Yeremi 3:19 - NQAARIIT NE ROOG

¹⁹ O Yaal oxe kaa tee: «Cey, ndaw ne bugit’uuma o fi’ong nen o leng na xa ƥees, soo ci’ong saax laa felna bo, lam ne moƴna faax na adna fee fop! Kaam foog’u yee: xan o xoyaam ‹Faap es›, feskatiraamo a cinj muk.

Yeremi 3:19 Referans Kwoze

Yeremi 3:4

Ndiiki koy, saɗaxamo o falaloox ee: ‹Faap es, wo refu xaariit es no ndeƥandoong es.

Yeremi 31:9

Xan da nomtooxiidaa a loolaa, a nqeɗaa, too xam ɗoxaa a den, ɓakand a den farna fo a ƈufnand foofi ke, da nqot a ƭat a cagu laa da tolofitkeerna, yaam kaam ref faap Isra’el, soo Efrayim a ref taaw es.»

Esayi 63:16

yaam wo refu Faap in. Abraham fee o taan in andee a in, too Isra’el andee dara na in, ndaa wo o Yaal oxe, wo refu Faap in, wo xe ne’eena yaaga boo fa ndiik «o Baawat in».

Hebre 10:39

In koy, i mbogee no we na nomtooxaa a cinj soo a mo, ndaa no we njegna o ngim onqaa mucilna a den i mbogu.

Efees 1:5

Roog kaa yuuɓ’u yaaga yee xan a fi a in xa ƥeem ŋaƈit na pexey Yeesu Kiristaa. Keene kaa reeƭu ke ta bugna fo ke feluuna.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Dañel 11:45

Xan a sip ƭiif no maad ke ten ndeer o maag ole fo o joong o tedu le no saax le moƴna o mos. Maaga o mat a saayitkaa, too o leng dimle’kiran.»

Dañel 11:41

Xan a song saax le moƴna o mos, too xan mayu no saax leene a mbarel. Kaa koy, Ee-edoom we fo Moomowaab we fo moƴ-o-jaak ole no Aa-amon we xan a muc no ɓay um.

Dañel 11:16

O maad oxe no ɓemb-roog o janoon songiidna xan a fi kuu feluuna, too o leng waagkiran o xox. Xan a dal no saax le moƴna o mos, a yaqaa retaa.

Dañel 8:9

O njan o ndutuuñ a saxta no leng na den, a maakit farna fo ɓemb-roog o ñamaak, farna fo batand fo farna fo saax le moƴna o mos.

Heseki’el 20:6

A koom, daaɓooxaam fa den fo o ɓay es took ee xam sutit a den no saax laa Misira, ɓis a den no saax laa horooxan’uuma a den, saax laa fo sis fo suum a ndaxritaa, le moƴna o mos na saax ake fop.

Yeremi 31:20

O Yaal oxe kaa tee: «Ndax Efrayim kaa refee o ƥees onqe fexuuma fex, o njaaƈ onqe na ɗaaynooraxam? Nuu um maaltan, kupun moƴanum o wetandooxaa. Ten taxu kam es a dala no ten, um yirmin tigi.»

Yeremi 12:10

Gaynaak mayu a nduudna a ƭing taxar biiñ ale mi, a nduut o qol ole mi, o qol o yaawnooxu le mi da mbi’in nen a koƥ-a-ƥor.

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Esayi 64:8

O Yaal oxe, ba o fuux bo ta ɗom, too ba o gen no wetandooxaa tooñ ke in. Koo dami rek ee in fop xeet of i ndefu.

Xa peƭit axe 3:35

We njegna yiif xan a niwel, ndaa panxoy ke o mat, gaci refu a las den.

A kim a tedu ke 106:24

Mbug’atee o and dara no saax felu le, yaam ngim’ee ndegit ne no Yaal oxe.

1 Piyeer 1:17

Oxe na hate’kaa wiin we fop, oxuu refna no ke ta fi’na, too jegee camit, kaa nu nqoyan «Faap» kam a qeƭ nuun. Ten taxu koy, ñoowyo no saɗar a Roog, no ngap onqe nu maadkaa o ndefaa na adna fee.

A kim a tedu ke 16:6

A las ale jeguuma kaa mos bo, lam ne daawuuma jegee sen.

A kim a tedu ke 89:26

Xam ci’in sañ-sañ took o maag ole, a ñamaak um a hame xa quluɓ axe.

Yeremi 3:17

Maaga, Yeerusaleem xan a xoyateel ‹uum-maamaad le no Yaal oxe›. Qeet ke fop xan a mbokatoor Yeerusaleem, ndax da mbaɗoox o Yaal oxe, too xan a mbaas o nqox no saƭik xoox ole den.

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

A cangatin ale 14:1

«Xa teɓandoong no Yaal oxe Roog nuun nu ndefu! Yaaga boog o xaaraand a jegangaa, ba nu ñaasoox, too ba nu nqanqoox no ƭuf itam.