Yeremi 28:9 - NQAARIIT NE ROOG

⁹ Kaa koy, a soƥangaa yee o tuleer a yegnita jam, na pexey mbadnandoong naa no ke ta yegnitna ta anditkeel nen oxaa o Yaal oxe a lulna ndigil.»

Yeremi 28:9 Referans Kwoze

A cangatin ale 18:22

A soƥangaa yee kaa o tuleer a yegin a nuun tig no gon no Yaal oxe, too keene fadnooxee, fat nu and ee nduleer um naaga inooree no Yaal oxe. O nga’atinax um soom taxun o yegnit keene, too ba nu saɗarin.»

Yeremi 6:14

Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.

Yeremi 14:13

Doonaam ee: «Ey, o Yaal oxe na refkaa boo faw, duleer we we layaa a den ee: ‹Xire dalkee a nuun, too biim jegkee me nuun, yaam jam fa miñu Roog a ci’kaa a nuun mene sax sax.› »

Yeremi 8:11

Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.

Yeremi 4:10

Maaga, xam lay ee: «Cey, o Yaal oxe na refkaa boo faw, naxaa xeet fene fa Yeerusaleem, ye layoona yee: ‹Xan nu njeg jam!› A soƥa fop koy, laƥ ne xe fandaa a in!»

Heseki’el 33:33

Yaa keene layoona a fadnooxkaa, too a fadiida boo a ƴut sax, xan da and ee a jeg’a o tuleer a ndeer den.»

A cangatin ale 18:21

Xeƈa xan nu laamtoox ee nam o kiin a waagu o andit ee nduleer neeke inooree no Yaal oxe.

Esayi 44:26

Kaam fadnaa fa lay no tag es soo fadnaa padafuleer ke duleer we mi a yegnitna. Kaam layaa a Yeerusaleem ee: ‹Xan o genel›, soo teeru ke Yudaa, um lay a den ee: ‹Xan nu maxatinel›, too xam inatin ke yaq’eena teen fop.