Yeremi 3:13 - NQAARIIT NE ROOG

¹³ Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Yeremi 3:13 Referans Kwoze

Yeremi 3:25

Fat i mbondoor gaci in, o niwaƭarel a hul a in, yaam kaa i tooñ o Yaal oxe Roog in, in fo daan in, no kaa xotitna no ndeƥandoong in boo no ñaal nene. I nan-giloox’ee o ñuxur no Yaal oxe Roog in!»

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Yeremi 2:25

Wo Isra’el, wootooxi ndik o ñaaƴ a caf a ƥor, wootoox a peep of a weer kaŋ! Kaa koy, kaa o doon ee: ‹Ha’aa, waasaam! Fexaam roog can ke too faw um reef a den.›

A cangatin ale 12:2

«Fat nu moocand fo mbiñ ne qeet ke nu ndaxkaa a mbaɗoortoogna roog ke den, ta ref took xa cul axe na xa coong axe, took a ñaang ake fo yoora ndaxar saqtu nuu refna.

Yeremi 3:2

Deɓi a kid of farna fo xa coong axe naangna halit too ɗeet, ndax a jega teen maa wondoortaandee’oona. Kaa o moofoogu na ƭat ake, cungaa a den, nen o molaan kam a koƥ-a-ƥor, na cungaa kaa ta damna. Xoolaƭarandtaa saax le njaga of fo a pesoorooƭ of a paaxeer.

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Heseki’el 16:15

«Kaa koy, kaa o hooloox o mosel of, too o jeg gon of a ɓekaang no njaga, soo o jimboox no ceeq ye refanoona o tak-a-faaf oxuu refna.

Yeremi 14:20

O Yaal oxe, i anddilooxa kañaan in, tooñ ke no daan in, yaam i mbakaada na wo.

Xa peƭit axe 28:13

Oxe na ɗasnaa tooñ um xeniɗkee, oxe na weejlaa pakaad um koy, a fes a den a cinj, xan a waasanel.

Nehemi 9:2

We mbogna na xeet fee Isra’el a saytoor’a fo wiin jan we fop soo a mbaasnoox pakaad den fo tooñ ke no daan den.

Esayi 57:5

Kaa nu sumaa paam pudaay yimbil ke, yoora fop ke saqitna nep. Kaa nu sadaxtaa xa ƥiy nuun no cat ke na ƈufnand ake fo no luf ke na ƥil ake.

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Hoose 5:15

Xam naag col, ret, nomtoox no ngenand es, boo yaa da njaɓkaa yee den tooñu soo a mbaaƭaxam. Kam naqad fee xan a ƈufginooxaxam ee:

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.