Yeremi 3:16 - NQAARIIT NE ROOG

¹⁶ O Yaal oxe a layahina yee: «Yaa nu ndimatirkaa, mayat bo kam saax le, a koom arka ne no ngiɓoor ne no Yaal oxe layitkataand. Yiif gomkatiran, wetandooxkataand, xalatooxkataand, too lakas fi’atinkaand.

Yeremi 3:16 Referans Kwoze

Heseki’el 37:26

Xam dalin fa den ngiɓoor jam naa na refkaa boo faw. Xam dalin a den maaga, mayƭand a den soo sip mbind tedu es a ndeer den boo faw.

Esayi 65:17

«Iyo, xam sakatin asamaan fa nqas fo lanq qas. Ke faafna wetandooxkataand muk, yiif gomkatiran sax.

Mace 3:9

Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Yeremi 31:8

Nga’yo, xam nomtitiid a den no saax laa no ɓemb-roog o janoon, fokatit a den no cat ke no lanq ke. A ndeer den xan a jeg fuul fo ɓoof, rew waa mbudna fo waa na ngaajooxaa. Den fop, xan a nomtooxiid mene, a mbi faan maak.

Yeremi 30:19

Xan a simat a yoɗoor a ndeer den, xa ƈeel no we na mbelakinooxaa. Xam mayƭand xeet es, too mbañooxkatee. Xam ɓoxot a den o ndam, too nqeefkataand.

Esayi 61:4

Xan a inatin kefatin ke yaaga, a maxatin pind ke ngef’eena no miñu kaa soo a nqendand teeru ke mbes’ina a pec no suk boo no suk.

Esayi 60:22

A carind ale moƴna o neew xan a ax wiin cuni-cuni, ale moƴna o hees a refat xeet fa njegu doole. Keene um ñofkaa o fi, mi o Yaal oxe, yaa hap um a fadna.»

Mace 1:11

Yosiya a rim a Yekoniya fo xa teɓ um, yaaga ƥisafulaand Babilon took o hup doole.

Sofoni 3:11

«Wo Yeerusaleem, a koom jegkatiro gaci na pi of ake tooñtaxamoona fop. Xam watin na wo we a magnandax a ɗaaynooraa, too ga’atinooxkatiro muk took o joong o tedu le mi.

Amos 9:9

Xam hebil mbind Isra’el a pasarel ndeer qeet ke, ne kaaf a mbiɗteel, too o ngac o leng yuurkee.

Yeremi 31:27

O Yaal oxe kaa tee: «Ñaal key a ngaraa kaa um mayƭandkaa kam maat ne Isra’el fo ne Yudaa wiin fo cegel, ne o qol a mayƭandteel fo ax.

Yeremi 7:4

Ba nu ngooloox fa lay fa maamaaɓ fene: Mene Mbind ne no Yaal oxe a refu, Mbind ne no Yaal oxe, Mbind ne no Yaal oxe o mat oo.

Yeremi 3:17

Maaga, Yeerusaleem xan a xoyateel ‹uum-maamaad le no Yaal oxe›. Qeet ke fop xan a mbokatoor Yeerusaleem, ndax da mbaɗoox o Yaal oxe, too xan a mbaas o nqox no saƭik xoox ole den.

Heseki’el 15:5

Neene, ye ta refaa o muum jaltoogaand tig, moƴtaa sax koy ye fiɗel le a raaɓuuna boo ta dox. Ndax xan a waagel o jaltat tig?