Yeremi 3:2 - NQAARIIT NE ROOG

² Deɓi a kid of farna fo xa coong axe naangna halit too ɗeet, ndax a jega teen maa wondoortaandee’oona. Kaa o moofoogu na ƭat ake, cungaa a den, nen o molaan kam a koƥ-a-ƥor, na cungaa kaa ta damna. Xoolaƭarandtaa saax le njaga of fo a pesoorooƭ of a paaxeer.

Yeremi 3:2 Referans Kwoze

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Yeremi 2:7

Ɓisiidaam a nuun no saax jaɓu taxar, ndax nu ñaam teen xa tim axe moƴna o mbel. Kaa koy, ye nu mbadiidna, nu nqoolaƭaranda saax es, o jeg es nu mbi’in sibdel.

Mberaand 38:14

Maaga, Tamaar a dalfooxa o wol toki ñaawoor ke ten, a muuroox a muxil, a ñiroox soo a moof no ndokand ne Enayiim na ƭat ale Timna. O nanangaan koy, kaa ga’’u yee Seelax a maaka, too ci’aand o ten, a dolooxankin.

Yeremi 3:1

O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

A cangatin ale 12:2

«Fat nu moocand fo mbiñ ne qeet ke nu ndaxkaa a mbaɗoortoogna roog ke den, ta ref took xa cul axe na xa coong axe, took a ñaang ake fo yoora ndaxar saqtu nuu refna.

YEGIL MBAAX NE YEESU ne Lik a bindtuuna 16:23

Kam jaaniif, a coono’ooga lool. Maaga, a ƴooka a Abraham koƭu ta ɓop a Lasaar.

Heseki’el 16:16

Xotaa no ñirax ke wo, ño’in a den, ndax o mosandit a den a ñaang a sadaxand ake wo, soo jaga’it teen. Nandu neene mosee o jeg, too jegkatee muk.

Yeremi 7:29

Nuun xeet fee Yudaa, nduusyo a biil a ciig ake nuun na laltaa a ƥoxotax nuun no Yaal oxe, ndeɓ a den! Yoɗyo a kim a ƭomatax took xa coong axe naangna halit, yaam o Yaal oxe kaa sib too a deɓ suk ne mbuuxnooruuna.

Yeremi 3:21

O ñuxur ole nannooxaa took xa coong axe naangna halit: Ii-isra’el we yoo, na loolaa soo a ƈufginooxaa, yaam kaa ƭap a ƭat den, a mbeecit o Yaal oxe Roog den.

Yeremi 3:9

Na pexey a pi a qoƈu ke ten Isra’el a xoolaƭaranda saax le, a faɗooxaa roog a ƥil ke fo ke na teex ake, a gore’aƭar na mi.

Yeremi 2:23

Nam saɗo o layit ee: ‹Xoolaƭarandooxiim, reefiim a ƭat ale Baaliin?› Ɗeeti ne o ñaaƴtaa na yulanq ale! Anddilooxi ke fi’oona. O ga’angaang ee o ngeeleemb o ndew onqaa na ƴufaa o saax oo saax.

Xa peƭit axe 23:28

Kaa ɓengaa nen o ƭeg, soo a ɓekaa goor jaaku no ndamooxaƭar.

Xa peƭit axe 7:11

Kaa fodaƭar o mbid, a yuxum a adnin, ta ɓodax o jaf.

2 Maad we 23:13

O maad oxe a maasanda a ñaang a sadaxand ake njasnoor’ina fa Yeerusaleem, a ngarit o joong ole na Yaq fee no ɓemb-roog o ñamaak, too Salomo fee reeƭna o maad Isra’el a maxan’un a Astarte, roog fa njakalaaru fee no Siisidoŋ we fa Kemos, roog fa njakalaaru fee no Moomowaab we fa Milkom, roog fa sednooxu fee no Aa-amon we.

1 Maad we 11:3

Neene, Salomo a jeg’a rew lingeer teemeed ɓetuu ƭik fo keƈ-a-salma teemeed tadik. Rew weene mat ƈax’un nof.

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

A kim a tedu ke 106:38

A ƥaxa fo’oy le no caambuur ke, fo’oy le na xa ƥiy den xa koor fo xa tew, sadaxeena pangool ke no Kaakanaan we, too saax le a maasandte a bar.

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Yeremi 12:12

Yaayaq a mbadiida took xa coong axe fop naangna halit kam a koƥ-a-ƥor ale. Laƥ ne mi xe saŋkaa saax le, a xotit no cat boo no cat, too waasee o leng.

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.