Yeremi 29:1 - NQAARIIT NE ROOG

¹ Keeke refu ke bindeena kam o leetar ole o tuleer Yeremi a lultitna Yeerusaleem me no we yoqna no maak we ƥis’eena took o hup doole, saasadax we, duleer we fa xeet fee fop Nebukadnesaar a damit’ina Yeerusaleem, a ɓis a den took o hup doole kam Babilon.

Yeremi 29:1 Referans Kwoze

Esteer 9:20

Mordokay a binda kaaga fop no safe. Cinj kaaga, a lulta xa leetar Yaawuur we ndefna na xa cegel axe no maad Asuwerus fop, we moƴna o mat boo no we moƴna o ngoƭ.

Hebre 13:22

Fog we, kaam xeɗaa a nuun keeke: Nan-gilooxyo fo o muñ a ƭelem akeeke na saƭkinaa, yaam ke binduuma a nuun no leetar oleeke jaakee.

A pi ake 15:23

A cooxa a den o leetar olaa bindeena yee: «In fog nuun, ndefna apootar we fo maak we, in we simnaa a nuun, nuun fog gimu we ndeer no we ndefeerna Yaawuur ngenna Ancook fa Siri fa Silisi.

2 Korint 7:8

Mi de, boo naqadiluuma a nuun no leetar es oleene yoo, ricooxatinum ndiiki. Ricoox’aanum, yaam ne o leetar oleene a naqadil’ina a nuun o ndik,

Yeremi 28:4

Xam nomtiid no mbiñ onqene itam a Yoyakin fee o ƥiy Yoyakim, too a ref o maad Yudaa, fo fop we Yudaa ƥis’eena took o hup doole kam Babilon, yaam xam ɓol a kadoor ale o maad oxe Babilon a seraa a nuun.› »

Galati 6:11

Nu nga’a ne a pind ake no leetar ole bindtuuma a nuun o ɓay es a magnitna.

2 Maad we 24:12

Maaga, Yoyakin fee o maad Yudaa fa ya um fo dag we ten fo jaajal we ten fo cawdiin ke ten a sutoora na teeru fee, a ƥoxotoox no maad oxe Babilon, soo ta fi a den faɗ. Keene oxe jopir’a no hiid ɓetuu dadkandeer ole no maat Nebukadnesaar.

2 Caloori ke 36:10

Farna fo o hiid o xas ole, o maad Nebukadnesaar a ɓisaan Babilon ten fo xa ƥaxañ xa cegu njiriiñ axe no Mbind ne no Yaal oxe soo a dalin a Sedekiya fee faap ndeɓ Yoyakin ta maadooxaa kam Yudaa fa Yeerusaleem.

Yeremi 28:17

No hiid olaaga deŋ o tuleer Hananiya a xonu, no nqool ɓetuu ƭikandeer onqaa.

Yeremi 29:8

Yaam keeke o Yaal oxe Roog fee Isra’el Hupna fop a layu: ‹Ba nu nqaƴ duleer we fo ɗeet we ndefna a ndeer nuun da nax a nuun! Ba xa ƭaaɗ axe nuun a ngaal a nuun.

Yeremi 29:20

Nuun koy, nan-gilooxyo fa lay fee no Yaal oxe, nuun fop we ƥiseena took o hup doole, nuun we o Yaal oxe a sutit’ina Yeerusaleem, a ɓis a nuun Babilon.

Yeremi 51:61

Yeremi a laya a Seraya yee: «O fadangaa Babilon, fat o fi fop boo jang a maak fa lay fene fop.