Yeremi 3:14 - NQAARIIT NE ROOG

¹⁴ O Yaal oxe kaa tee: «Nomtooxiidyo me mi, nuun xa ƥiy xa kore’aƭaru xe, yaam mi refu o Yaal nuun! Xam xot o leng na nuun mene, na teeru nangam, ɗik lakas maana, no ƥasil nangam, soo nomtiid a nuun Siyoŋ.

Yeremi 3:14 Referans Kwoze

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 31:32

Nandkee koy fo ngiɓoor ne dalin’uuma fo daan den, ye pokuuma a den no ɓay, sut a den no saax laa Misira, ngiɓoor es ne da ƭegna, ke refuuma o Yaal den fop oo. Mi o Yaal oxe layun.

Esayi 54:5

Oxe sakoonga refu o kor of, oxe gon um a refna o Yaal oxe Hupna fop. O Tedu xe Isra’el refu o baawat of, ten fee na xoyeel Roog fee no lanq ke fop.

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

Yeremi 3:8

Ke raxuuma rax a Isra’el fa ngore’aƭaru fee fop oo yaam ceeq ke ten soo cooxin a kayit a pinde laa lalitna yee waasaanum, ga’aam ee o pog um o tew Yudaa fa ngoohod fee saɗaree keene too a jaga’ka ten itam.

Yeremi 2:2

«Reti o yegin a Yeerusaleem kene: O Yaal oxe kaa tee: Kaam wetandooxaa ne gore’it’oona na mi, ye o refaa o ndeɓandoong, ne bugit’axamoona ye o refaa o toog es, ne reeftoogaxamoona na koƥ-a-ƥor alaa, no jegel olaa dara a saxkeerna.

Esayi 10:22

Maaga koy wo Isra’el, a soƥangaa sax ee wiin of kaa mayit’u nen pep lanq ke na ƥeeraamb ale no maag ole, o yoqatin o ndutuuñ soom na nomtooxiidkaa. Fa yaq fee a fosooxe, o cofel ole a dalnel.

Esayi 6:13

A yoqahinangaa teen a qaaj xarɓaxayandeer no wiin we, weene yoo xan a mbuuɓel. Kaa koy, ne ngariñ mbaat ndaxar maak lakas a yoqtaa fanq, yaa ta fuuɓeena, neene a yoqitkaa fanq, too teen o fog ole no tedu we a saxitkaa.»

O leetar ole Pool a bindna GIMU WE NGENNA ROM 9:27

A jega kaa Esayi a lambin’ina na xeet fee Isra’el, kaa tee: «Boo andoona sax ee Ii-isra’el we kaa mayit’u nen pep lanq na ƥeeraamb o maag, o yoqatin o ndutuuñ soom na mucilkeel,

Yeremi 3:1

O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

Esayi 17:6

Kisaatooxel soom na yoqkataa teen nen ndaxar oliiw ƥoore. Xa oliiw xa ƭaq mbaat xa tadaq rek na yoqataa na cul ale no ndaxar oliiw neene, soo xa nahaq mbaat xa ƥetaq a yoq na naaq ake. Keene o Yaal oxe Roog fee Isra’el a layu.

Esayi 1:9

Boo o Yaal oxe Hupna fop a wuusan’eerna a in yoqatin, nen a Sodoom i ndefkoogu, nand fa Gomoor.

Esayi 31:6

Nuun Ii-isra’el we, nomtooxiidyo me no xe nu mbes’ina a cinj tigi.

Esayi 57:17

Fuuxan’aam a Isra’el yaam tooñ ke ten fo a yuxum um. Xawaanum kam fuux es, ɗasnin mukit es, ndaa ta maad no ngore’aƭar rek, a reefan a yuxum xeeñ um.

Yeremi 3:12

Reti falaloox farna fo ɓemb-roog o janoon ee: ‹Nomtooxiidi, wo Isra’el fa ngore’aƭaru fee! Fuuxankiroong, yaam kaam may yirmande. Naagiim o geekaa fuux es boo cay. Mi o Yaal oxe layun.

Yeremi 29:14

Xam ga’noox a nuun. Mi o Yaal oxe layun. Xam nomtiid we ƥiseena na nuun gilaa saax took o hup doole, fokatit a nuun ndeer qeet ke fop fo no fo mbiñ ne fop pasar’uuma a nuun. Cinj kaaga, xam nomtiid a nuun no mbiñ onqe ɓisit’uuma a nuun gilaa saax took o hup doole. Mi o Yaal oxe layun.›

Yeremi 31:6

Xan a jeg bes faa yeeyetax we a mbalalooxkaa took xa coong axe Efrayim ee: ‹Inooxyo, i ŋaay Siyoŋ, maa no Yaal oxe Roog in!› »

Yeremi 31:12

Xan a mbadtiid xa soroxole took o joong ole Siyoŋ. Xan a ƥaxooxiid farna fo paax ke o Yaal oxe a jagandanna a den: bele fee, biiñ fa nqas fee, diwliin fee, a ked ake fo xa siir axe. Den fa qoox den xan a nand nen a ƭing alaa sooreena, ŋeesooxkatee.

Hoose 5:15

Xam naag col, ret, nomtoox no ngenand es, boo yaa da njaɓkaa yee den tooñu soo a mbaaƭaxam. Kam naqad fee xan a ƈufginooxaxam ee:

2 Caloori ke 30:6

We o maad oxe a lul’ina a ndeta kam Isra’el fa Yudaa fop, a ƥis xa leetar axe o maad oxe fo kelfa ke a mbind’ina yee: «Nuun Ii-isra’el we, nomtooxiidyo no Yaal oxe Roog fee Abraham fa Isaak fa Yakoob, ndax ta nomtooxiid me nuun, nuun yoqatin we ƥostoorna no ɓay no maad we Asuur:

Esayi 27:12

A koom, xan o Yaal oxe a bac xa yaƥ axe, no kaa xotitna no xuluɓ ole Ofrat boo na ƈufnand alaa Misira, soo nuun Ii-isra’el we, nu ngiseel o leng o leng.

Esayi 44:22

Fortaam njofaƭar of fop nen eel hurdooxu, forit pakaad of itam nen a liim a samu. Nomtooxiidi me mi, yaam mi watong.

Esayi 55:7

Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›