Yeremi 3:1 - NQAARIIT NE ROOG

¹ O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

Yeremi 3:1 Referans Kwoze

Heseki’el 16:26

Jaga’aa fo Miimisira we, gentand of weene cer ke a poŋkilna soo mayƭand njaga of ndax o fuuxnooraam.

Yeremi 4:1

O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Sakari 1:3

Ndiiki koy, fat o lay Ii-isra’el we yee: ‹Nomtooxiidyo me mi, too xam nomtooxiid me nuun. Mi o Yaal oxe Hupna fop layun.

Hoose 1:2

Keeke refu mberaandoong ne no ke o Yaal oxe a layna a reefandin na Hoose. A laya a Hoose yee: «Reti o dolnir fo a caga, too fat o jaɓ xa ƥiy axe ta jegkaa a ndef xa ƥeef, yaam saax le a mbaasaxam, mi o Yaal oxe, a mbaɗooxaa roog lakas nen o tew o tamooxeer.»

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

Yeremi 3:9

Na pexey a pi a qoƈu ke ten Isra’el a xoolaƭaranda saax le, a faɗooxaa roog a ƥil ke fo ke na teex ake, a gore’aƭar na mi.

Yeremi 2:23

Nam saɗo o layit ee: ‹Xoolaƭarandooxiim, reefiim a ƭat ale Baaliin?› Ɗeeti ne o ñaaƴtaa na yulanq ale! Anddilooxi ke fi’oona. O ga’angaang ee o ngeeleemb o ndew onqaa na ƴufaa o saax oo saax.

Haahate we 19:2

O tew oxe a gore’aƭara no ten, a hus Betleheem kam Yudaa no mbind faap um soo a moof maaga boo a qool a nahak.

Mise 2:10

Inooxyo, ndet, yaam meeke refatee o ñootnooxand! Xan nu njeg xa ƭomel tigi, yaam ne nu nqoolaƭarandna a qoox nuun!»

Yeremi 3:22

Nomtooxiidyo me mi, nuun xa ƥiy xa kore’aƭaru xe, too xam wodand a nuun no ngore’aƭar nuun.» Xeet fee a doona yee: «In wey ngaraa me wo, yaam wo refu o Yaal oxe Roog in.

Yeremi 2:7

Ɓisiidaam a nuun no saax jaɓu taxar, ndax nu ñaam teen xa tim axe moƴna o mbel. Kaa koy, ye nu mbadiidna, nu nqoolaƭaranda saax es, o jeg es nu mbi’in sibdel.

Esayi 24:5

We ngenna no lanq ke maasandu a den, yaam kaa niwaƭar’u kebil ke, a sufaalaa bargal ke, a ƭegaa ngiɓoor ne na refkaa boo faw.

A cangatin ale 22:21

fat ta ɓisel boo na carind alaa no mbind faap um, soo goor we na teeru fee a mbartin a kac. Fat a xon, yaam kaa fi cednooxu kam Isra’el, yaa ta wondooxna fo o koor kam mbind faap um, a soƥ dolooxafulee. Neene, xan nu mbatin paaxeer ke a ndeer nuun.

Mace 5:31

«A laye itam ee: ‹Oxuu waasna o teem, fat a cooxit o moon baasin olaa lalitna yee a waasaan.›

A kim a tedu ke 106:38

A ƥaxa fo’oy le no caambuur ke, fo’oy le na xa ƥiy den xa koor fo xa tew, sadaxeena pangool ke no Kaakanaan we, too saax le a maasandte a bar.

Yeremi 22:20

O Yaal oxe kaa tee: «Ŋaayi took xa coong axe Libaŋ too wuuq, wo Yeerusaleem! Jibni o ñuxur of took ñaang le Basan! Falaloorti took xa coong axe Abarim, yaam fop we mbesanoogoonga a nduguñe!

A ƭomatax ake 1:2

Kaa loolaa o yeng ole fop, xa ƭek um a nqaaraa fo xa kooniit. No we mbex’uuna fop, jegee oxaa yaaluuna, qaariit ke ten fop a ngodaan, a ndefat fañ um.

Hoose 2:2

Yudaa fa Isra’el xan a mbokatoor, a mbog o aa-adax o leng kut soo a ngame saax le, yaam ñaal ne Yisre’el xan a magin lool.

Yeremi 31:22

Kaa o gapko wirlooxaa boo a mban, o ndoog o nanaƭaru nqe? Yaam o Yaal oxe xe sakaa qas took lanq ke: O tew oxe na waaƭataa o koor oxe.

Heseki’el 16:30

Mi o Yaal oxe na refkaa boo faw kaam ee: Cey, ndaw ne heestoona! Fi’aa tig oo tig keene fop ndefna calel a caga laa moƴna o hupal.

Heseki’el 16:35

Ten taxu, wo Yeerusaleem, a caga le, nan-gilooxi fa lay fee no Yaal oxe!