Yeremi 3:20 - NQAARIIT NE ROOG

²⁰ Kaa koy, ne o tew oxe a hodtaa o kor um, neene nu ngodtaxam, nuun mbind Isra’el. Mi o Yaal oxe layun.

Yeremi 3:20 Referans Kwoze

Esayi 48:8

Kaa sax nu mosiran o nan, nu mosiran o and, too mosee o rok no yul nof nuun, yaam and’aam ee hoohod nu ndefu. Naa nu ndime, kaa nu nqoyeel gore’aƭaru we.

Yeremi 5:11

Yaam mbind Isra’el fo mbind Yudaa a ngodaxam tigi.» O Yaal oxe layun.

Malaki 2:11

Wiin we no maat ne Yudaa a ngore’aƭara, too cednooxu mayu a mbi’e kam Isra’el fa Yeerusaleem. Goor we Yudaa a ndolnira fo roog waa na mbaɗooxaa a roog fa lakas, too neene a tooña o mbiñ o tedu nqe o Yaal oxe a fexna.

Hoose 6:7

Nuun koy, nu ƭega ngiɓoor ne nen a Aadama, nen o ten o mat nu ngodtaxam.

Hoose 5:7

A ngoda o Yaal oxe, yaam kaa ndim xa ƥiy no qooleer. Ndiiki koy, o nqool o leng soom xan a dey, ndax da saŋkel fo o jeg den fop.

Hoose 3:1

O Yaal oxe a layaxam ee: «Retahini, o bugir fo o tew oxeene jegna xa pes too a seeqaa. Bugteen ne bugtuuma Ii-isra’el we, mi o Yaal oxe, ke da ngeleerooxaa farna fo roog lakas ke fop oo, a mbex o ƥoxotaa a den xa kaf xa tim biiñ.»

Esayi 24:16

In we nanaa a kim a inooru no cat adna yee: «O cofu xe a ɗaaya.» Mi o mat, kaam lay ee: «Kaam fag! Kaam fag tak! Sabab took es!» Hoohod we owe ngodaa, owe ngodaa tigi, oxuu moƴuuna waag o kend um, oxe fi’an.

Yeremi 12:1

O Yaal oxe, kaa o jof bo ta hup, ndax um ñimatir fa wo. Yaqanee koy, bugaam o lay fa wo kaa jofna no kate of: Xar taxu a ƭat ale no soxodu we a xenaa, hoohod we fop a ñoowaa na jam?