Yeremi 3:11 - NQAARIIT NE ROOG

¹¹ Cinj kaaga, o Yaal oxe a layaxam ee: «Isra’el fa ngore’aƭaru fee moƴu o jof ee Yudaa fa ngoohod fee.

Yeremi 3:11 Referans Kwoze

Heseki’el 23:11

«O ndeɓ um Oholiba a ga’a keene, soo a moƴin o samar na yuxum um. Njaga ne ten a hupa njaga ne no maag um.

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

Hoose 4:16

Feek Isra’el kaa ɓoow boo nen naak faafañ, o Yaal oxe xaƴkiran ta jeg a xoox um nen mbaal kam xa suufand xa yaaju.

Heseki’el 16:47

Ñaaƴiro na ƭat den day teen, fi cednooxu leng kut ke da mbi’na, kaa o xeef’u kaaga, moƴ o yaqoox a den na ƭat ake wo fop.

Yeremi 3:22

Nomtooxiidyo me mi, nuun xa ƥiy xa kore’aƭaru xe, too xam wodand a nuun no ngore’aƭar nuun.» Xeet fee a doona yee: «In wey ngaraa me wo, yaam wo refu o Yaal oxe Roog in.

Yeremi 3:8

Ke raxuuma rax a Isra’el fa ngore’aƭaru fee fop oo yaam ceeq ke ten soo cooxin a kayit a pinde laa lalitna yee waasaanum, ga’aam ee o pog um o tew Yudaa fa ngoohod fee saɗaree keene too a jaga’ka ten itam.

Yeremi 3:7

Kaam layoogu yee: ‹A fi’angaa keene fop boo a deyƭoox, xan a nomtooxiid me mi.› Kaa koy, nomtooxiidee, too o pog um o tew, maat ne Yudaa fa ngoohod fee a ga’aan.

Yeremi 11:10

A nomtooxa no tooñ ke no daan feraand we den mbañ’ina o nan-giloox fa lay es. Kaa ngiɓoor fo roog lakas, ndax da mbaɗoox a den. Wiin we Isra’el fo we Yudaa a ƭega ngiɓoor ne mi dalin’uuma fo daan den.»