Yeremi 3:15 - NQAARIIT NE ROOG

¹⁵ Xam coox a nuun ɗooɗox waa njagooxaxama, too xan a ƭoxit a nuun o jeg-yiif fo o woor.»

Yeremi 3:15 Referans Kwoze

Yeremi 23:4

Xam sutan a den gaynaak waa na ngaykaa a den. Saɗarkatee, ndiidkatee muk. O leng na den yoqandkatee. Mi o Yaal oxe layun.»

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

Heseki’el 34:23

Xam dalnan a den o kaynaak o leng kut oxaa na gaykaa a den, ta ref a Dawid fee o tag es. Xan a gay a den, a ref o kaynaak den.

Xa peƭit axe 10:21

Fa lay no cofu xe kaa jootnaa wiin mayu, panxoy ke mat a nqonaa yaam o ñak-xoox.

1 Korint 2:6

We o ngim den a deyna koy, o jeg-yiif tigi i mbaare’aa a den, ndaa o jeg-yiif oleene hatee na adna fee, too aa-adax we teen ndalniran, den we na saŋkooxkaa.

Heseki’el 37:24

O tag es Dawid xan a ref o maad den, too xan a njegat o kaynaak o leng kut, ta ref o ten. Xan da nanan kebil es, a ngay ndax da ndeef bargal es.

YEGIL MBAAX NE YEESU ne Lik a bindtuuna 12:42

O Yaal oxe a doonaan ee: «Jawdiin fum gore’u too a ƴiƴ boog, ndax o yaal mbind um a xaƴin fo wiin mbind um, ta cooxaa a den ñaamel, oxuu refna a las um, yaa waxtu fee a fadna?

1 Piyeer 2:2

Nandyo nen xa qeq axaa sogeena o ndim, ñoowtaa fa lay fa nqoolu fee Roog ne da ñoowtitaa fo ɗeen, ndax nu maakaa too muc.

1 Sami’el 13:14

Ndiiki koy, maat of miñkatee. O Yaal oxe a jila o lakas oxaa feluuna no xeeñ um, ndax ta adooxan xeet um, yaam ne nanaƭaroona ke o Yaal oxe a hebloonga.»

Yeremi 31:10

Nuun qeet ke, nan-gilooxyo fa lay fee no Yaal oxe, lambnin na pimb a koƭu ke! Layyo yee: «Oxe pasarna a Isra’el xan a fokatin, a gayin ne o kaynaak a gaytaa o siir um.»

Heseki’el 34:2

«Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?