Yeremi 3:12 - NQAARIIT NE ROOG

¹² Reti falaloox farna fo ɓemb-roog o janoon ee: ‹Nomtooxiidi, wo Isra’el fa ngore’aƭaru fee! Fuuxankiroong, yaam kaam may yirmande. Naagiim o geekaa fuux es boo cay. Mi o Yaal oxe layun.

Yeremi 3:12 Referans Kwoze

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

A kim a tedu ke 86:15

Wo o Yaal oxe o mat, Roog fa mayu yirmande refo, yaaj kam, muñantaa, may fo o mbeq fo ngor.

Yeremi 33:26

yaaga waagkoogaam o deɓ xa taan axe Yakoob fo axe Dawid fee o tag es, fañat o xotit na xa taan um waa na maadooxkaa took xa taan axe Abraham, Isaak fa Yakoob. Kaa koy, xam nomtiid we ƥiseena gilaa saax took o hup doole na den soo yirim a den.»

Yeremi 31:20

O Yaal oxe kaa tee: «Ndax Efrayim kaa refee o ƥees onqe fexuuma fex, o njaaƈ onqe na ɗaaynooraxam? Nuu um maaltan, kupun moƴanum o wetandooxaa. Ten taxu kam es a dala no ten, um yirmin tigi.»

Yeremi 3:22

Nomtooxiidyo me mi, nuun xa ƥiy xa kore’aƭaru xe, too xam wodand a nuun no ngore’aƭar nuun.» Xeet fee a doona yee: «In wey ngaraa me wo, yaam wo refu o Yaal oxe Roog in.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Yeremi 23:8

Kaa koy, kaa laykateel ee: ‹O Yaal oxe xe ñoowaa, ten oxe nomtitiidna xa taan axe Isra’el no saax le no ɓemb-roog o janoon fo na saax a lakas ake ta rax’ina a den.› Maaga, xan a ngenatin no saax den.»

Yeremi 4:1

O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,

Yeremi 3:5

Ndax xan o dam fuux of boo kili? Ndax xan o geekin boo faw?› Keene o layaa too gen no fi’aa paaxeer, doon teen fakoortan.»

A kim a tedu ke 145:8

O Yaal oxe kaa yaaj kam, a jeg yirmande, a muñantaa soo a may fo o mbeq.

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

2 Maad we 18:1

No hiid o dadkandeer ole no maat Hoose fee o ƥiy Eela kam Isra’el, Hiskiya fee o ƥiy Ahas reeƭatu o maad Yudaa.

2 Maad we 17:23

boo neen o Yaal oxe a deɓu a den maa goƭuuna, ne ta layit’uuna a reefandin no duleer we dag um. Neene, took o hup doole Ii-isra’el we a ƥise Asuur maa goƭna saax den, too maaga a maadu boo no ñaal roog ne xaye.

A cangatin ale 30:2

Nu nomtooxiidangaa no Yaal oxe Roog nuun, nuun fo xa ƥiy nuun, nanan o ñuxur um na qeeñ nuun fop fo na xa laaw nuun fop, ndeefandin no fop ke um heblaa a nuun xaye,

Hoose 6:1

«Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.

Heseki’el 39:25

Ten taxu keeke layum, mi o Yaal oxe na refkaa boo faw: Ndiiki xam supit muj fee Yakoob, yirim mbind Isra’el fop soo naalaa gon tedu es.

Yeremi 31:8

Nga’yo, xam nomtitiid a den no saax laa no ɓemb-roog o janoon, fokatit a den no cat ke no lanq ke. A ndeer den xan a jeg fuul fo ɓoof, rew waa mbudna fo waa na ngaajooxaa. Den fop, xan a nomtooxiid mene, a mbi faan maak.

Yeremi 3:14

O Yaal oxe kaa tee: «Nomtooxiidyo me mi, nuun xa ƥiy xa kore’aƭaru xe, yaam mi refu o Yaal nuun! Xam xot o leng na nuun mene, na teeru nangam, ɗik lakas maana, no ƥasil nangam, soo nomtiid a nuun Siyoŋ.

Yeremi 3:7

Kaam layoogu yee: ‹A fi’angaa keene fop boo a deyƭoox, xan a nomtooxiid me mi.› Kaa koy, nomtooxiidee, too o pog um o tew, maat ne Yudaa fa ngoohod fee a ga’aan.

Yeremi 3:1

O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

Esayi 44:22

Fortaam njofaƭar of fop nen eel hurdooxu, forit pakaad of itam nen a liim a samu. Nomtooxiidi me mi, yaam mi watong.

Xa peƭit axe 28:13

Oxe na ɗasnaa tooñ um xeniɗkee, oxe na weejlaa pakaad um koy, a fes a den a cinj, xan a waasanel.

A kim a tedu ke 103:17

ndaa o mbeq no Yaal oxe kaa ref bo na moos boo moos no we saɗaruuna, soo o cofel um a gen fo xa ƥiy na xa ƥiy den,

A kim a tedu ke 103:8

O Yaal oxe kaa jeg yirmande, a yaaj kam, a muñantaa soo a may fo o mbeq.

A kim a tedu ke 79:5

O Yaal oxe, kaa o fuuxankaa a in neeke boo a mban? Ndax naal ne wo kaa bugko kaƥaa cay nen fiɗel?

2 Caloori ke 30:9

Nu nomtooxiidangaa me no Yaal oxe, xeƈa xan we ƥisna fog nuun took o hup doole a yirim a den soo a nqaƴ a den da nomtooxiid kam saax leeke, yaam o Yaal oxe Roog nuun a naaga o yirmaa too kaa may fo o paaxel. Nu nomtooxiidangaa no ten, xuunkee a nuun.»

2 Maad we 17:6

No hiid ɓetuu nahkandeer ole no maat Hoose, o maad oxe Asuur a jaɓa a Samari soo a ɓis Ii-isra’el we ngen’ina teen kam Asuur took o hup doole. A dalna a den no jegel olaa Halah fo paam a ƈufnand alaa Haboor no jegel olaa Gosaan fo kam teeru ke no saax laa Medi.

2 Maad we 15:29

Na jamaane Peqah fee o maad Isra’el, Tiglat-Pileseer fee o maad oxe Asuur a gara, a jaɓ teeru fee Iyon, Abel-Bet-Maaka, Yanowah, Qedes, Hasoor, o jegel ole Galaad, ole Galile fo saax le Neftali fop. A ɓisa took a hup doole we ngen’ina meene fop kam Asuur.

Mberaand 4:7

O fosooxangaa paax, a tagid of a let, ndaa o fosooxangaa paaxeer koy, bakaad fee xey no don-maax of a ɓeedang, kaa rek, ba o ci’in o gom!»

A paɗax ale 26:40

«Weene mucna xan a mbeejil ee a tooñaxam, den fo daan den, ye da ngore’aƭarna soo a siiknoor fa mi.

A kim a tedu ke 103:9

Naagee o xasanaa cay too geekkee fuux um boo kili.

Yeremi 11:6

O Yaal oxe a layaxam ee: «Lambni fa lay fene fop kam teeru ke Yudaa fo no ped ke Yeerusaleem ee: Nan-gilooxyo ndegoor ne no ngiɓoor nene too ndeefin!

Yeremi 12:15

Kaa koy, a cinj yaa um fuurkaa a den, xam yirmatin a den soo nomtiid a den, oxuu refna no lanq um, oxuu refna no saax um.

A ƭomatax ake 3:22

O paaxel no Yaal oxe kaa maadaa boo ndiik, too yirmande um fagee.

Heseki’el 11:17

Ten taxu fat o lay a den ee: ‹Keeke o Yaal oxe na refkaa boo faw a layu: Xam fokatit a nuun a ndeer qeet ke, korolit a nuun na saax ake pasar’uuma a nuun ndax um ci a nuun lanq ke Isra’el.

2 Caloori ke 29:10

Ndiiki koy, kaam heboox o hiɓoor fo o Yaal oxe Roog fee Isra’el ndax fuux ɗomu le ten biltooxanna a in a ɓoos.

Esayi 31:6

Nuun Ii-isra’el we, nomtooxiidyo me no xe nu mbes’ina a cinj tigi.

Yeremi 31:21

Sipi xa anddiloor axe wo, lup a teex ake wo, ndax o and me o jofaa. Ɗeeti a paax a ƭat ale, na qal ale o ñaaƴaa. Nomtooxiidi, wo Isra’el o njaaƈ o ndoog o andee adna nqe, nomtooxiidi no teeru kene jegoona.

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›