Yeremi 3:17 - NQAARIIT NE ROOG

¹⁷ Maaga, Yeerusaleem xan a xoyateel ‹uum-maamaad le no Yaal oxe›. Qeet ke fop xan a mbokatoor Yeerusaleem, ndax da mbaɗoox o Yaal oxe, too xan a mbaas o nqox no saƭik xoox ole den.

Yeremi 3:17 Referans Kwoze

Heseki’el 43:7

O Yaal oxe a layaxam ee: «Wo fee o ƥiy no kiin, meeke refu o mbiñ onqe no uum-maamaad es, o mbiñ onqe um dakkaa o jaf es. Xam gen teen boo faw a ndeer Ii-isra’el we. Mbind Isra’el fo maad we ten ndoɗganditkatee muk gon tedu le mi njaga ne den fo xa tal axe no maad we den took a ñaang a sadaxand ake den.

Yeremi 17:12

Uum-maamaad jegu o ndam le, yoɗeena no ke xotitna no mberaand naa, refu o mbiñ onqe no faɗoorand ole in.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Yeremi 11:8

Kaa koy, nan-gilooxee, ndungee nof den. Kaa nqox no saƭik xoox o faaxeer ole den. Maaga, fadnaam took den a maƭax es fop, yaam ndeefee bargal ke no ngiɓoor neene hebil’uuma a den.»

Esayi 66:20

Xan a nomtiid fog we nuun fop ndeeƭna ndeer a saax ake fop. Xan a ƥistiid a den pis mbaat a sareet-xire mbaat a sareet a ƭiife mbaat koŋka mbaat keeleemb boo no joong o tedu le mi refna Yeerusaleem. Keene o Yaal oxe a layu. Keene na refkaa sadax den fa mi, too xam jaɓin nen sadax tuufe-duufe kaa Ii-isra’el we a ƥisiidaa kam Ngenand ne mi na xa ƥaxañ axaa nqoolandeena.

Esayi 56:6

Xa kataakoon axe ndamooxna na mi o mat, mi o Yaal oxe, ndax da niwaam, a mbex gon es, a ndef dag es, a niw a paax bes fee na ñootnax ale soo a ndamoox no ngiɓoor es,

Galati 4:26

Yeerusaleem faa took koy, refee o paɗ, too ten refu ya in,

O leetar ole Pool a bindna GIMU WE NGENNA ROM 1:21

yaam kaa da and a Roog boo a ƈut, soo a mbañin o ƥoxot o ndam nen a Roog, ne’katiim koy da ngidman. Kaa kuuc, a mo mir kam a qalaat den, soo a qeeñ den ake mbofeerna o and o leng, a ndiim kam o niɓaan.

Yeremi 31:23

Keeke o Yaal oxe Roog fee Isra’el Hupna fop a layu: «Keeke na laykahineel kam saax le Yudaa fo kam teeru ke ten, yaa um nomtiidkaa we ƥiseena gilaa saax took o hup doole na den: ‹Yaasam o Yaal oxe a barke’ong, wo o joong o tedu le Siyoŋ, ngenand o cofel ne.›

Yeremi 18:12

Kaa koy, kaa layaa yee: ‹Ɗaxee dara! Xan i ñoowtaa naa felitna a in! Oxuu refna na in xan a xox no saƭik xoox o faaxeer um.› »

Yeremi 16:12

Nuun koy, nuun moƴu o mbi paaxeer daan nuun. Oxuu refna na nuun oxey a xoxa no saƭik xoox um, a fañ o nan-gilooxaam.

Yeremi 14:21

Yaam gon of, ba o xeef a in, ba o niwaƭar uum-maamaad le no ndam of. Wetandooxi ngiɓoor ne dalnoona fa in, ba o ɗegin.

Yeremi 9:14

Ten taxu o Yaal oxe Roog fee Isra’el Hupna fop a lay ee: «Xam ñaamnoor xeet feene qaaɗu, soo yernoor a den foofi laa jegna ndoxar.

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Esayi 66:1

Keeke o Yaal oxe a layu: «Asamaan fee refu uum es, soo lanq ke a ndef o dakand es. Mbind nandu num nu maxankaxam? Ndi mam na refkaa o ñootnoorand es?

Esayi 59:19

Neene, xan gon le no Yaal oxe a saɗarel no mudand, soo o ndam um a niwel no batand, yaa ta fadiidkaa nen a ƈufnand a paŋe laa a und a balinna.

Esayi 26:8

Wo o Yaal oxe, wo i yaakaaru na ƭat ale no kate ke wo. Ke xa laaw in a mbugna, refu o ne’aa gon of, a ƈufginooxang.

Esayi 6:1

No hiid olaa o maad Usiya a xonna, ga’aam o Yaal oxe a moof took uum-maamaad goƭu took, soo xa noflax axe no sabadoor ne ten a may Mbind Roog ne.

A kim a tedu ke 87:3

Wo teeru fee Roog, ke layeena na wo fop kaa niwnoox: A maaf

A kim a tedu ke 78:8

Neene, nandkee fo daan den, ndefna suk ƥoowu too a nanaƭar, suk naa njegna a yiif-a-ƭak, too a qeeñ den ndamooxee na Roog.

Haahate we 2:19

Kaa koy, o kaahate xe xaa xonaa rek, da moƴ o mo’atin daan den, a ngiɓoor fo roog lakas, a mbaɗooxaa a den soo a ngungaa mbaambir den, a mbañ o mbaas a leng na pi a paaxeer ake den, ne’atiim o saƭik xoox den.

A lim ale 15:39

Boo nu ƭeetaa a tup akeene, xan nu mbetandooran kebil es fop, mi o Yaal oxe, ndeef a den. Neene, nu ndeefkee ke xeeñ nuun a yuxmaa fo ke yulna a kid nuun, too nu njimbooxkee no ngore’aƭar.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.

Heseki’el 1:26

Me yoorooxna a qul aleene garitna a qoox ake den took, a jeg’a kaa na nandtaa ɓil jafeñu laa ne’eena safiir, a saxit nen uum-maamaad, soo took uum leene, kaa nandna nen o kiin a fod took fee.

Esayi 66:18

ten oxe andna a pi den fo a qalaat den. O Yaal oxe kaa tee: «Mexey garaa fokatiid wiin inooru na xeet fuu refna fo na lak fuu refna, ndax da mbuudaa o ndam es.

Yeremi 3:19

O Yaal oxe kaa tee: «Cey, ndaw ne bugit’uuma o fi’ong nen o leng na xa ƥees, soo ci’ong saax laa felna bo, lam ne moƴna faax na adna fee fop! Kaam foog’u yee: xan o xoyaam ‹Faap es›, feskatiraamo a cinj muk.

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

Yeremi 12:15

Kaa koy, a cinj yaa um fuurkaa a den, xam yirmatin a den soo nomtiid a den, oxuu refna no lanq um, oxuu refna no saax um.

Yeremi 12:16

Maaga, a aqatooxangaa a ƭat ake na xeet es, a ndaaɓoorit gon es ee: ‹Ne ta wooritna yee o Yaal oxe xe ñoowaa›, ne da njangnitna xeet es da ndaaɓooraa a Baal, xan a ndalnel a ndeer xeet es.

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Sakari 8:8

Xam nomtiid a den, too xan a ngen kam Yeerusaleem. Xan a ndef xeet es, soo um ref Roog den, no ngor fo no cofel. Mi o Yaal oxe Hupna fop layun.»

1 Maad we 8:41

Fesoori neene itam fo o gataakoon ole fogeerna na Isra’el fee xeet of, yaa ta inoorkaa no saax goƭu yaam gon of,

A kim a tedu ke 102:23

yaa qeet ke a mbokatoorkaa den fop, maat ke a mbaɗooxiid o Yaal oxe.