes pakaad a cinj na ɓisaa na muc ale, too ricooxkaand boo muk. Naqad fee na adna fee koy, fa nqon soom a rimaa.

Yeremi 31:9

Xan da nomtooxiidaa a loolaa, a nqeɗaa, too xam ɗoxaa a den, ɓakand a den farna fo a ƈufnand foofi ke, da nqot a ƭat a cagu laa da tolofitkeerna, yaam kaam ref faap Isra’el, soo Efrayim a ref taaw es.»

Yeremi 3:2

Deɓi a kid of farna fo xa coong axe naangna halit too ɗeet, ndax a jega teen maa wondoortaandee’oona. Kaa o moofoogu na ƭat ake, cungaa a den, nen o molaan kam a koƥ-a-ƥor, na cungaa kaa ta damna. Xoolaƭarandtaa saax le njaga of fo a pesoorooƭ of a paaxeer.

Yeremi 2:32

Ndax o njaaƈ o ndoog a naaga weecaa kelax um, mbaat o kulook a weec o qap um? Xeet es o mat a mbeecaxam, yaa leng a andeerna.

Esayi 17:10

Kaa o weec a Roog fee na muclang, too wetandooxiro ɓil le refna ndaɗand of. Ten taxu o jimbanaa pangool ke taxar pelu, saxnanaa a den taxar biiñ.

Esayi 15:2

We ngenna Diibon owe ŋaayaa na ñaang a sadaxand ake, ndax da loolit maaga. Mowaab oxe ɗomatooxaa yaam teeru fee Nebo fa fee Medeba. A qoox ake fop a nduuse, xa taatam axe fop a mboyel.

Mise 3:9

Nuun kelfa ke no mbind Yakoob, nuun gelwaar we no mbind Isra’el, nan-gilooxyo kene: Kaa nu sib o cofel ole, ƭapaa fop ke refna a ƭat.

Hoose 13:6

Kaa koy, ye nu mbadiidna na xa suufand xa quƥu sap axe, nu ñaama boo ngiñ, kaam ee nu ñaama boo ngiñ, xeeñ nuun a magnandoox soo nu mbeecaam.

Hoose 8:14

Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Heseki’el 23:35

Ten taxu keeke o Yaal oxe na refkaa boo faw a layu: Feek kaa o weecaam, fesaam ndiiñ, wo itam gadooxi coono ke no njombe of fo no njaga of.»

Heseki’el 7:16

We mucna na den xan a ƥostoox, a ndet took xa coong axe, nen a qoɗoxoñ akaa na ŋuuraa kam a yulanq ake.

Xa peƭit axe 19:3

O fanxoy no kiin kaa ɓekan no coono, soo ta fuuxan o Yaal oxe.

Xa peƭit axe 10:9

Oxe na fi’aa qoolu kaa ñaaƴaa fo o woor, oxe genna na luq-luq o mat xan a mos o weej.

Ke bindeena no xe ne’eena YOB 33:27

Maaga, xan a xaan mbaambir no fop ee: «Bakaad’aam, ɗap a ƭat ale, ndaa Roog dooniraam ke helna na mi.

A lim ale 22:32

Malaaka fee a layaan ee: «Xar taxu o xaw o faam ole wo boo a caf a tadak? Kaam gar, ndax um xañtong o suur, yaam a ñaaƈ of alene, o Yaal oxe yoonee teen.

Esayi 57:11

Ndi an saɗaroogo boog, an fit’o boo a tax o maaɓaxam, fañ o xalaatataam soo weecaam? Andum ne maar’uuma o don es yaaga boo fa ndiik taxu saɗariraamo.

Yeremi 7:29

Nuun xeet fee Yudaa, nduusyo a biil a ciig ake nuun na laltaa a ƥoxotax nuun no Yaal oxe, ndeɓ a den! Yoɗyo a kim a ƭomatax took xa coong axe naangna halit, yaam o Yaal oxe kaa sib too a deɓ suk ne mbuuxnooruuna.

Yeremi 12:12

Yaayaq a mbadiida took xa coong axe fop naangna halit kam a koƥ-a-ƥor ale. Laƥ ne mi xe saŋkaa saax le, a xotit no cat boo no cat, too waasee o leng.

Yeremi 13:25

Keeke refu muj of, wo Yeerusaleem, a las ale naqanoonga, mi o Yaal oxe, yaam kaa o weecaam soo hooloox xa maaƥ.

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.