Yeremi 29:2 - NQAARIIT NE ROOG

² A lulta o leetar ole cinj ye o maad Yoyakin, ya no maad oxe, cawdiin ke, kelfa ke Yudaa fo ke Yeerusaleem, daadaaƴ we fo faal tafax we a mbar’ina o sutoox Yeerusaleem.

Yeremi 29:2 Referans Kwoze

Yeremi 27:20

ke Nebukadnesaar fee o maad oxe Babilon a xot’eerna, ye ta damitna Yeerusaleem a Yoyakin fee o ƥiy Yoyakim, too a ref o maad Yudaa, fo garmi ke Yudaa fo ke Yeerusaleem fop, a ɓis a den took o hup doole kam Babilon.

Yeremi 28:4

Xam nomtiid no mbiñ onqene itam a Yoyakin fee o ƥiy Yoyakim, too a ref o maad Yudaa, fo fop we Yudaa ƥis’eena took o hup doole kam Babilon, yaam xam ɓol a kadoor ale o maad oxe Babilon a seraa a nuun.› »

Yeremi 24:1

O Yaal oxe a lalaxam a ƭamba ƭak xa tun akaa ndiƈeena mbaambir Mbind ne no Yaal oxe. Keene a reeƭa a cinj ye Nebukadnesaar fee o maad oxe Babilon a damitna a Yoyakin fee o ƥiy Yoyakim Yeerusaleem, a ɓisin took o hup doole kam Babilon, ten fo kelfa ke Yudaa, daadaaƴ we fo faal tafax we.

2 Maad we 20:18

Xan leng-leng na xa taan of ŋaƈit sax a ƥisel, a njalanaa o maad oxe Babilon kam mbind no maad ne ten.› »

2 Maad we 9:32

Yehu a daxaƴooxa farna fo falangteer olaa, a falaloox ee: «An faru fa mi meene?» Maaga, dag ɗik mbaat daduk waa mbod’ina took, a mbootnoortiida no falangteer olaa.

1 Sami’el 13:19

No camaane kaaga, o paal o leng jeg’ee kam saax le Isra’el boo Isra’el a xet, yaam Fiifilista we mbug’ee Hebre we a njalan a qoox den laƥ mbaat a salma.

Yeremi 13:18

«Layi o maad oxe fa ya no maad oxe yee: Moofyo a lanq, yaam fo ndip fo mosaan ne nuun a yenta na qoox nuun.

Yeremi 38:7

Ebed-Melek, o Kuukuus oxe, a ref jawdiin faa fogna no mbind no maad ne, a yega yee Yeremi kaa deɓ’el kam mband mbaqe ne. Ne ta jopir’ina o maad oxe a ref no Ndokand ne Bensame,

Yeremi 29:20

Nuun koy, nan-gilooxyo fa lay fee no Yaal oxe, nuun fop we ƥiseena took o hup doole, nuun we o Yaal oxe a sutit’ina Yeerusaleem, a ɓis a nuun Babilon.