Yeremi 29:3 - NQAARIIT NE ROOG

³ Yeremi a ɓoxotaan na xa ƥay Elasa fee o ƥiy Safan fa Gemarya fee o ƥiy Hilkiya, den we Sedekiya fee o maad Yudaa a lul’ina Babilon maa Nebukadnesaar fee o maad oxe Babilon. O leetar ole kaa lay’u yee:

Yeremi 29:3 Referans Kwoze

Heseki’el 8:11

Maak qarɓeen ɓetuu ɗik no mbind Isra’el kaa mbod’u mbaambir den, soo Yaasaniya fee o ƥiy Safan a fod a ndeer den. Oxuu refna kaa deegoox’u no ɓay um o njaq cuuraay soo eel yelefu a yoɗooxaa.

Yeremi 39:14

a lulta o nqotankel a Yeremi no maax olaa no yeeyetax we. A ƥoxotaan a Gedaliya fee o ƥiy Ahikam, too a ref o ndaan Safan, ndax ta ɓisin ta xaad. Neene, Yeremi a genoogata a ndeer xeet fee.

Yeremi 36:25

Yaag oo toox de Elnatan, Delaya fa Gemariya a nqeɗoox’a o maad oxe, ndax doxkee o laxas safe le, ndaa nan-giloox’ee a den.

Yeremi 26:24

Yeremi o mat, Ahikam fee o ƥiy Safan saytoox’un. Ten taxu Yeremi ɓoxot’aand na xa ƥay xeet fee, ndax ta warel.

2 Caloori ke 34:20

A xoyna a Hilkiya fa Ahikam fee o ƥiy Safan fa Abdon fee o ƥiy Mika fa Safan fee o piibind oxe fa Asaya fee o leng no dag we ten, a lay a den ee:

1 Caloori ke 6:13

soo Sami’el a rim a Yowel fee taaw um, soo Abiya a reef.

2 Maad we 22:12

A xoyna a Hilkiya fee o saasadax oxe fa Ahikam fee o ƥiy Safan fa Akboor fee o ƥiy Mikaya fa Safan fee o piibind oxe fa Asaya fee o leng no dag we ten, a lay a den ee:

2 Maad we 22:8

Ye Safan a ɓisiidna nduleer ne no maad oxe me Hilkiya fee o saasadax o maak oxe, oxeene a layaan ee a ga’ta no Mbind ne no Yaal oxe safe le no kebil ke, soo a cooxin o ten. Safan a jangaan bo ta xet.

2 Maad we 18:18

A laamta, ndax da lay fo o maad oxe, ndaa Eliyakim fee o ƥiy Hilkiya too a ref o aa-adax oxe no mbind no maad ne a sutoora na teeru faa, a xetik fa den, a yoon fa Sebna fee o piibind oxe fa Yo’ax fee o keegeek cosaan oxe too a ref o ƥiy Asaf.

1 Caloori ke 2:39

Asariya a rim a Heles, Heles a rim a Eleyasa,

Yeremi 26:22

Kaa koy, o maad Yoyakim a lula a Elnatan fee o ƥiy Akboor Misira, ta yoon fo goor leng-leng.