Yeremi 28:6 - NQAARIIT NE ROOG

⁶ a lay ee: «Amiini! Yaasam o Yaal oxe a fi neene! Yaasam o Yaal oxe a fadin padafuleer ke yegnitoona, a nomtitiid Babilon boo no mbiñ onqene tig oo tig ke no Mbind ne no Yaal oxe fo fop we ƥis’eena took o hup doole.

Yeremi 28:6 Referans Kwoze

A kim a tedu ke 41:13

Damtaxamo, yaam ne ñakuuma ƥanjel, soo dalnaam mbaambir of boo kili.

1 Maad we 1:36

Benaya fee o ƥiy Yehoyada a doona o maad oxe yee: «Amiini! Yaasam o Yaal oxe Roog fee no maad oxe o yaal es a saƭkand fa lay of!

Yeremi 11:5

Neene, xam dam ke daaɓooxuuma fo daan nuun ee xam ci a den saax laa fo sis fo suum a ndaxritaa, ne ta refitna xaye.» Maaga, doonaam ee: «Ndigil oo, o Yaal oxe!»

Mbeeñil 19:4

Maaga, maak qarɓeen ƭik fo maak nahuk we fo pindel nahik ke a ndalfooxa o ngooknoox, a mbaɗoox a Roog fee moofna took gamb no maad le. Kaa nqaanoogu yee: «Amiini! Haleluyaa!»

Mbeeñil 5:14

Cinj kaaga, pindel nahik ke a ndoona yee: «Amiini!» Maak we o mat a ngooknoox, a mbaɗooxaa.

Mbeeñil 3:14

«Bindanaam a malaaka fee na yetooxaa mbokatax ne no gimu we kam teeru faa Lawodise yee: ‹Fa lay feeke kaa inoor no xe refna Amiini. Kaa ref itam o seede o kore’u xe fo o tefu ndigil oxe, ke Roog a sakna fop a hat no ten.

Mbeeñil 1:18

fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

2 Korint 1:20

A tegit ake Roog fop, na «ii» feene no ten a sinje. Boo ten taxu no gon Yeesu soom i laytaa a Roog ee «Amiini», ndax i ƥoxot a Roog o ndam um.

1 Korint 14:16

Yaam a reftangee neene, too o xeɗaa fo yiif soom, nam o kiin sang um sang um oxe a waagu o doonit ee: «Amiini!» too andee ke xeɗoona, a refangaa sax ee kaa o gidmoogu a Roog?

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Yeremi 28:3

Boo xa kiid xa ƭaq a ngelko fo mbadaa xam nomtiid no mbiñ onqene tig oo tig ke no Mbind ne no Yaal oxe fop, Nebukadnesaar fee o maad oxe Babilon a xotit’ina meen, a ɓis a den Babilon.

Yeremi 18:20

Ndax paax a naaga rabditeel paaxeer? Yaam a mbaqanaxam gamb, ndax da njang o ñis es. Wetandooxi yee geenoox’aam mbaambir of, ndax um lay na den paax, ɓoosdand fuux of fa den.

Yeremi 17:16

Refee yee mi riñong o fi taamaala fee, saliim ñaal naqad ne a gar. Wo, andaa ke hatna no don es, mbaambir of layum.

A kim a tedu ke 106:48

O Yaal oxe Roog fee Isra’el a hela gidmel bo na moos boo moos, too fat xeet fee fop a lay ee: «Amiini! Haleluyaa!»

A kim a tedu ke 89:52

O Yaal oxe, fañ we wo kaa mbenaa rek, kaam ee kaa mbenaa o jaf ole oxe ɗuumoona a ñaaƴna.

A kim a tedu ke 72:19

Gon um jegu o ndam a hela simateel boo cay! Fat lanq ke fop a may fo o ndam um! Amiini! Yaasam ta jegit neene!

1 Caloori ke 16:36

O Yaal oxe Roog fee Isra’el a hela gidmeel bo na moos boo moos! Maaga, xeet faa fop a laya yee: «Amiini!», soo a simat o Yaal oxe.

A lim ale 5:22

Fat foofi lene na salooxaa a rok no laaw ke wo, a uuf o fud of soo a xatnong.› Fat o tew oxe a doon ee: ‹Amiini! Fat a jegit neen!›

Sakari 6:10

«Fat o xot ci’it ke Helday fa Tobiya fa Yedaya a ƥisiidna, too da ngat no we ƥis’eena gilaa saax took o hup doole. Fat o ret xaye no mbind Yosiya fee o ƥiy Sefaniya, too xan o soƥ a den maaga, da inoortiid Babilon.